Cristiano Ronaldo: ମଞ୍ଚେଷ୍ଟର ୟୁନାଇଟେଡ କ୍ଲବରୁ ବାହାର ହେବା ପରେ ବର୍ତ୍ତମାନ ରୋନାଲ୍ଡୋ ପ୍ରଥମ ଥର ପାଇଁ ୟୁରୋପ ବାହାରେ ସାଉଦି ଆରବ ଫୁଟବଲ କ୍ଲବ ଅଲ ନାସର (Al Nassr) ରେ ଯୋଗ ଦେଇଛନ୍ତି । ଏହାକୁ ମଧ୍ୟ ପୂର୍ବ ଫୁଟବଲ ପାଇଁ ଏକ ପ୍ରମୁଖ ଘଟଣା ଭାବରେ ଦେଖାଯାଉଛି । ଅଲ ନାସର ପାଞ୍ଚ ଥର ବ୍ୟାଲନ ଡି’ର ବିଜେତା ରୋନାଲ୍ଡୋଙ୍କ ଫଟୋ ସୋସିଆଲ ମିଡିଆରେ ଜାରି କରିଥିଲେ, ଯେଉଁଥିରେ ସେ ଦଳର ଜର୍ସି ଧରିଥିବାର ନଜରକୁ ଆସିଛନ୍ତି ।
Trending Photos
5
12
12
12 "Cristiano Ronaldo: ସାଉଦି କ୍ଲବରୁ ପ୍ରାୟ ୧୮୦୦ କୋଟି ଟଙ୍କା ନେବା ପରେ ବି ମ୍ୟାଚ୍ ଖେଳିପାରିବେନି ରୋନାଲ୍ଡୋ, ଜାଣନ୍ତୁ ଏହାର କାରଣ")
Cristiano Ronaldo: ଷ୍ଟାର ଫୁଟବଲର କ୍ରିଷ୍ଟିଆନୋ ରୋନାଲ୍ଡୋ (Cristiano Ronaldo) ଏହି ସପ୍ତାହରେ ସାଉଦି ଆରବ କ୍ଲବ (Saudi Club) ଅଲ ନାସର (Al Nasr Football Club) ସହିତ ଚୁକ୍ତି କରିଛନ୍ତି । ଏହା ସତ୍ତ୍ୱ କ୍ରିଷ୍ଟିଆନୋ ରୋନାଲ୍ଡୋ ଜାନୁଆରୀ ୬ ଶୁକ୍ରବାର କ୍ଲବର ମ୍ୟାଚ୍ ଖେଳି ପାରି ନାହିଁ, ଯଦିଓ ଏହି ମ୍ୟାଚ୍ ପାଇଁ ୨୮,୦୦୦ ଟିକେଟ୍ ବିକ୍ରି ହୋଇସାରିଥିଲା । ଏଠାରେ କହି ରଖୁଛୁ ଯେ, ଅଲ-ନାସର ସହିତ ହୋଇଥିବା ଚୁକ୍ତିନାମା ଅନୁଯାୟୀ କ୍ରିଷ୍ଟିଆନୋ ରୋନାଲ୍ଡୋ (Cristiano Ronaldo) ଙ୍କୁ ୨୦୨୫ ପର୍ଯ୍ୟନ୍ତ ପ୍ରତିବର୍ଷ ପ୍ରାୟ ୨୯ କୋଟି ୟୁରୋ (ପ୍ରାୟ ୧୮୦୦ କୋଟି ଭାରତୀୟ ଟଙ୍କା) ଦିଆଯିବ ।
ପ୍ରକୃତରେ କ୍ରିଷ୍ଟିଆନୋ ରୋନାଲ୍ଡୋ (Cristiano Ronaldo) ଙ୍କ ଉପରେ ନଭେମ୍ବରରେ ଇଲିଂଶ ଫୁଟବଲ ଆସୋସିଏସନ ଦ୍ୱାରା ଦୁଇଟି ମ୍ୟାଚର ବ୍ୟାନ୍ କରାଯାଇଥିଲା, ଯେଉଁଥିପାଇଁ କ୍ରିଷ୍ଟିଆନୋ ରୋନାଲ୍ଡୋ (Cristiano Ronaldo) ଏହି ମ୍ୟାଚ୍ ଖେଳିବାକୁ ସକ୍ଷମ ହୋଇପାରି ନାହାଁନ୍ତି । ଏପ୍ରିଲରେ ଏକ ମ୍ୟାଚ୍ ପରେ କ୍ରିଷ୍ଟିଆନୋ ରୋନାଲ୍ଡୋ (Cristiano Ronaldo) ତାଙ୍କର ଜଣେ ସମର୍ଥକଙ୍କ ଫୋନ ହାତରୁ ଖସାଇ ଦେଇଥିଲେ, ଯେଉଁ କାରଣରୁ ରୋନାଲ୍ଡୋଙ୍କ ଉପରେ ଏହି ପ୍ରତିବନ୍ଧକ ଲାଗୁ କରାଯାଇଥିଲା । ପରେ କ୍ରିଷ୍ଟିଆନୋ ରୋନାଲ୍ଡୋ (Cristiano Ronaldo) ମଧ୍ୟ ଏହି ସମର୍ଥକଙ୍କ ନିକଟରେ କ୍ଷମା ମାଗିଥିଲେ । କିନ୍ତୁ ୧୪ ବର୍ଷୀୟ ଅଟିଷ୍ଟିକ୍ ଜ୍ୟାକ୍ ଷ୍ଟାର ଫୁଟବଲର୍ଙ୍କ କ୍ଷମା ପ୍ରାର୍ଥନାକୁ ସ୍ୱୀକାର କରିନଥିଲେ ।
କ୍ରିଷ୍ଟିଆନୋ ରୋନାଲ୍ଡୋ (Cristiano Ronaldo) ଙ୍କୁ ଫିଫା ବିଶ୍ୱକପ ୨୦୨୨ ସମୟରେ ବ୍ୟାନ୍ କରାଯାଇପାରି ନଥିଲା । ଫିଫା ନିୟମ ଅନୁଯାୟୀ, ଯଦି ଜଣେ ଖେଳାଳିଙ୍କୁ ଚାରି ମ୍ୟାଚ୍ କିମ୍ବା ତିନିମାସ ପାଇଁ ପ୍ରତିବନ୍ଧକ କରାଯାଇଛି କିନ୍ତୁ ତାଙ୍କ ଟ୍ରାନ୍ସଫର ପର୍ଯ୍ୟନ୍ତ ଏହା କାର୍ଯ୍ୟକାରୀ ହୋଇପାରିବ ନାହିଁ, ତେବେ ସେହି ନୂତନ କ୍ଲବରେ ଏହାକୁ କାର୍ଯ୍ୟକାରୀ କରିବା ବାଧ୍ୟତାମୂଳକ ଅଟେ ଯେଉଁଠାରେ ସେହି ଖେଳାଳି ତାଙ୍କ ନୂତନ ଚୁକ୍ତିନାମା ସ୍ୱାକ୍ଷର କରୁଛନ୍ତି ।
ଅଧିକ ପଢ଼ନ୍ତୁ:-ଟିମ୍ ଇଣ୍ଡିଆର ଏହି ଖେଳାଳି ଶେଷ କରିଦେଲେ ଭୁବନେଶ୍ୱରଙ୍କ କ୍ୟାରିୟର! ଦ୍ରାବିଡ଼-ପାଣ୍ଡ୍ୟାଙ୍କ ହୋଇଗଲେ ସବୁଠୁ ବିଶ୍ୱସ୍ତ
ଅଧିକ ପଢ଼ନ୍ତୁ:-ସମସ୍ତଙ୍କୁ ମିଳିବ ନାହିଁ ମାଗଣା ରାସନ! ଗରିବ କଲ୍ୟାଣ ଯୋଜନାରେ ବଡ଼ ପରିବର୍ତ୍ତନ
ଅଧିକ ପଢ଼ନ୍ତୁ:-ଭୀଷଣ ବସ୍ ଦୁର୍ଘଟଣାରେ ୬ ଜଣ ଯାତ୍ରୀଙ୍କର ମୃତ୍ୟୁ, ୧୮ ଗୁରୁତର
ସେହି ସମୟରେ ତାଙ୍କ କ୍ଲବ ଏଫଏ କହିଥିଲା ଯେ, କ୍ରିଷ୍ଟିଆନୋ ରୋନାଲ୍ଡୋ (Cristiano Ronaldo) ଙ୍କ ଉପରେ ଏହି ପ୍ରତିବନ୍ଧକ ଯେକୌଣସି ମତେ ଲାଗୁ ହେବ ସେ ସମାନ କ୍ଲବରେ ରୁହନ୍ତି କିମ୍ବା ଅନ୍ୟ କ୍ଲବକୁ ଯାଆନ୍ତି । ଆପଣଙ୍କୁ ଏଠାରେ କହି ରଖୁଛୁ ଯେ, କ୍ରିଷ୍ଟିଆନୋ ରୋନାଲ୍ଡୋ (Cristiano Ronaldo) ପୂର୍ବରୁ ମଞ୍ଚେଷ୍ଟର ୟୁନାଇଟେଡ କ୍ଲବ (Manchester United Club) ପାଇଁ ଖେଳୁଥିଲେ । ମନେ କରାଯାଉଛି କି କ୍ରିଷ୍ଟିଆନୋ ରୋନାଲ୍ଡୋ (Cristiano Ronaldo) ଅଲ ନାସର କ୍ଲବର ପରବର୍ତ୍ତୀ ମ୍ୟାଚ୍ ଯାହା ଜାନୁୟାରୀ ୧୪ରେ ହେବା, ସେହି ମ୍ୟାଚକୁ ବି ଖେଳି ପାରିବେ ନାହିଁ । ଜାନୁଆରୀ ୨୧ରେ କ୍ରିଷ୍ଟିଆନୋ ରୋନାଲ୍ଡୋ (Cristiano Ronaldo) ତାଙ୍କର ନୂତନ କ୍ଲବ ସହିତ ତାଙ୍କର ପ୍ରଥମ ମ୍ୟାଚ୍ ଖେଳିବାକୁ ସମର୍ଥ ହେବେ । ଅଲ-ନାସରର ମ୍ୟାଚ ଜାନୁଆରୀ ୨୧ରେ ଇଟଫାକ କ୍ଲବ ବିପକ୍ଷରେ ରହିଛି ।
