ବାଣ ଫୁଟାଇବାବେଳେ ଅଗ୍ନିକାଣ୍ଡରେ ୭୦ରୁ ଊର୍ଦ୍ଧ୍ୱ ଦୋକାନ ଘର ପୋଡ଼ି ପାଉଁଶ

ଗାୟତ୍ରୀ ଚକ୍ରବର୍ତ୍ତି, ସମ୍ୱଲପୁର: ଶେଷ ହୋଇଛି ଆଲୋକର ପର୍ବ ଦୀପାବଳି...ଦୀପାବଳିରେ ବିଭିନ୍ନ ଜାଗାରେ ଘଟିଛି ଅଭାବନୀୟ ଘଟଣା ...ଟିକେ ଅସାବଧାନତା ଯୋଗୁଁ ହୋଇଛି ଭୟାବହ ଅଗ୍ନିକାଣ୍ଡ  । ନିଆଁ ଲାଗି ଲକ୍ଷ ଲକ୍ଷ ଟଙ୍କାର ସମ୍ପତ୍ତି ପୋଡ଼ି ପାଉଁଶ ହୋଇଯାଇଛି । ସମ୍ବଲପୁର ଗୋଲବଜାର ପରିବା ମାର୍କେଟରେ ନିଆଁ ଲାଗି ପ୍ରାୟ ୭୦ରୁ ଊର୍ଦ୍ଧ୍ୱ ଦୋକାନ ପୂରାପୂରି ଭସ୍ମ  ହୋଇଯାଇଛି । ସେପଟେ ସର୍ଟ ସର୍କିଟ୍‌ରୁ ବାଲେଶ୍ୱରରେ ଏକ ଜୋତା ଦୋକାନ ସମ୍ପୂର୍ଣ୍ଣ ଜଳିଯାଇଥିବା ଜଣାପଡ଼ିଛି । ଗତକାଲି ରାତିରେ ସମ୍ବଲପୁର ଗୋଲବଜାରରେ ଭୟାବହ ଅଗ୍ନିକାଣ୍ଡ ଘଟିଛି । ଚାହୁଁ ଚାହୁଁ ଗୋଟିଏ ପରେ ଗୋଟିଏ ଦୋକାନକୁ ନିଆଁ ବ୍ୟାପିଯାଇଥିଲା । ତୁରନ୍ତ ଅଗ୍ନିଶମ କର୍ମଚାରୀମାନେ ଖବର ପାଇ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛନ୍ତି । କିନ୍ତୁ ଏହି ଅଗ୍ନିକାଣ୍ଡରେ ୭୦ରୁ ଊର୍ଦ୍ଧ୍ୱ  ଦୋକାନ ଘର ପୋଡ଼ି ପାଉଁଶ ହୋଇଯାଇଛି । ମାତ୍ର କେହି ମୃତାହତ ହୋଇ ନ ଥିବା ସୂଚନା ମିଳିଛି..କିନ୍ତୁ ଲକ୍ଷ ଲକ୍ଷ ଟଙ୍କାର ସାମଗ୍ରୀ ପୋଡ଼ି ପାଉଁଶ ହୋଇଯାଇଛି । ଅଗ୍ନିକାଣ୍ଡର କାରଣ ଜଣାପଡିନଥିବା ବେଳେ ଦୀପାବଳିରେ ଲାଗିଥିବା ଦୀପରୁ ନିଆଁ ଲାଗିଥିବା ସନ୍ଦେହ କରାଯାଉଛି । ଏନେଇ ପେଲିସର ତଦନ୍ତ ଆରମ୍ଭ ହୋଇଛି ।

ଅନ୍ୟପଟେ ବାଲେଶ୍ୱର ଜିଲ୍ଲାର ବାହାନଗା ବ୍ଲକ ଅନ୍ତର୍ଗତ ଖନ୍ତାପଡା ବଜାରରେ ନିଆଁ ଲାଗି ଏକ ଜୋତା ଦୋକାନ ସମ୍ପୂର୍ଣ୍ଣ ପୋଡିଯାଇଛି । ଅଗ୍ନିଶମ ବାହିନୀ ନିଆଁଙ୍କୁ ଆୟତ୍ତ କରିଛନ୍ତି । ଏଥିରେ ପାଖାପାଖି  ୩ ଲକ୍ଷ ଟଙ୍କାର ଜୋତା ପୋଡି ପାଉଁଶ ହୋଇଯାଇଛି । ସର୍ଟ ସର୍କିଟରୁ ଅଗ୍ନିକାଣ୍ଡ ଘଟିଥିବା ଜଣାପଡିଛି ।

ସେପଟେ ଦୀପାବଳିରେ ବାଣ ଫୁଟାଉଥିବା ବେଳେ ଅଘଟଣ । ରାଉରକେଲା ସେକ୍ଟର ୬  ତାରାତାରିଣୀ ପଲ୍ଲୀରେ ବାଣ ଫୁଟାଇବା ବେଳେ ମୁହଁ ପାଖରେ ଫୁଟିଲା ବମ୍। ଯୁବକ ଗୁରୁତର । ଗୁରୁତର ଯୁବକ ଜଣଙ୍କ ଲିପୁ ଗୋଛାୟତ । ଯୁବକଙ୍କୁ ରାଉରକେଲା ସରକାରୀ ଡାକ୍ତରଖାନାରେ ଭର୍ତ୍ତି କରାଯ଼ାଇଛି । ସେପଟେ ଆନନ୍ଦପୁରରେ ମଧ୍ୟ ବାଣ ଫୁଟାଇବା ବେଳେ ହାତରେ ବାଣ ଫୁଟିବା ଯୋଗୁଁ ପଞ୍ଚୁପୁଲି ଗାଁର ବୁଲୁ ଖଟୁଆ ଗୁରୁତର ହୋଇଛନ୍ତି ତାଙ୍କୁ ଆନନ୍ଦପୁର ମେଡିକାଲରେ ଭର୍ତ୍ତି କରାଯାଇଛି । ସେଭଳି ଟାଙ୍ଗୀରେ ମଧ୍ୟ ଦୀପାବଳିରେ ବାଣ ଫୁଟାଇବା ବେଳେ ହାତରେ ବାଣ ଫୁଟିବା ଯୋଗୁଁ ଜଗା ବେହେରା ନାମକ ଜଣେ ବ୍ୟକ୍ତିଙ୍କ ଆଙ୍ଗୁଠି ନଷ୍ଟ ହୋଇଯାଇଛି । ଗୁରୁତର ଅବସ୍ଥାରେ ତାଙ୍କୁ ଖୋର୍ଦ୍ଧା ସେଡିକାଲକୁ ସ୍ଥାନାନ୍ତର କରାଯାଇଛି । ସୋରରେ ମଧ୍ୟ ବିଭିନ୍ନ ଅଞ୍ଚଳରେ ବାଣ ଫୁଟାଇବା ବେଳେ ୧୦ ଆହତ ହୋଇଛନ୍ତି ।  ଆହତଙ୍କ  ମଧ୍ୟରୁ ୭ ଜଣ ଶିଶୁ ଶିଶୁ ଅଛନ୍ତି ।  ଆହତଙ୍କୁ  ସୋର ଡାକ୍ତରଖାନାରେ ଭର୍ତ୍ତି କରାଯାଇଛି ।

ସେପଟେ ଦୀପାବଳିରେ ବାଣ ଫୁଟାଉଥିବା ବେଳେ ଦୁଇଜଣ ଗୁରୁତର ଆହତ ହୋଇଛନ୍ତି । ସହଦେବଖୁଣ୍ଟ ଥାନା  ଗୁଡିପଦା ଅଂଚଳର ମାଣିକ ସେକ ଓ ପୁରୁଣା ବାଲେଶ୍ୱରର ରାଜକିଶୋର ନନ୍ଦ ଗୁରୁତର ହୋଇଛନ୍ତି ।  ବାଣ ଫୁଟାଉଥିବା ବେଳେ ହାତରେ ବାଣ ଫୁଟିଯିବା ଯୋଗୁଁ ହାତର ଦୁଇଟି ଆଙ୍ଗୁଠି ଫାଟିଯାଇଛି ।  ଅନ୍ୟ ଜଣେ ମଧ୍ୟ ବାଣ ଫୁଟାଉଥିବା ବେଳେ ବାରୁଦ ନିଆଁ ଲାଗି ଗୁରୁତର ହୋଇଛନ୍ତି । ଗୁରୁତରଙ୍କୁ ଚିକିତ୍ସା ପାଇଁ ମେଡିକାଲରେ ଭର୍ତ୍ତି କରାଯାଇଛି... ଆନନ୍ଦପୁର ସୁହରାପାଳ ଗାଁରେ ଅଘଟଣ । ଘରେ ନିଆଁ ଲାଗି ଜଣେ ଜୀବନ୍ତ ଦଗ୍ଧ  । ମୃତକ ହେଲେ ଶୋଷ ଥାନା ସୁହରା ପାଳ ଗାଁର ଶୁକଦେବ ମୁଣ୍ଡା । ଆନନ୍ଦପୁର ତହସିଲରେ ଜୁନିଅର କ୍ଳର୍କ ଥିଲେ ଶୁକଦେବ।