Ashes Controversy: ଆଲେକ୍ସ କେରିଙ୍କ 'ଚୁଟି କଟାକୁ ନେଇ ହଙ୍ଗାମା', ମୁହାଁମୁହିଁ ହେଲେ ଅଷ୍ଟ୍ରେଲିଆ-ଇଂଲଣ୍ଡ

Alex Carey: ଇଂଲଣ୍ଡର ଖବରକାଗଜ ଦି ସନ୍ ଅନୁଯାୟୀ ଆଲେକ୍ସ କେରି ଏକ ସେଲୁନରେ ଚୁଟି କାଟିଥିଲେ, କିନ୍ତୁ ଅଷ୍ଟ୍ରେଲୀୟ ୱିକେଟ୍ କିପର ବ୍ୟାଟ୍ସମ୍ୟାନ୍ ସେଲୁନ୍ ମାଲିକଙ୍କୁ ଏହାର ଟଙ୍କା ଦେଇ ନଥିଲେ ।

Steve Smith On Alex Carey Haircut: ଅଷ୍ଟ୍ରେଲୀୟ ୱିକେଟ୍ କିପର ବ୍ୟାଟ୍ସମ୍ୟାନ୍ ଆଲେକ୍ସ କେରି (Alex Carey) ଇଂଲଣ୍ଡର ଏକ ସେଲୁନରେ ଚୁଟି କାଟିଥିଲେ, କିନ୍ତୁ ସେଲୁନ୍ ମାଲିକଙ୍କୁ ଟଙ୍କା ଦେଇନଥିଲେ । ହଁ ଆଜ୍ଞା... ଏହା ଆମେ କହୁନାହୁଁ କିନ୍ତୁ ଇଂଲଣ୍ଡର ଖବରକାଗଜ ଦି ସନ୍ କୁହନ୍ତି । ଇଂଲଣ୍ଡର ଖବରକାଗଜ ଦି ସନ୍ ଅନୁଯାୟୀ ଆଲେକ୍ସ କେରି ଏକ ସେଲୁନରେ ଚୁଟି କାଟିଥିଲେ । ଆଲେକ୍ସ କେରିଙ୍କ ଚୁଟି ଯିଏ କାଟିଥିଲେ ତାଙ୍କ ନାମ ଆଡାମ । ଏହି ଖବରକାଗଜ ଏହା ମଧ୍ୟ ଦାବି କରିଛି ଯେ ଆଲେକ୍ସ କେରି ଆଡାମଙ୍କୁ ଚୁଟି କାଟିବା ପରେ ୩୦ ଡଲାର ଦେଇ ନାହାଁନ୍ତି । ଯାହା ପରେ ଆଡାମ ଆଲେକ୍ସ କେରିଙ୍କୁ ସୋମବାର ପର୍ଯ୍ୟନ୍ତ ଏକ ସମୟସୀମା ଦେଇଛନ୍ତି ।

ଦି ସନ୍ ଖବରକାଗଜର ଏହି ଦାବି ଉପରେ ଷ୍ଟିଭ୍ ସ୍ମିଥ୍ କ’ଣ କହିଛନ୍ତି?
ଏଥିସହିତ ବର୍ତ୍ତମାନ ଅଷ୍ଟ୍ରେଲୀୟ ଖେଳାଳି ଷ୍ଟିଭ ସ୍ମିଥ (Steve Smith) ଦି ସନ୍‌ଙ୍କ ଦାବିକୁ ପ୍ରତ୍ୟାଖ୍ୟାନ କରିଛନ୍ତି । ବାସ୍ତବରେ, ଷ୍ଟିଭ୍ ସ୍ମିଥ୍ ଥ୍ରେଡ୍ସର ଦି ସନ୍ ନ୍ୟୁଜର ଏକ ସ୍କ୍ରିନସଟ୍ ସେୟାର କରିଛନ୍ତି । ଷ୍ଟିଭ୍ ସ୍ମିଥ୍ କ୍ୟାପସନରେ ଲେଖିଛନ୍ତି ଯେ ମୁଁ ଏହି ଦାବି ସହିତ କହିପାରିବି ଯେ ଯେହେତୁ ଆମେ ଲଣ୍ଡନରେ ଥିଲୁ, ଆଲେକ୍ସ କେରି ଥରେ ମଧ୍ୟ ଚୁଟି କାଟିନାହାଁନ୍ତି, ଦୟାକରି ଆପଣଙ୍କର ସୂଚନାକୁ ସଂଶୋଧନ କରିନିଅନ୍ତୁ ... ତଥାପି ଅଷ୍ଟ୍ରେଲିଆର ଭେଟେରାନ ଖେଳାଳି ଷ୍ଟିଭ୍ ସ୍ମିଥଙ୍କ ସ୍କ୍ରିନସଟ୍ ସୋସିଆଲ ମିଡିଆରେ ଦିନକୁ ଦିନ ଭାଇରାଲ ଜୋରଦାର ଭାଇରାଲ ହେଉଛି ।

Post by @steve_smith49

View on Threads

ସିରିଜରେ ପ୍ରତ୍ୟାବର୍ତ୍ତନ କରିବାକୁ ଚାହୁଁଛି ଇଂଲଣ୍ଡ 
କହିରଖୁଛୁ ଯେ ଅଷ୍ଟ୍ରେଲିଆ ଓ ଇଂଲଣ୍ଡ ମଧ୍ୟରେ ତୃତୀୟ ଟେଷ୍ଟ ମ୍ୟାଚ୍ ହେଡିଙ୍ଗଲିରେ ଖେଳାଯାଉଛି । ବର୍ତ୍ତମାନ ଟେଷ୍ଟ ମ୍ୟାଚ୍ ପରେ ଅଷ୍ଟ୍ରେଲିଆ ଦଳ ୨-୦ ରେ ଆଗରେ ରହିଛି । ପ୍ରଥମ ଦୁଇଟି ଟେଷ୍ଟ ମ୍ୟାଚରେ ଅଷ୍ଟ୍ରେଲିଆ ଇଂଲଣ୍ଡକୁ ପରାସ୍ତ କରିଛି । ତେବେ ଆୟୋଜକ ଇଂଲଣ୍ଡ ତୃତୀୟ ଟେଷ୍ଟ ଜିତିବାକୁ ଓ ସିରିଜକୁ ପ୍ରତ୍ୟାବର୍ତ୍ତନ କରିବାକୁ ଚେଷ୍ଟା କରୁଛି । ଅନ୍ୟପକ୍ଷରେ କଙ୍ଗାରୁ ଦଳ ତୃତୀୟ ଟେଷ୍ଟ ଜିତି ସିରିଜରେ କବଜା କରିବାକୁ ଚାହୁଁଛି ।

Alex Carey has not yet paid the UK barber the £30 for a haircut. Barber Adam has given him the deadline of Monday. (The Sun) pic.twitter.com/H3kBXtfsVe

— Mufaddal Vohra (@mufaddal_vohra) July 8, 2023

ଏଥିସହିତ ଅଷ୍ଟ୍ରେଲିଆ ଗଣମାଧ୍ୟମ କ୍ରିକେଟ୍ ଅଷ୍ଟ୍ରେଲିଆର ମୁଖପାତ୍ରଙ୍କ ଉଦ୍ଧେଶ୍ୟରେ କହିଛି ଯେ ଅଷ୍ଟ୍ରେଲିୟ ଦଳର ଅନ୍ୟ ଜଣେ ଖେଳାଳି ଚୁଟି କାଟିବାକୁ ଯାଇଥିଲେ ଓ ପରେ ତାଙ୍କୁ ଆନ୍ତର୍ଜାତୀୟ ଟ୍ରାନ୍ସଫର ମାଧ୍ୟମରେ ଟଙ୍କା ପ୍ରଦାନ କରାଯାଇଥିଲା ।

ଲିଡସ୍ ଟେଷ୍ଟରେ ମଧ୍ୟ ଏହି ହଙ୍ଗାମା ଜାରି ରହିଛି, ଯେଉଁଠାରେ କେରିଙ୍କ ସମେତ ଅଧିକାଂଶ ଅଷ୍ଟ୍ରେଲୀୟ ଖେଳାଳି ଇଂରାଜୀ ପ୍ରଶଂସକଙ୍କ କମେଣ୍ଟର ସମ୍ମୁଖୀନ ହେଉଛନ୍ତି। ଏଠାରେ ଲିଡ୍ସ ଟେଷ୍ଟ ଏକ ରୋମାଞ୍ଚକର ମୋଡରେ ଥିବାବେଳେ ହଠାତ୍ ଏସବୁ ମଧ୍ୟରେ ଏପରି ବିବାଦ ଉପୁଜିଛି, ଯାହା ଇଂଲଣ୍ଡ ଓ ଅଷ୍ଟ୍ରେଲିଆକୁ ପୁଣିଥରେ ମୁହାଁମୁହିଁ କରାଇଛି ।