MI vs KKR: ଭେଙ୍କଟେଶ ଆୟରଙ୍କ ଶତକ ହେଲା ବ୍ୟର୍ଥ, ଏକ ପାଖିଆ ମ୍ୟାଚ୍ ଜିତିନେଲା ମୁମ୍ବାଇ ଇଣ୍ଡିଆନ୍ସ

Mumbai Indians vs Kolkata Knight Riders: ଆଇପିଏଲ୍ ୨୦୨୩ ର ଆଜି ଅର୍ଥାତ ରବିବାର ଦିନ (୧୬ ଏପ୍ରିଲ୍) ମୁମ୍ବାଇ ଇଣ୍ଡିଆନ୍ସ କୋଲକାତା ନାଇଟ୍ ରାଇଡର୍ସ ବିପକ୍ଷରେ ସହଜ ବିଜୟ ପଞ୍ଜିକରଣ କରିଛି ।

IPL 2023: MI vs KKR, ୱାନ୍ଖେଡେ ଷ୍ଟାଡିୟମରେ ଶେଷରେ ମୁମ୍ବାଇ ଇଣ୍ଡିଆନ୍ସ (Mumbai Indians) ଭାଗ୍ୟରେ ସୂର୍ଯ୍ୟ ଉଦୟ ହୋଇଛି । ପ୍ରଥମେ ନିଜ ପଡ଼ିଆରେ ପରାଜୟ ହୋଇଥିବା ମୁମ୍ବାଇ ଇଣ୍ଡିଆନ୍ସ ଏହି ମ୍ୟାଚରେ ବିଜୟ ହାସଲ କରିଛି । ସେ କେବଳ ଏହି ମ୍ୟାଚ୍ ଜିତିନନାହିଁ ବରଂ ଦଳର ଷ୍ଟାର ବ୍ୟାଟ୍ସମ୍ୟାନ୍ ସୂର୍ଯ୍ୟକୁମାର ଯାଦବ (Suryakumar Yadav) ମଧ୍ୟ ନିଜ ଫର୍ମକୁ ଫେରିଛନ୍ତି । ଏହି ମ୍ୟାଚରେ ପ୍ରଥମ ଥର ପାଇଁ ମୁମ୍ବାଇ ଇଣ୍ଡିଆନ୍ସର ଅଧିନାୟକ ହୋଇଥିବା ସୁର୍ଯ୍ୟକୁମାର ହୋଇଥିଲେ ଓ ପ୍ରଥମେ ବ୍ୟାଟିଂ କରୁଥିବା କୋଲକାତାକୁ ୧୮୫ ରନରେ ସୀମିତ ରଖିଥିଲେ, ଯେଉଁଥିରେ ଭେଙ୍କଟେଶ ଆୟର ମଧ୍ୟ ଶତକ ଥିଲା । 

ମୁମ୍ବାଇ ଦଳ କୋଲକାତା ନାଇଟ୍ ରାଇଡର୍ସକୁ ୫ ୱିକେଟରେ ପରାସ୍ତ କରିଛି । ମୁମ୍ବାଇ ୧୪ଟି ବଲ ବାକି ରହି ଏହି ମ୍ୟାଚକୁ ଜିତି ନେଇଥିଲା । ବିଶେଷ କଥା ହେଉଛି କେକେଆର ପାଇଁ ଏହି ମ୍ୟାଚ୍‌ରେ ଭେଙ୍କଟେଶ ଆୟର ୫୧ ବଲରୁ ୧୦୪ ରନ୍‌ର ଏକ ଇନିଂସ ଖେଳିଥିଲେ । ପରାଜୟ ସହିତ ଭେଙ୍କଟେଶ ଆୟରଙ୍କ ଶତକ ବ୍ୟର୍ଥ ହୋଇଯାଇଥିଲେ । ଭେଙ୍କଟେଶ ଆୟର ୫୧ ବଲରେ ୧୦୪ ରନ ସ୍କୋର କରିଥିଲେ ।

ଏହି ମ୍ୟାଚରେ ମୁମ୍ବାଇ ଇଣ୍ଡିଆନ୍ସ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । ସଚିନ୍ ତେନ୍ଦୁଲକରଙ୍କ ପୁଅ ଅର୍ଜୁନ ତେନ୍ଦୁଲକର ମୁମ୍ବାଇ ପାଇଁ ପ୍ରଥମ ଓଭର ବୋଲିଂ କରିଥିଲେ । ଏହା ତାଙ୍କର ଡେବ୍ୟୁ ଆଇପିଏଲ୍ ମ୍ୟାଚ୍ ଥିଲା । ସେ ପ୍ରଥମ ଓଭରରେ ମାତ୍ର ୫ ରନ୍ ଦେଇଥିଲେ । ଦ୍ୱିତୀୟ ଓଭରରେ କ୍ୟାମେରନ୍ ଗ୍ରୀନ୍ ମୁମ୍ବାଇକୁ ପ୍ରଥମ ସଫଳତା ଦେଇଥିଲେ । ସେ ନାରାୟଣ ଜଗଦୀଶନକୁ ଜିରୋରେ ଆଉଟ୍ କରି ପାଭିଲିୟନକୁ ପଠାଇଲେ । ଏହାପରେ ଭେଙ୍କଟେଶ ଆୟର ପିଚକୁ ଆସିଥିଲେ ଓ ସେ ଆସିବା ମାତ୍ରେ ସେ ବିସ୍ଫୋରକ ବ୍ୟାଟିଂ ଆରମ୍ଭ କରି ଦେଇଥିଲେ । ତେବେ ଅନ୍ୟ ପଟରୁ ନିୟମିତ ବ୍ୟବଧାନରେ ୱିକେଟ୍ ଖସିବାକୁ ଲାଗିଥିଲା ।

ମୁମ୍ବାଇ ଇଣ୍ଡିଆନ୍ସର ଚଳିତ ସିଜିନ୍ କ୍ରମାଗତ ଦୁଇଟି ପରାଜୟରୁ ଆରମ୍ଭ ହୋଇଥିଲା । ତା’ପରେ ଶେଷ ମ୍ୟାଚ୍‌ରେ ସେ ଦିଲ୍ଲୀକୁ ପରାସ୍ତ କରି ବିଜୟର ଖାତା ଖୋଲିଥିଲେ । ଏହି ବିଜୟର ଆତ୍ମବିଶ୍ୱାସ ରବିବାର ଦିନ ୱାନ୍ଖଡେରେ ମୁମ୍ବାଇ ଖେଳାଳିଙ୍କ ଉପରେ ଦୃଶ୍ୟମାନ ହୋଇଥିଲା । ରୋହିତ ଶର୍ମାଙ୍କ ଅନୁପସ୍ଥିତି ମଧ୍ୟ ତାଙ୍କୁ ପ୍ରଭାବିତ କରି ନଥିଲା । ପେଟ ଜନିତ ସମସ୍ୟା ହେତୁ ରୋହିତ ଏହି ମ୍ୟାଚର ଏକାଦଶ ଖେଳିବା ବାହାରେ ଥିଲେ ଓ ଏଭଳି ପରିସ୍ଥିତିରେ ସୂର୍ଯ୍ୟ ଅଧିନାୟକତ୍ୱ ଭାର ସମ୍ଭାଳିଥିଲେ । 

ପରେ ମୁମ୍ବାଇର ବ୍ୟାଟିଂ ସମୟରେ ରୋହିତ ଓପନିଂ କରିବାକୁ ଆସି ୨୦ ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ । ଏହି ସମୟ ମଧ୍ୟରେ ଦଳ ପ୍ରଥମ ୫ ଓଭରରେ ୬୫ ରନ ସ୍କୋର କରିଥିଲେ । ଏହି ଭାଗିଦାରୀରେ ଇଶାନ୍ତ କିଶାନ ପ୍ରାଧାନ୍ୟ ବିସ୍ତାର କରିଥିଲେ, ଯିଏକି ଏହି ସିଜିନର ପ୍ରଥମ ଅର୍ଦ୍ଧଶତକ ମଧ୍ୟ ୨୧ ବଲରେ ପୂରା କରିଥିଲେ ।