Bihar Politics: 'ରାଜ୍ୟର ଗରମ ମାହୋଲ ବେଳେ କମ୍ପି ଉଠୁଛନ୍ତି ବିଜେପି ନେତା'

Congress Leader Kanhaiya Kumar: କଂଗ୍ରେସ ନେତା କହ୍ନେୟା କୁମାର କହିଛନ୍ତି ବିହାରର ଶାସନ ଭାର ଗ୍ରହଣ କରିଥିବା ମହାମେଣ୍ଟ ସରକାରର ଉଦ୍ଦେଶ୍ୟ ଅତ୍ୟନ୍ତ ସ୍ପଷ୍ଟ। ମହାମେଣ୍ଟ ସରକାର ଏହାର କାର୍ଯ୍ୟ ମାଧ୍ୟମରେ ଲୋକଙ୍କୁ ଏହି ବାର୍ତ୍ତା ଦେବା ଆବଶ୍ୟକ ଯେ ଆମେ ବିଜେପି ଭଳି ଦଳର ବିଭାଜନକାରୀ ଶାସନ ନୀତି ପରାସ୍ତ କରିପାରିଛୁ।

Congress Leader Kanhaiya Kumar: ବିହାର ରାଜନୀତିରେ ହୋଇଥିବା ରାଜନୈତିକ ଘଟଣାକ୍ରମକୁ ନେଇ ବିଜେପି ଉଦ୍ଦେଶ୍ୟରେ କଟାକ୍ଷ କରିଛନ୍ତି କଂଗ୍ରେସ ନେତା କହ୍ନେୟା କୁମାର। ଏନେଇ ସେ କହିଛନ୍ତି ଯେ ବିହାର ବିଜେପି ଭଳି ଦଳକୁ ରାଜନୀତିରେ ଏକ ଭଲ ଉଦାହରଣ ଦେଖାଇଛି। ସେ କହିଛନ୍ତି ଯେ ସବୁଥର ପରି ବିହାର ମଧ୍ୟ ଦେଶର ରାଜନୀତିରେ ଦିଗ ଦେଖାଇବାର କାର୍ଯ୍ୟ କରିଛି। ବିହାର ରାଜନୀତିରେ ହୋଇଥିବା ରାଜନୈତିକ ଘଟଣାକ୍ରମ ଅନ୍ଧାରରେ ଆଲୋକ ଦେଖାଇବା ଭଳି କାର୍ଯ୍ୟ କରିଛି। ଯେତେବେଳେ ଦେଶରେ ଏପରି ପରିବେଶ ସୃଷ୍ଟି ହେଲା ସେତେବେଳେ ଲୋକ କହିବା ଆରମ୍ଭ କଲେ ଯେ ବିଜେପି ଭଳି ଦଳକୁ ପରାସ୍ତ କରିବା କଷ୍ଟକର। କାରଣ ରାଜନୀତିରେ ଅର୍ଥବଳ ଶକ୍ତି ଏବଂ ବାହୁବଳ ଆଗରେ ତିଷ୍ଠି ରହିବା କଷ୍ଟକର। ହେଲେ ବିହାର ଏହା ଦର୍ଶାଇଛି ଯେ ସରକାର ବଦଳାଇବା ପାଇଁ ବିଧାୟକଙ୍କୁ ରସୋର୍ଟ ସ୍ଥାନାନ୍ତର କରିବା ଜରୁରୀ ନୁହେଁ। ଅତି ସରଳ ଉପାୟରେ ବିହାରର ଏକ ନୂତନ ସରକାର ଗଠିତ ହୋଇଛି।

କଂଗ୍ରେସ ନେତା କହ୍ନେୟା କୁମାର (Congress Leader Kanhaiya Kumar) କହିଛନ୍ତି ବିହାରର ଶାସନ ଭାର ଗ୍ରହଣ କରିଥିବା ମହାମେଣ୍ଟ ସରକାରର (Bihar Grand Alliance Govt) ଉଦ୍ଦେଶ୍ୟ ଅତ୍ୟନ୍ତ ସ୍ପଷ୍ଟ। ଏହି ସରକାର ଶିକ୍ଷା, ସ୍ୱାସ୍ଥ୍ୟ, ରୋଜଗାର, ସ୍ଥାନାନ୍ତରଣ ଭଳି ପ୍ରସଙ୍ଗ ଉପରେ କାମ କରିବା ଆବଶ୍ୟକ। ମହାମେଣ୍ଟ ସରକାର ଏହାର କାର୍ଯ୍ୟ ମାଧ୍ୟମରେ ଲୋକଙ୍କୁ ଏହି ବାର୍ତ୍ତା ଦେବା ଆବଶ୍ୟକ ଯେ ଆମେ ବିଜେପି ଭଳି ଦଳର ବିଭାଜନକାରୀ ଶାସନ ନୀତି (Divide and Rule Policy of BJP) ପରାସ୍ତ କରିପାରିଛୁ।

ଏକ ଭିଡ଼ିଓ ମାଧ୍ୟମରେ  କଂଗ୍ରେସ ନେତା କହ୍ନେୟା କୁମାର କହିଛନ୍ତି ଯେ ଏଭଳି ଗରମ ପରିବେଶରେ ଏବଂ ୪୦ ଡିଗ୍ରୀ ତାପମାତ୍ରାରେ ମଧ୍ୟ ବିଜେପି ନେତା ଥରୁଥିବାର ଦେଖାଯାଉଛି। ସେମାନେ କହୁଛନ୍ତି ଯେ ଗଣତନ୍ତ୍ରରେ ସଂଖ୍ୟା ହେଉଛି ଗୁରୁତ୍ୱପୂର୍ଣ୍ଣ। ବର୍ତ୍ତମାନ ନକଲି ଚାଣକ୍ୟ ବିଫଳ ହୋଇଛି। ସେ ତାଙ୍କର ପରବର୍ତ୍ତୀ ପଦକ୍ଷେପ ସ୍ଥିର କରିବାକୁ ଅସମର୍ଥ ହୋଇଛନ୍ତି। ବିହାର ନିଜର ଇତିହାସକୁ (History of Bihar) ପୁନର୍ଜୀବିତ କରିବାର କାର୍ଯ୍ୟ କରିଛି। ଯେତେବେଳେ ଦେଶ ଆବଶ୍ୟକ କରେ ସେତେବେଳେ ବିହାର ରାସ୍ତା ଦେଖାଏ। ବିହାର କେବଳ ପରିବର୍ତ୍ତନ ଉଦ୍ଦେଶ୍ୟ ନେଇ ଆଗକୁ ବଢିଥାଏ। ବିହାର ରାଜନୀତିରେ (Bihar Politics) କେବଳ ସରକାର ପରିବର୍ତ୍ତନ ହୋଇନାହିଁ ବରଂ ଆଶାର କିରଣ ସୃଷ୍ଟି ହୋଇଛି।