Vinesh Phoget Disqualified: ଭାଙ୍ଗିଗଲା ସ୍ୱପ୍ନ, ଅଲମ୍ପିକରୁ ବାଦ ପଡିଲେ ଭିନେଶ ଫୋଗାଟ୍

Vinesh Phoget Disqualified: ନୂଆଦିଲ୍ଲୀ: ଚଳିତ ଅଲମ୍ପିକରେ ଏକ ବଡ଼ ବିପର୍ଯ୍ୟୟର ସମ୍ମୁଖନ ହୋଇଛି ଭାରତ। ଆଜି କୁସ୍ତିରେ ସ୍ୱର୍ଣ୍ଣ ପଦକ ଆଶା କରାଯାଉଥିବା ବେଳେ ଭାରତକୁ ଲାଗିଛି ବଡ଼ ଝଟକା। ଷ୍ଟାର ରେସଲର ଭିନେଶ ଫୋଗାଟଙ୍କୁ ୨୦୨୪ ପ୍ୟାରିସ ଅଲିମ୍ପିକ୍ସରୁ ଅଯୋଗ୍ୟ କରାଯାଇଛି। ସେ ଫାଇନାଲରେ ପ୍ରବେଶ କରିଥିଲେ। କିନ୍ତୁ ବର୍ତ୍ତମାନ ସେ ପ୍ୟାରିସ ଅଲିମ୍ପିକ୍ସରୁ ବାଡ଼ ପଡିଥିବାର ଖବର ସାମ୍ନାକୁ ଆସିଛି। ଏହାର ସ୍ପଷ୍ଟ ଅର୍ଥ ହେଉଛି ଭିନେଶ ଫୋଗାଟ ଆଜି ୫୦ କିଲୋଗ୍ରାମ ଓଜନ ବର୍ଗର ଫାଇନାଲରେ ପ୍ରତିଦ୍ୱନ୍ଦ୍ୱିତା କରିବାକୁ ସମର୍ଥ ହେବେ ନାହିଁ। କୁହାଯାଉଛି କି ଅତ୍ୟଧିକ ଓଜନ କାରଣରୁ ତାଙ୍କୁ ଅଲମ୍ପିକ୍ସରୁ ବାଦ ଦିଆଯାଇଛି। ପ୍ୟାରିସ୍ ଅଲିମ୍ପିକ୍ସ ୨୦୨୪ରେ ମହିଳା ରେସଲିଂ ୫୦ କିଲୋଗ୍ରାମ ଇଭେଣ୍ଟର ଅନ୍ତିମ ମ୍ୟାଚ୍ ପୂର୍ବରୁ ରେସଲର ଭିନେଶ ଫୋଗାଟ ଏକ ବଡ଼ ବିପର୍ଯ୍ୟୟର ସମ୍ମୁଖୀନ ହୋଇଛନ୍ତି। ଅଧିକ ଓଜନ ହେତୁ ତାଙ୍କୁ ଫାଇନାଲ ମ୍ୟାଚ ପୂର୍ବରୁ ଅଯୋଗ୍ୟ ଘୋଷଣା କରାଯାଇଛି। ମଙ୍ଗଳବାର ସେ ସେମିଫାଇନାଲରେ କ୍ୟୁବାର ଲୋପେଜ ଗୁଜମାନଙ୍କୁ ୫-୦ରେ ପରାସ୍ତ କରିଥିଲେ। ସେ ଅଲିମ୍ପିକ୍ସର ଫାଇନାଲରେ ପ୍ରବେଶ କରିଥିବା ପ୍ରଥମ ମହିଳା ରେସଲର ହୋଇଥିଲେ।

କଣ ରହିଛି ପୂରା ମାମଲା
ଇଣ୍ଡିଆନ୍ ଅଲିମ୍ପିକ୍ ଆସୋସିଏସନ୍ (IOA) ଏହା ସ୍ପଷ୍ଟ ସୂଚନା ପ୍ରଦାନ କରି କହିଛି ଯେ ଅଧିକ ଓଜନ ହେତୁ ଭିନେଶ ଫୋଗାଟଙ୍କୁ ଅଯୋଗ୍ୟ ଘୋଷଣା କରାଯାଇଛି। ଆସୋସିଏସନ କହିଛି, "ଭାରତୀୟ କଣ୍ଟିଜେଣ୍ଟ ଦୁଃଖିତ ଯେ ଭିନେଶ ଫୋଗାଟଙ୍କୁ ୫୦ କିଲୋଗ୍ରାମ ମହିଳା ରେସଲିଂରୁ ବାଦ ଦିଆଯାଇଛି। ରାତିସାରା ଦଳ ଦ୍ୱାରା କରାଯାଇଥିବା ସର୍ବଶ୍ରେଷ୍ଠ ଉଦ୍ୟମ ସତ୍ତ୍ୱେ ଆଜି ସକାଳେ ତାଙ୍କ ଓଜନ ମାତ୍ର ୫୦ କିଲୋଗ୍ରାମରୁ କିଛି ଗ୍ରାମ ଅଧିକ ରହିଥିଲା।

ସେମି ଫାଇନାଲରେ ଭିନେଶଙ୍କ ବିଜୟ
ମଙ୍ଗଳବାର ଖେଳାଯାଇଥିବା ମ୍ୟାଚରେ ବିନେଶ ପ୍ରଥମ ରାଉଣ୍ଡ ପର୍ଯ୍ୟନ୍ତ ୧-୦ରେ ଆଗୁଆ ରହିଥିଲେ। ତା’ପରେ ଗତ ତିନି ମିନିଟରେ ସେ କ୍ୟୁବା ରେସଲରଙ୍କ ଉପରେ ଦୁଇଥର ଆକ୍ରମଣ କରି ଚାରି ପଏଣ୍ଟ ହାସଲ କରି ନେଇଥିଲେ। ସେ ଶେଷ ପର୍ଯ୍ୟନ୍ତ ଏହି ଅଗ୍ରଣୀ ବଜାୟ ରଖିଥିଲେ। ଏବଂ ବିଜୟ ହାସଲ କରି ଫାଇନାଲରେ ପ୍ରବେଶ କରିଥିଲେ। ଏହି ଅଲିମ୍ପିକ୍ସରେ ଭିନେଶଙ୍କ ଯାତ୍ରା ଚମତ୍କାର ହୋଇଛି। ସେମିଫାଇନାଲ ପୂର୍ବରୁ ସେ କ୍ୱାର୍ଟର ଫାଇନାଲରେ ୟୁକ୍ରେନର ଲିଭାଚ ଉକ୍ସାନାଙ୍କୁ ୭-୫ ରେ ପରାସ୍ତ କରିଥିଲେ।

ଫାଇନାଲରେ ଭିନେଶ ଆମେରିକାର ସାରା ଆନ୍ ହିଲଡବ୍ରାଣ୍ଡଙ୍କୁ ଭେଟିଥାଆନ୍ତେ। ଏହି ଆମେରିକୀୟ ରେସଲର ଟୋକିଓ ଅଲିମ୍ପିକ୍ସରେ ବ୍ରୋଞ୍ଜ ପଦକ ଜିତିଥିଲେ। ସେ ବିଶ୍ୱ ଚାମ୍ପିୟନଶିପ୍‌ରେ ଦୁଇଟି ରୌପ୍ୟ ଏବଂ ଦୁଇଟି ବ୍ରୋଞ୍ଜ ପଦକ ଜିତି ସାରିଛନ୍ତି। ଏହି ମ୍ୟାଚ୍ ରାତି ସାଢେ ୧୨ଟାରେ ଖେଳାଯିବାର ଥିଲା।