Ghulam Nabi Azad: କାଶ୍ମୀର ଭୋଟ୍ ନେବା ପାଇଁ କଣ ରହିଛି ଗୁଲାମଙ୍କର ଚାଲ ଜାଣନ୍ତୁ?

Azad On Article-370: ଜମ୍ମୁ-କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଗୁଲାମ ନବୀ ଆଜାଦ ଦାବି କରିଛନ୍ତି ଯେ, ସେ ଧାରା ୩୭୦ର ପୁନଃ ସ୍ଥାପନ ସମ୍ଭାବନାକୁ କେବେ ବି ଏଡ଼ାଇ ନାହାନ୍ତି। ତେବେ ଏହା ଏକ ସମୟ ସାପେକ୍ଷ ପ୍ରକ୍ରିୟା ହୋଇପାରେ।

Azad On Article-370: ମୋଦି-ଗୁଲାମ ନବୀ ଆଜାଦଙ୍କ ରାଜନୈତିକ ସମ୍ପର୍କ ଠାରୁ ବ୍ୟକ୍ତିଗତ ସମ୍ପର୍କ କାହାକୁ ଅଛପା ନାହିଁ। କାଶ୍ମୀର ବାସୀଙ୍କୁ ଆକୃଷ୍ଟ କରିବା ପାଇଁ ବାରମ୍ବାର ନୂଆ ନୂଆ ଚାଲରେ ବୟାନବାଜି କରୁଛନ୍ତି। ଏହି ମର୍ମରେ କଂଗ୍ରେସର ପୂର୍ବତନ ନେତା ଗୁଲାମ ନବୀ ଆଜାଦ (Ghulam Nabi Azad) ବୁଧବାର କହିଛନ୍ତି ଯେ, ଜାମ୍ମୁ-କାଶ୍ମୀର (Jammu And Kashmir)ର ବିକାଶରେ ଧାରା ୩୭୦ (Article-370) କୌଣସି ପ୍ରତିବନ୍ଧକ ନଥିଲା। ସେ ଦାବି କରିଛନ୍ତି ଯେ, ଯେତେବେଳେ କାଶ୍ମୀରରେ ୩୭୦ ଲାଗୁ କରାଯାଇଥିଲା, ସେତେବେଳର ରାଜ୍ୟ ୩୦ ସୂଚକାଙ୍କ ସହିତ ଜାତୀୟ ହାରଠାରୁ ଭଲ ପ୍ରଦର୍ଶନ କରିଥିଲା। ଜମ୍ମୁ-କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ମଧ୍ୟ ଦାବି କରିଛନ୍ତି ଯେ, ସେ ଧାରା ୩୭୦ର ପୁନଃ ସ୍ଥାପନ ସମ୍ଭାବନାକୁ କେବେ ବି ଏଡ଼ାଇ ନାହାନ୍ତି। ତେବେ ଏହା ଏକ ସମୟ ସାପେକ୍ଷ ପ୍ରକ୍ରିୟା ହୋଇପାରେ ବୋଲି ସେ କହିଛନ୍ତି। ଆଜାଦ କହିଛନ୍ତି ଯେ, କେବଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହା କରିପାରିବେ, ଅର୍ଥାତ ଧାରା ୩୭୦ର ପୁନଃ ସ୍ଥାପନା।

ଆଜାଦ ଗଣମାଧ୍ୟମକୁ କହିଛନ୍ତି, "ଧାରା ୩୭୦ କୌଣସି ପ୍ରତିବନ୍ଧକ ନଥିଲା। ଜାମ୍ମୁ-କାଶ୍ମୀରର ମୁଖ୍ୟମନ୍ତ୍ରୀ ଥିଲା ବେଳେ ମୁଁ ତିନୋଟି ସିଫ୍ଟର କାର୍ଯ୍ୟ ପ୍ରଣାଳୀ ଆରମ୍ଭ କରିଥିଲି, ସପ୍ତାହରେ ୬ ଦିନ ବିଧାନସଭା ବୈଠକ ଅନୁଷ୍ଠିତ ହୋଇଥିଲା, ରାସ୍ତା ନିର୍ମାଣ କରାଯାଉଥିଲା, ବିଦ୍ୟାଳୟ ଏବଂ କଲେଜଗୁଡ଼ିକର ଏକ ନେଟୱାର୍କ ତିଆରି କରାଯାଉଥିଲା ଏବଂ ପରିମଳ ମଞ୍ଜୁର ଦିଆଯାଉଥିଲା। ନିକଟରେ କଂଗ୍ରେସ ଛାଡିଥିବା ପୂର୍ବତନ କେନ୍ଦ୍ର ମନ୍ତ୍ରୀ କହିଛନ୍ତି ଯେ, ଧାରା ୩୭୦ରେ ମଧ୍ୟ ସେ ମୋଦିଙ୍କୁ ସଂସଦରେ ବିରୋଧ କରିଛନ୍ତି।

ଆଜାଦ କହିଛନ୍ତି, "ମୁଁ ଏହି ପ୍ରସଙ୍ଗରେ ପ୍ରଧାନମନ୍ତ୍ରୀ ଏବଂ ଗୃହମନ୍ତ୍ରୀଙ୍କୁ ଏକ ପ୍ରଶ୍ନ ପଚାରିଥିଲି। ମୁଁ ୩୦ଟି ସୂଚକାଙ୍କକୁ ଆଲୋଚନାରେ ଆଗକୁ ଆଣିଥିଲି ଯେଉଁଠାରେ ଧାରା ୩୭୦ ଅନୁଯାୟୀ ଜାମ୍ମୁ-କାଶ୍ମୀର ଜାତୀୟ ପ୍ରତିଶତ ଓ ୪୦ଟି ସୂଚକାଙ୍କ ସହିତ ଗୁଜୁରାଟ ଅପେକ୍ଷା ଭଲ ପ୍ରଦର୍ଶନ କରିଥିଲା।" ସେ କହିଛନ୍ତି, "ମୁଁ କହିନାହିଁ ଯେ ଧାରା ୩୭୦ ପୁନଃ ସ୍ଥାପିତ ହୋଇପାରିବ ନାହିଁ। ଏହା ମୋଦିଙ୍କ ଦ୍ୱାରା ପୁନଃ ସ୍ଥାପିତ ହେବ, ଯେପରି ସେ କୃଷି ନିୟମ ପ୍ରତ୍ୟାହାର କରିନେଲେ ସେହିପରି ଏହାର ମଧ୍ୟ ସ୍ଥାପନା କରିବେ, କାରଣ ତାଙ୍କର ସଂଖ୍ୟାଗରିଷ୍ଠତା ଅଛି। ଏଥିପାଇଁ ସଂସଦ ଦୁଇ-ତୃତୀୟାଂଶ ସଂଖ୍ୟାଗରିଷ୍ଠତା ରହିବା ଉଚିତ୍। ମୁଁ ତାଙ୍କୁ କିମ୍ବା ତାଙ୍କ କ୍ୟାବିନେଟକୁ ଏହା କରିବାକୁ ରାଜି କରିପାରିବି ନାହିଁ।" ଆଜାଦ କହିଛନ୍ତି ଯେ ସଂସଦରୁ ସେ ପାଇଥିବା ସୂଚନା ଅନୁଯାୟୀ, ଲୋକସଭାରେ (ବିଜେପି ଏବଂ ଅନ୍ୟ ଆଠଟି ଦଳ)ର ୮୬% ସଦସ୍ୟ ଏହାକୁ ପ୍ରତ୍ୟାହାର ସପକ୍ଷରେ ଥିବା ବେଳେ ୧୪% ଏହାକୁ ବିରୋଧ କରୁଛନ୍ତି।

ସେ କହିଛନ୍ତି, କଣ ଏଠାକାର (ଜାମ୍ମୁ-କାଶ୍ମୀ)ର କୌଣସି ବି ଦଳକୁ ୮୬ ପ୍ରତିଶତ ବହୁମତ ମିଳିପାରିବ? ଆମେ ପ୍ରାର୍ଥନା କରିପାରିବା ଯେ, କେବେ ଆମକୁ ଦୁଇ ତୃତୀୟାଂଶ ବହୁମତ ମିଳୁ, କିନ୍ତୁ ଏହା ଆଜି ସମ୍ଭବ ନୁହେଁ, ଆସନ୍ତା ବର୍ଷ ମାର୍ଚ୍ଚରେ ବି ସମ୍ଭବ ନୁହେଁ। ଯଦି ଏହା ଡିସେମ୍ବର ସୁଦ୍ଧା ସମ୍ଭବ ହେବ (ଚଳିତ ବର୍ଷ), ତ କେବଳ ମୋଦି ସାହେବ ଏହା କରିପାରିବେ। ସେ କହିଛନ୍ତି ଦ୍ବିତୀୟ ଉପାୟ ହେଉଛି ସୁପ୍ରିମକୋର୍ଟ।