PM Security Lapse: 'ପ୍ରଧାନମନ୍ତ୍ରୀଙ୍କୁ ଅଟକାଇ କଂଗ୍ରେସ ଷଡଯନ୍ତ୍ର କରିଛି'

PM Modi Security Lapse: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପଞ୍ଜାବ ଗସ୍ତ (PM Narendra Modi Panjab Visit) ସମୟରେ ତାଙ୍କ ସୁରକ୍ଷାରେ ହୋଇଥିବା ଅବହେଳା (Security Lapse)ର ରିପୋର୍ଟ ଆସିଛି। ଏହା ପରେ ଜଷ୍ଟିସ ଇନ୍ଦୁ ମାଲହୋତ୍ରାଙ୍କ ନେତୃତ୍ୱରେ ଏକ କମିଟି ଘଟଣାକ ଯାଞ୍ଚ କରିଥିଲା। ଯାଞ୍ଚ କମିଟି ଏହି ସମ୍ବନ୍ଧିୟ ରିପୋର୍ଟ ସୁପ୍ରିମକୋର୍ଟରେ ଦାଖଲ କରିଛି। ଯେଉଁଥିରେ ପଞ୍ଜାବ ପୋଲିସର ଅବହେଳା ମାମଲା ସାମ୍ନାକୁ ଆସିଛି। ଏହି ପ୍ରସଙ୍ଗରେ ସାମ୍ବାଦିକ ସମ୍ମିଳନୀ କରି ପଞ୍ଜାବର ତତ୍କାଳୀନ କଂଗ୍ରେସ ସରକାରକୁ ବିଜେପି ଟାର୍ଗେଟ କରିଛି ଏବଂ ସୁରକ୍ଷା ବ୍ୟବସ୍ଥାକୁ ଏକ ଯୋଜନାବଦ୍ଧ ଷଡଯନ୍ତ୍ର ବୋଲି କହିଛି। କେନ୍ଦ୍ର ମନ୍ତ୍ରୀ ଅନୁରାଗ ଠାକୁର (Anurag Thakur) କହିଛନ୍ତି ଯେ, ପଞ୍ଜାବ ପୋଲିସ ଏବଂ ତତ୍କାଳୀନ କଂଗ୍ରେସ ସରକାର ପ୍ରଧାନମନ୍ତ୍ରୀଙ୍କୁ ସୁରକ୍ଷା ଯୋଗାଇବାରେ ସଂପୂର୍ଣ୍ଣ ବିଫଳ ଥିବା ପ୍ରମାଣିତ କରିଛନ୍ତି। କିନ୍ତୁ ପ୍ରଶ୍ନ ଉଠୁଛି, କାହାର ଆଦେଶରେ ପୋଲିସ ପକ୍ଷରୁ ଏତେ ବଡ଼ ଅବହେଳା କରାଯାଇଛି?

ଅନୁରାଗ ଠାକୁର କହିଛନ୍ତି ଯେ, ଫିରୋଜପୁରର ଏସଏସପି ଦୁଇ ଘଣ୍ଟା ଧରି ପ୍ରଧାନମନ୍ତ୍ରୀଙ୍କ ପଟୁଆରକୁ କୌଣସି ବିକଳ୍ପ ରାସ୍ତା ଯୋଗାଇବାରେ ବିଫଳ ହୋଇଥିଲେ। ସେ କହିଛନ୍ତି ଯେ, ପ୍ରଧାନମନ୍ତ୍ରୀଙ୍କ ସୁରକ୍ଷା ଅଭାବ ଏକ ଛୋଟ କଥା ନୁହେଁ କିନ୍ତୁ, ଏହାର ଗୁରୁତ୍ବ ଅନେକ ଅଧିକ। ଅନୁରାଗ ଠାକୁର କହିଛନ୍ତି ଯେ, ତତ୍କାଳୀନ କଂଗ୍ରେସ ସରକାର ସମୟରେ ଯେତେବେଳେ ପ୍ରଧାନମନ୍ତ୍ରୀ ପଞ୍ଜାବ ଯାଇଥିଲେ, ସେତେବେଳେ ତାଙ୍କୁ ସ୍ବାଗତ କରିବାକୁ ମୁଖ୍ୟମନ୍ତ୍ରୀ, ଡିଜିପି କିମ୍ବା ମୁଖ୍ୟ ସଚିବ ପହଞ୍ଚି ନଥିଲେ। କେନ୍ଦ୍ରମନ୍ତ୍ରୀ କହିଛନ୍ତି ଯେ, ଯେଉଁ ବ୍ରିଜ ଉପରେ ପ୍ରଧାନମନ୍ତ୍ରୀଙ୍କ ପଟୁଆର ଅଟକି ଯାଇଥିଲା ସେଠାକୁ ପାକିସ୍ତାନ ୧୦ କିଲୋମିଟର ଦୂରରେ ରହିଥିବା ବେଳେ ବ୍ରିଜଠାରୁ ମାତ୍ର ୧୦୦ ମିଟର ଦୂରରେ ପ୍ରଦର୍ଶନକାରୀ ଥିଲେ। ଏପରି ପରିସ୍ଥିତିରେ ସେଠାରେ କୌଣସି ଦୁର୍ଘଟଣା ଘଟିଯିବାର ସମ୍ଭାବନା ଯଥେଷ୍ଟ ଥିଲା । 

ଅନୁରାଗ ଠାକୁର କହିଛନ୍ତି ଯେ, ପ୍ରଧାନମନ୍ତ୍ରୀଙ୍କ ପଟୁଆର ସେଠାରେ ୨୦ ମିନିଟ୍ ରହିଥିବା ବେଳେ ୨ ମିନିଟରେ କିଛି ବି ହେବାର ସମ୍ଭାବନା ରହିଥଲା। ମୁଖ୍ୟମନ୍ତ୍ରୀ ଫୋନ୍ କଲ ପରେ ମଧ୍ୟ ଘଟଣା ସ୍ଥଳକୁ ଆସିନଥିଲେ। ସେ କହିଛନ୍ତି ଯେ, ବିକ୍ଷୋଭକାରୀଙ୍କୁ ପ୍ରଧାନମନ୍ତ୍ରୀଙ୍କ ଶୋଭାଯାତ୍ରା ମାର୍ଗ ବିଷୟରେ ସୂଚନା କିଏ ଦେଇଥିଲେ। ଏଥିସହ ସେହି ବ୍ୟକ୍ତି ଜଣକ କିଏ ଯାହାଙ୍କ ସହ SSP କ୍ରମାଗତ ଭାବରେ ଫୋନ୍ କଲରେ କଥାବାର୍ତ୍ତା ହେଉଥିଲା ଓ କାହାଠାରୁ ସେ ନିର୍ଦ୍ଦେଶ ନେଉଥିଲେ। ଏହି ପ୍ରଶ୍ନଗୁଡିକର ମଧ୍ୟ ଉତ୍ତର ସାମ୍ନାକୁ ଆସିବା ଉଚିତ୍। 

ସୁପ୍ରିମକୋର୍ଟରେ ଏହି ମାମଲାର ଯାଞ୍ଚ କରୁଥିବା କମିଟି ଦ୍ୱାରା ଦାଖଲ କରାଯାଇଥିବା ରିପୋର୍ଟରୁ ଜଣାପଡିଛି ଯେ, ପ୍ରଧାନମନ୍ତ୍ରୀ ମୋଦିଙ୍କ ପଞ୍ଜାବ ଗସ୍ତ ସମୟରେ ଫିରୋଜପୁର ଏସଏସପି ତାଙ୍କ କର୍ତ୍ତବ୍ୟକୁ ସଠିକ୍ ଭାବେ ପାଳନ କରିବାରେ ବିଫଳ ହୋଇଥିଲେ। କମିଟି କୋର୍ଟରେ କହିଛନ୍ତି ଯେ, ଏକ ମନିଟରିଂ କମିଟି ରହିବା ଉଚିତ ଯାହା ପ୍ରଧାନମନ୍ତ୍ରୀଙ୍କ ସୁରକ୍ଷା ସହ ଜଡିତ ପୋଲିସ କର୍ମଚାରୀଙ୍କ ପାଇଁ ସମୟ ସମୟରେ ସମ୍ବେଦନଶୀଳତା ଏବଂ ବ୍ଲୁ ବୁକର ସମୀକ୍ଷା କରିପାରିବେ। 'ବ୍ଲୁ ବୁକ୍' ହେଉଛି ଏକ ସୁରକ୍ଷା ସମ୍ବନ୍ଧୀୟ ଗାଇଡଲାଇନ ଡକ୍ୟୁମେଣ୍ଟ, ଯାହାକି VVIPଙ୍କ ସୁରକ୍ଷା ସମ୍ବନ୍ଧରେ ପାଳନ କରାଯିବାକୁ ଥିବା ନିୟମାବଳୀକୁ ବିସ୍ତୃତ ବିବରଣୀ। ପ୍ରଧାନମନ୍ତ୍ରୀଙ୍କ ସୁରକ୍ଷାକୁ ନିଶ୍ଚିତ କରିବାକୁ ରାଜ୍ୟ ଅଧିକାରୀମାନେ ଅନୁସରଣ କରିବାକୁ ଥିବା ପଦ୍ଧତି ବ୍ଲୁ ବୁକରେ ସ୍ପଷ୍ଟ ଭାବରେ ବର୍ଣ୍ଣିତ ରହିଛି।