Ind vs Aus 4th Test: ଚୂଡ଼ାନ୍ତ ଏକାଦଶରେ ଭାରତର ବଡ଼ ପରିବର୍ତ୍ତନ, ଏହି ଖେଳାଳି ହେଲେ ସାମିଲ

ନୂଆଦିଲ୍ଲୀ: ଅହମଦାବାଦର ନରେନ୍ଦ୍ର ମୋଦି ଷ୍ଟାଡ଼ିୟମରେ ଆଜି ଠାରୁ ବର୍ଡର ଗାଭାସ୍କର ଟ୍ରଫିର ଚତୁର୍ଥ ତଥା ଅନ୍ତିମ ମ୍ୟାଚ ଖେଳାଯାଉଛି। ଏଥିପାଇଁ ଅଷ୍ଟ୍ରେଲିଆ ଟସ ଜିତି ବ୍ୟାଟିଂ ପାଇଁ ନିଷ୍ପତ୍ତି ନେଇଛି। ସେପଟେ ଏହି ମ୍ୟାଚଟି ଭାରତ ପାଇଁ ବେଶ ଗୁରୁତ୍ୱ ରଖେ। ଏହି ମ୍ୟାଚ ଜିତିଲେ ସିଧା ସଳଖ WTCରେ ପ୍ରବେଶ କରିବ। ଏହି ସିରିଜରେ ଘରୋଇ ଭାରତ ୨-୧ରେ ଆଗୁଆ ରହିଛି। ତେବେ ଏହି ମ୍ୟାଚରେ ଭାରତୀୟ ଦଳ ତାର ଚୂଡ଼ାନ୍ତ ଏକାଦଶରେ ପରିବର୍ତ୍ତନ କରିଛି। 

ଚୂଡ଼ାନ୍ତ ଏକାଦଶରେ ମହମ୍ମଦ ସିରାଜଙ୍କ ସ୍ଥାନରେ ମହମ୍ମଦ ଶାମୀଙ୍କୁ ସ୍ଥାନ ମିଳିଛି। ସେପଟେ କିନ୍ତୁ ଭ୍ରମଣକାରୀ ଦଳ ଅଷ୍ଟ୍ରେଲିଆ ତାର ଚୂଡ଼ାନ୍ତ ଏକାଦଶରେ କୌଣସି ପରିବର୍ତ୍ତନ କରିନାହିଁ। ତେବେ ଗତ ମ୍ୟାଚ ଜିତିବା ସହିତ ଅଷ୍ଟ୍ରେଲିଆ ଦଳ WTC ଫାଇନାଲରେ ସ୍ଥାନ ପକ୍କା କରିସାରିଛି। ଏହି ମ୍ୟାଚରେ ଭାରତୀୟ ଦଳ ରୋହିତ ଶର୍ମାଙ୍କ ଅଧିନାୟକତ୍ୱ ଥିବାବେଳେ ଅଷ୍ଟ୍ରେଲିଆର କମାଣ ଷ୍ଟିଭ ସ୍ମିଥଙ୍କ ହାତରେ ଅଛି। ଏଠାରେ କହି ରଖୁ କି ଭାରତୀୟ ଦଳ ଏପର୍ଯ୍ୟନ୍ତ ଏହି ସିରିଜରେ ଚମତ୍କାର ପ୍ରଦର୍ଶନ କରିଛି। ଏହି ସିରିଜରେ ଦଳ ୨-୧ରେ ଆଗୁଆ ରହିଛି। ଏଭଳି ପରିସ୍ଥିତିରେ, ଏହି ମ୍ୟାଚ୍ ଜିତି ଦଳ ଏହାକୁ କାବୁ କରିବାକୁ ଚାହୁଁଛି। ଅନ୍ୟପକ୍ଷରେ ଅଷ୍ଟ୍ରେଲିଆର ଦଳ ଗତ ମ୍ୟାଚ୍‌ରେ ଚମତ୍କାର ପ୍ରଦର୍ଶନ କରିଥିଲା ​​ଏବଂ ଏହାକୁ ଜାରି ରଖିବାକୁ ଏବଂ ସିରିଜ୍ ଶେଷ କରିବାକୁ ଚାହୁଁଛି।

ଭାରତୀୟ ଦଳ: ରୋହିତ ଶର୍ମା (କ୍ୟାପଟେନ), ଶୁବମନ ଗିଲ, ଚେତେଶ୍ୱର ପୂଜାରା, ବିରାଟ କୋହଲି, ଶ୍ରେୟାସ ଆୟାର, କେ.ଏସ୍ ଭାରତ (ୱିକେଟ୍ କିପର), ରବିନ୍ଦ୍ର ଜାଡ଼େଜା, ଅକ୍ଷର ପଟେଲ, ରବିଚନ୍ଦ୍ରନ ଅଶ୍ୱିନ, ମହମ୍ମଦ ଶାମୀ, ଉମେଶ ଯାଦବ

ଅଷ୍ଟ୍ରେଲିଆ ଦଳ: ଟ୍ରେବିସ ହେଡ଼, ଉସମାନ ଖ୍ୱାଜା, ମାର୍ନସ ଲାବୁସେନ, ଷ୍ଟିଭ ସ୍ମିଥ, ପିଟର ହେଡସକମ୍ବ, କ୍ୟାମେରନ ଗ୍ରୀନ, ଏଲେକ୍ସ କେରୀ, ମିଶେଲ ଷ୍ଟାର୍କ, ଟାଡ଼ ମର୍ଫି, ମାଥ୍ୟୁ କୁହ୍ନମ୍ୟାନ, ନାଥନ ଲାୟନ