ଉତ୍କଳ ବିଶ୍ୱବିଦ୍ୟାଳୟ ସଂସ୍କୃତ ବିଭାଗରେ ଅଗ୍ନିକାଣ୍ଡ

ଭୁବନେଶ୍ୱର: ଉତ୍କଳ ବିଶ୍ୱବିଦ୍ୟାଳୟରେ ଅଗ୍ନିକାଣ୍ଡ। ସଂସ୍କୃତ ବିଭାଗ ମୁଖ୍ୟ କାର୍ଯ୍ୟାଳୟରେ ମଙ୍ଗଳବାର ଘଟିଯାଇଛି ଏପରି ଅଗ୍ନିକାଣ୍ଡ। ଯାହା ଫଳରେ କାର୍ଯ୍ୟାଳୟର ଆସବାବପତ୍ର, ଫାଇଲ, କମ୍ପ୍ୟୁଟର ଆଦି ପୋଡ଼ି ଲକ୍ଷାଧିକ ଟଙ୍କାର ସାମଗ୍ରୀ ନଷ୍ଟ ହୋଇଯାଇଛି। ଏ ଘଟଣାରେ ପ୍ରତିକ୍ରିୟା ରଖି ବିଭାଗୀୟ ମୁଖ୍ୟ ଡକ୍ଟର ସୁବାଷ ଚନ୍ଦ୍ର ଦାସ କହିଛନ୍ତି ମଧ୍ୟାନ୍ନ ୨ଟା ୪୦ ମିନିଟ ସମୟରେ ଅନଲାଇନ କ୍ଲାସ ଚାଲିଥିଲା। ଏହି ସମୟରେ ଲାଗିଥିବା ଏସିରୁ ସର୍ଟସର୍କିଟ ହୋଇ ସେଥିରୁ ନିଆଁ ବ୍ୟାପିଯାଇଥିଲା। କିଛି ଗୁରୁତ୍ୱପୂର୍ଣ ଫାଇଲ ଗୁଡିକ ସୁରକ୍ଷିତ ରହିଛି ବୋଲି କହିଛନ୍ତି ସେ। ଅନ୍ୟପଟେ ଏନେଇ ଖବର ପାଇବାର ୨୦ ମିନିଟ ମଧ୍ୟରେ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା।