'ଅତ୍ୟଧିକ କଠୋର ଥିଲା ଅନିଲ କୁମ୍ବଲେଙ୍କ ଅନୁଶାସନ,ଖୁସିନଥିଲେ ଟିମ୍ ସଦସ୍ୟ'

ନୂଆଦିଲ୍ଲୀ: ନିକଟରେ  'ରୁପା' ଦ୍ୱାରା ପ୍ରକାଶିତ ତାଙ୍କର ପୁସ୍ତକ   'ନଟ୍ ଜଷ୍ଟ ଏ  ନାଇଟ୍ ୱାଚମ୍ୟାନ୍: ମାଇ ଇନିଂସ ଉଇଥ ବିସିସିଆଇ ' ରେ ପୂର୍ବତନ ବିସିସିଆଇ କମିଟି ଅଫ୍ ଆଡମିନିଷ୍ଟ୍ରେଟର ମୁଖ୍ୟ ବିନୋଦ ରାୟ ତାଙ୍କର ୩୩ ମାସର କାର୍ଯ୍ୟକାଳ ମଧ୍ୟରେ ଉପଲବ୍ଧି କରିଥିବା ବିଭିନ୍ନ ସମସ୍ୟା ଉପରେ ଆଲୋକପାତ  କରିଛନ୍ତି।

'ରୁପା' ଦ୍ୱାରା ପ୍ରକାଶିତ ତାଙ୍କର ପୁସ୍ତକ  'ନଟ୍ ଜଷ୍ଟ ଏ  ନାଇଟ୍ ୱାଚମ୍ୟାନ୍: ମାଇ ଇନିଂସ ଉଇଥ ବିସିସିଆଇ ' ରେ ଶ୍ରୀ ରାୟ ଲେଖିଛନ୍ତି  ଅନୀଲ କୁମ୍ବଲେଙ୍କ ପ୍ରତି  "ଅନ୍ୟାୟ" କରାଯାଇଥିବା ଅନୁଭବ କରିଛନ୍ତି ଅନୀଲ  ଏବଂ ଯାହାଫଳରେ ଭାରତୀୟ ଦଳର ମୁଖ୍ୟ ପ୍ରଶିକ୍ଷକ ପଦରୁ ଇସ୍ତଫା ଦେବାକୁ ସେ ବାଧ୍ୟ ହୋଇଥିଲେ  କିନ୍ତୁ ପରେ ଅଧିନାୟକ ବିରାଟ କୋହଲି କହିଥିଲେ  ଯେ ଅନିଲ କୁମ୍ବଲେଙ୍କ ଅନୁଶାସନ ଥିଲା ଅତ୍ୟଧିକ କଠିନ ଯାହାକୁ ନେଇ ଖେଳାଳୀମାନେ ଖୁସିନଥିଲେ । ଏକଥାକୁ ପ୍ରଶାସନର ପୂର୍ବତନ କମିଟି ମୁଖ୍ୟ ବିନୋଦ 'ରୁପା' ଦ୍ୱାରା ପ୍ରକାଶିତ ତାଙ୍କର ପୁସ୍ତକ   'ନଟ୍ ଜଷ୍ଟ ଏ  ନାଇଟ୍ ୱାଚମ୍ୟାନ୍: ମାଇ ଇନିଂସ ଉଇଥ ବିସିସିଆଇ ' ରେ ଉଲ୍ଲେଖ କରିଛନ୍ତି । ଏହାସହିତ ଶ୍ରୀ ରାୟ ତାଙ୍କର  ୩୩ ମାସର କାର୍ଯ୍ୟକାଳ ମଧ୍ୟରେ ବିଭିନ୍ନ ପ୍ରସଙ୍ଗ ଉପରେ ଏଥିରେ ଆଲୋକପାତ କରିଛନ୍ତି । ଗୋଟିଏ ପ୍ରସଙ୍ଗ ଏବଂ ବୋଧହୁଏ ସବୁଠାରୁ ବିବାଦୀୟ ବିଷୟ ହେଉଛି, ଯେତେବେଳେ କୋହଲି ୨୦୧୭ ରେ ଚାମ୍ପିଅନ୍ସ ଟ୍ରଫି ପରେ ସର୍ବସାଧାରଣରେ ତାଙ୍କ ଇସ୍ତଫା ଘୋଷଣା କରିଥିବା କୁମ୍ବଲେଙ୍କ ସହ ସମ୍ପର୍କ ଭାଙ୍ଗିବା ବିଷୟରେ କହିଥିଲେ।

୨୦୧୬ ରେ କୁମ୍ବଲେଙ୍କୁ ଏକ ବର୍ଷର ଚୁକ୍ତିନାମା ଦିଆଯାଇଥିଲା । ରାୟ ତାଙ୍କ ପୁସ୍ତକରେ ଲେଖିଛନ୍ତି ଯେ, ମୁଁ ଅଧିନାୟକ ଏବଂ ଦଳ ପରିଚାଳନାରେ ସାମିଲ ଅଧିକାରୀଙ୍କ ସହ ଆଲୋଚନାପରେ ଏହା ଜାଣିବାକୁ ପାଇଥିଲି ଯେ   କୁମ୍ବଲେ ଜଣେ ଶୃଙ୍ଖଳିତ ବ୍ୟକ୍ତି ଅଟନ୍ତି ଏବଂ ସେଖିପାଇଁ  ଦଳର ସଦସ୍ୟମାନେ ତାଙ୍କ ଉପରେ ଅତ୍ୟଧିକ ଖୁସି ନଥିଲେ। ମୁଁ ଏହି ପ୍ରସଙ୍ଗରେ ବିରାଟ କୋହଲିଙ୍କ ସହ କଥା ହୋଇଥିଲି ଏବଂ ସେ କହିଥିଲେ ଯେ ଦଳର ଯୁବ ସଦସ୍ୟମାନେ କୁମ୍ୱଲେଙ୍କ ସହ କାମ କରିବା ଦ୍ୱାରା ଭୟଭୀତ ହୋଇପଡିଛନ୍ତି। ରାୟ ପ୍ରକାଶ କରିଛନ୍ତି ଯେ ସଚିନ ତେନ୍ଦୁଲକର, ସୌରଭ ଗାଙ୍ଗୁଲି, ଭିଭିଏସ୍ ଲକ୍ଷ୍ମଣଙ୍କୁ ନେଇ ତତ୍କାଳୀନ କ୍ରିକେଟ୍ ପରାମର୍ଶଦାତା କମିଟି କୁମ୍ବଲେଙ୍କ ପୁନଃ-ନିଯୁକ୍ତି ପାଇଁ ସୁପାରିଶ କରିଥିଲେ।

ତେବେ ଏହାପରେ "ଖୁବ୍ ଶୀଘ୍ର,କ୍ରିକେଟ ଆଡଭାଇଜରୀ କମିଟି( CAC)ସହ ଲଣ୍ଡନରେ ସାକ୍ଷାତ ହୋଇଥିଲା ଏବଂ ଏହି ସମସ୍ୟାର ସମାଧାନ ପାଇଁ ଦୁଇଜଣଙ୍କ ସହ ପୃଥକ ଭାବରେ କଥାବାର୍ତ୍ତା ହୋଇଥିଲା। ତିନି ଦିନ ଧରି ବିଚାର ବିମର୍ଶ ପରେ ସେମାନେ କୁମ୍ବଲେଙ୍କୁ ମୁଖ୍ୟ ପ୍ରଶିକ୍ଷକ ଭାବରେ ପୁନଃ  ନିଯୁକ୍ତି କରିବାକୁ ସୁପାରିଶ କରିବାକୁ ନିଷ୍ପତ୍ତି ନେଇଥିଲେ।" ତେବେ ଏହା ପରେ ଏହା ସ୍ପଷ୍ଟ ହୋଇଥିଲା ଯେ କୋହଲିଙ୍କ ଦୃଷ୍ଟିକୋଣକୁ ଅଧିକ ସମ୍ମାନ ଦିଆଯାଇଥିଲା ଏବଂ ଯାହାଫଳରେ କୁମ୍ବଲେଙ୍କ ସ୍ଥିତି ଅସ୍ଥିର ହୋଇଗଲା ।  ବ୍ରିଟେନରୁ ଫେରିବା ପରେ କୁମ୍ବଲେଙ୍କ ସହ ଆମର ଦୀର୍ଘ ସମୟ ଧରି ବାର୍ତ୍ତାଳାପ ହୋଇଥିଲା। ପୁରା ଏପିସୋଡ୍ କିପରି ଭାବରେ ହୋଇଥିଲା ସେ ସ୍ପଷ୍ଟ ଭାବରେ ଜାଣିଥିଲେ। ସେ ଅନୁଭବ କରିଥିଲେ ଯେ ସେ ଅନ୍ୟାୟ ଭାବରେ ବିବ୍ରତ ହୋଇଛନ୍ତି ଏବଂ ଜଣେ ଅଧିନାୟକ କିମ୍ବା ଦଳଙ୍କୁ ଏତେ ଗୁରୁତ୍ୱ ଦିଆଯିବା ଉଚିତ୍ ନୁହେଁ।

ଦଳରେ ଅନୁଶାସନ ଏବଂ ବୃତ୍ତିଗତ କ୍ଷେତ୍ରରେ ଉନ୍ନତି ଆଣିବା ଜଣେ କୋଚର କର୍ତ୍ତବ୍ୟ ଥିଲା ଏବଂ ଜଣେ ସିନିୟର ଭାବରେ ଖେଳାଳିଙ୍କ ଦ୍ୱାରା ତାଙ୍କ ମତକୁ ସମ୍ମାନ ଦିଆଯିବା ଉଚିତ୍ ଥିଲା ବୋଲି ଅନୀଲ  କହିଛନ୍ତି। ରାୟ ଏହା ମଧ୍ୟ ଲେଖିଛନ୍ତି ଯେ କୁମ୍ବଲେ ଅନୁଭବ କରିଥିଲେ ଯେ ପ୍ରୋଟୋକଲ ଏବଂ ପ୍ରକ୍ରିୟାକୁ ଅନୁସରଣ କରିବା ପାଇଁ ଅଧିକ ବିଶ୍ୱାସ ଦିଆଯାଇଛି ଏବଂ ତାଙ୍କ ନିର୍ଦ୍ଦେଶନାରେ ଦଳ କିପରି ପ୍ରଦର୍ଶନ କରିଛି ତାହା ଉପରେ କମ୍ ଗୁରୁତ୍ୱ ଦିଆଯାଇଛି। ତେବେ ଏହି  ପ୍ରକ୍ରିୟାରେ ଆମେ ଏପରି ଗୁରୁତ୍ୱ ଦେଇଥିବାରୁ ସେ ନିରାଶ ହୋଇଥିଲେ ଏବଂ ପୂର୍ବ ବର୍ଷ ତୁଳନାରେ ଦଳର ପ୍ରଦର୍ଶନକୁ ଦୃଷ୍ଟିରେ ରଖି ସେ ତାଙ୍କର ଚୁକ୍ତି ସମ୍ପ୍ରସାରଣର ଯୋଗ୍ୟ ବୋଲି କହିଥିଲେ। ରାୟ ଆହୁରି ଲେଖିଛନ୍ତି ଯେ କୁମ୍ବଲେ କାହିଁକି ଏକ୍ସଟେନ୍ସନ୍ ପାଇଲେ ନାହିଁ ସେ ସମ୍ପର୍କରେ ମଧ୍ୟ ତାଙ୍କୁ ବୁଝାଇଥିଲେ। 

"ମୁଁ ତାଙ୍କୁ ବୁଝାଇଥିଲି ଯେ ୨୦୧୬ ରେ ତାଙ୍କର ପୂର୍ବ ଚୟନ ମଧ୍ୟ ଏକ ପ୍ରକ୍ରିୟା ଅନୁସରଣରେ ହୋଇଥିଲା ଏବଂ ତାଙ୍କର ଏକ ବର୍ଷର ଚୁକ୍ତିନାମାର କୌଣସି ବିସ୍ତାର ଧାରା ନାହିଁ ବୋଲି ବିଚାରକୁ ନେଇ, ଆମେ ପୁନଃ ନିଯୁକ୍ତ ହେବା ପାଇଁ ମଧ୍ୟ ପ୍ରକ୍ରିୟା ଅନୁସରଣ କରିବାକୁ ବାଧ୍ୟ ଅଟୁ। ଏବଂ ତାହା ଠିକ୍ ଆଉ ତାହାହିଁ କରାଯାଇଥିଲା । ରାୟ ଏହି ପ୍ରସଙ୍ଗରେ ନିଜର ପରିପକ୍ୱତାର ପରିଚୟ ଦେଇ ସମ୍ମାନଜନକ ନୀରବତା ବଜାୟ ରଖିବା ପାଇଁ ଉଭୟ କୋହଲି ଏବଂ କୁମ୍ବଲେଙ୍କୁ କହିଥିଲେ  ନଚେତ୍ ବିବାଦ ଜାରି ରହିଥାନ୍ତା।

ସେ ଆହୁରି ମଧ୍ୟ କହିଛନ୍ତି, "ଅଧିନାୟକ କୋହଲିଙ୍କୁ ସମ୍ମାନଜନକ ନୀରବତା ଅବଲମ୍ବନ କରିବା ଅତ୍ୟନ୍ତ ବୁଦ୍ଧିମତାର ପରିଚୟ ଥିଲା । ଅନ୍ୟପଟେ "କୁମ୍ବଲେ ମଧ୍ୟ ନିଜ ପାଖରେ ରଖିଥିଲେ ଏବଂ କୌଣସି ପ୍ରସଙ୍ଗରେ ସାର୍ବଜନୀନ ହୋଇନଥିଲେ। ଏହା ଏକ ପରିପକ୍ୱତା ଏବଂ ସମ୍ମାନଜନକ ପଦ୍ଧତି ରହିଥିଲା ଯାହା ସମ୍ପୃକ୍ତ ସମସ୍ତ ପକ୍ଷ ପାଇଁ ଅପ୍ରୀତିକର ପରିସ୍ଥିତିକୁ ଦୁରେଇ ପାରିଥିଲା ।"