Prithvi Shaw New Girlfriend: ଏହି ସୁନ୍ଦରୀ ଅଭିନେତ୍ରୀଙ୍କୁ ଡେଟ୍ କରୁଛନ୍ତି ପୃଥ୍ୱୀ ଶ', ନିଜେ କଲେ କନଫର୍ମ!

Prithvi Shaw New Girlfriend: ଭାରତର ଯୁବ ତାରକା ତଥା ବ୍ୟାଟ୍ସମ୍ୟାନ୍ ପୃଥ୍ୱୀ ଶ' ଆଜିକାଲି ନିଜ ବ୍ୟାଟିଂକୁ ଚର୍ଚ୍ଚାରେ ରହିଛନ୍ତି, କିନ୍ତୁ ଏହା ବ୍ୟତୀତ ତାଙ୍କ ଲଭ୍ ଲାଇଫ୍ ମଧ୍ୟ ହେଡଲାଇନରେ ଅଛି । ମିଡିଆ ରିପୋର୍ଟ ଅନୁଯାୟୀ ପୃଥ୍ୱୀ ଶ' ଅଭିନେତ୍ରୀ ତଥା ମଡେଲ ନିଧି ତାପଡିଆଙ୍କୁ ଡେଟ୍ କରୁଛନ୍ତି । 

ନିକଟରେ ନିଧି ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ସେୟାର କରିଛନ୍ତି । ଫଟୋର କ୍ୟାପସନରେ ସେ ଲେଖିଛନ୍ତି, 'ବନ୍ଧୁମାନେ ମୋତେ ଲୈଲା ବୋଲି ଡାକନ୍ତି ।' ଶ’ କମେଣ୍ଟର ଜବାବ ଦେଇ ଲେଖିଛନ୍ତି, 'ସେହି ବନ୍ଧୁ କିଏ' । ଏହା ସହିତ ସେ ଦୁଇ-ତିନିଟି କ୍ରୋଧିତ ଇମୋଜି ମଧ୍ୟ ପୋଷ୍ଟ କରିଥିଲେ । 

ନିଧି ମଧ୍ୟ ଏହି କମେଣ୍ଟର ଉତ୍ତର ଦେଇ ଲେଖିଛନ୍ତି, 'ଏହି କମେଣ୍ଟ ଲେଖୁଥିବା ବନ୍ଧୁ ।' ଲୋକମାନେ ଅନୁମାନ କରୁଛନ୍ତି ଯେ ଦୁହିଁଙ୍କ ମଧ୍ୟରେ ଦିଆଯାଇଥିବା ଏହି କମେଣ୍ଟରୁ ଜଣା ପଡୁଛି ଦୁହେଁ ପରସ୍ପରକୁ ଡେଟ୍ କରୁଛନ୍ତି । ପୃଥ୍ୱୀ ଶ' ଏହା ପୂର୍ବରୁ ମଧ୍ୟ ସୂଚିତ କରିଥିଲେ ।

ନୂଆ ବର୍ଷ ଅବସରରେ ପୃଥ୍ୱୀ ଶ' ନିଧିଙ୍କ ସହ ଏକ ଫଟୋ ସେୟାର କରି ଲେଖିଥିଲେ, 'ନୂଆ ବର୍ଷର ଶୁଭେଚ୍ଛା' । ଏହା ସହିତ ସେ ଏକ ହାର୍ଟ ଇମୋଜି ମଧ୍ୟ ସେୟାର କରିଥିଲେ । ଏଠାରୁ ହିଁ ସେମାନଙ୍କର ଡେଟିଂ ଖବର ଆରମ୍ଭ ହୋଇଥିଲା ।

ନିଧି ନାଶିକର ବାସିନ୍ଦା ଓ ଜଣେ ଇନଷ୍ଟାଗ୍ରାମ ଇନଫ୍ଲୁଏନସର । ସେ ପଞ୍ଜାବୀ ମ୍ୟୁଜିକ୍ ଭିଡିଓ 'ଜଟା କୋକା'ରେ ଅଭିନୟ କରିଥିଲେ । ଏହି ଗୀତାର ଗାୟକ ତଥା ରଚନା ଟନି କକ୍କର ମଧ୍ୟ ତାଙ୍କ ଗୀତ 'କିସ୍ ୟୁ'ରେ ନିଧିଙ୍କୁ ଏକ ସୁଯୋଗ ଦେଇଥିଲେ ।