Team India Coach: ଗୌତମ ଗମ୍ଭୀରଙ୍କୁ ଟିମ୍ ଇଣ୍ଡିଆର କୋଚ୍ କରିବା ସପକ୍ଷରେ ନାହାଁନ୍ତି ସୌରଭ ଗାଙ୍ଗୁଲି? ଖବରରେ ଦାଦାଙ୍କ କ୍ରିପ୍ଟିକ୍ ପୋଷ୍ଟ

Team India New Coach: ସୌରଭ ଗାଙ୍ଗୁଲିଙ୍କ ଏକ ଟ୍ୱିଟ୍ ପରେ ଅନେକ ପ୍ରକାରର କଳ୍ପନାଜଳ୍ପନା ଆରମ୍ଭ ହୋଇଛି। ଅନେକ ଲୋକ ବିଶ୍ୱାସ କରନ୍ତି ଯେ ଏହି ଟ୍ୱିଟ୍ ମାଧ୍ୟମରେ ସୌରଭ ଗାଙ୍ଗୁଲି ଗୌତମ ଗମ୍ଭୀରଙ୍କୁ ମୁଖ୍ୟ ପ୍ରଶିକ୍ଷକ ଭାବେ ନିଯୁକ୍ତିକୁ ବିରୋଧ କରୁଛନ୍ତି।

Sourav Ganguly Tweet on Team India Coach: ଟିମ୍ ଇଣ୍ଡିଆର ପରବର୍ତ୍ତୀ ମୁଖ୍ୟ ପ୍ରଶିକ୍ଷକ କିଏ ହେବେ ସେନେଇ ସମସ୍ତ ପ୍ରଶଂସକଙ୍କ ମନରେ ଏକ ପ୍ରଶ୍ନ ରହିଛି। ବହୁ ପୂର୍ବତନ ଖେଳାଳିଙ୍କ ନାମ ପ୍ରତିଯୋଗୀ ଭାବରେ ଆସିଛି କିନ୍ତୁ ଏପର୍ଯ୍ୟନ୍ତ କାହାର ନାମ ଅଧିକାରୀକ ଭାବେ ଅନୁମୋଦିତ ହୋଇନାହିଁ। ତେବେ ଏହି ରେସରେ ଆଗରେ ଗୌତମ ଗମ୍ଭୀର (Gautam Gambhir) ଥିବା କୁହାଯାଉଛି। ଏହି ସମୟରେ ଟିମ୍ ଇଣ୍ଡିଆର ପୂର୍ବତନ ଅଧିନାୟକ ସୌରଭ ଗାଙ୍ଗୁଲି (Sourav Ganguly) ଏକ ଟ୍ୱିଟ୍ କରିଛନ୍ତି, ଯାହା ପରେ ଅନେକ କଳ୍ପନାଜଳ୍ପନା ଆରମ୍ଭ ହୋଇଛି। ଗାଙ୍ଗୁଲିଙ୍କ ଏହି ଟ୍ୱିଟରେ ମଧ୍ୟ ସେ ଗୌତମ ଗମ୍ଭୀରଙ୍କୁ ଭାରତୀୟ ଦଳର ପ୍ରଶିକ୍ଷକ (Team India Head Coach) କରିବା ସପକ୍ଷରେ ନାହାଁନ୍ତି କି ବୋଲି ପ୍ରଶ୍ନ ଉଠିଛି।

କହିରଖୁଛୁ ଯେ ଆଇପିଏଲ୍ ୨୦୨୪ ଫାଇନାଲ ଶେଷ ହେବା ପରେ ବିସିସିଆଇ ସଚିବ ଜୟ ଶାହା ଷ୍ଟାଡିୟମରେ ଗୌତମ ଗମ୍ଭୀରଙ୍କ ସହ ଦୀର୍ଘ ସମୟ ଧରି ବାର୍ତ୍ତାଳାପ କରିଥିଲେ। ଗୌତମ ଗମ୍ଭୀରଙ୍କ ନେତୃତ୍ୱରେ କେକେଆର ତୃତୀୟ ଥର ପାଇଁ ଆଇପିଏଲ ଟ୍ରଫି ଜିତିଥିଲା। ଜୟ ଶାହାଙ୍କ ସହ ବାର୍ତ୍ତାଳାପର ଚିତ୍ର ସାମ୍ନାକୁ ଆସିବା ପରେ ଗୌତମ ଗମ୍ଭୀର ଟିମ୍ ଇଣ୍ଡିଆର ପରବର୍ତ୍ତୀ ମୁଖ୍ୟ ପ୍ରଶିକ୍ଷକ ହେବେ ବୋଲି ବିଶ୍ୱାସ କରାଯାଉଥିଲା। ତେବେ ଏପର୍ଯ୍ୟନ୍ତ ବିସିସିଆଇ କିମ୍ବା ଗୌତମ ଗମ୍ଭୀରଙ୍କଠାରୁ କୌଣସି ଅଧିକାରୀକ ବୟାନ ଆସିନାହିଁ।

ଇସାରାରେ ସୌରଭ ଗାଙ୍ଗୁଲି କହିଛନ୍ତି ଏକ ବଡ଼ କଥା 
ଏସବୁ ମଧ୍ୟରେ ଟିମ୍ ଇଣ୍ଡିଆର ପୂର୍ବତନ ଅଧିନାୟକ ସୌରଭ ଗାଙ୍ଗୁଲିଙ୍କ ଏକ ଟ୍ୱିଟ୍ ଆସିଛି ଓ ଏହାକୁ ନେଇ ଅନେକ କଳ୍ପନା ଜଳ୍ପନାର କରାଯାଉଛି। ଗାଙ୍ଗୁଲି ନିଜ ଟ୍ୱିଟରେ ଲେଖିଛନ୍ତି,

"ଜଣେ ବ୍ୟକ୍ତିଙ୍କ ଜୀବନରେ ଜଣେ ପ୍ରଶିକ୍ଷକଙ୍କ ଗୁରୁତ୍ୱ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। କୋଚ୍ ହିଁ ପଡ଼ିଆରେ ଏବଂ ବାହାରେ ତାଙ୍କର ମାର୍ଗଦର୍ଶନ ଓ ନିରନ୍ତର ତାଲିମ ସହିତ ଯେକୌଣସି ବ୍ୟକ୍ତିଙ୍କ ଭବିଷ୍ୟତକୁ ଉନ୍ନତ କରନ୍ତି। ତେଣୁ, କୋଚ୍ ଓ ଅନୁଷ୍ଠାନକୁ ଅତି ବୁଦ୍ଧିମାନର ସହ ଚୟନ କରାଯିବା ଉଚିତ୍।"

The coach's significance in one's life, their guidance, and relentless training shape the future of any person, both on and off the field. So choose the coach and institution wisely…

— Sourav Ganguly (@SGanguly99) May 30, 2024

ସୌରଭ ଗାଙ୍ଗୁଲିଙ୍କ ଏହି ଟୁଇଟ୍ ପରେ ଅନେକ ପ୍ରକାରର କଳ୍ପନାଜଳ୍ପନା ଆରମ୍ଭ ହୋଇଛି। ଅନେକ ଲୋକ ବିଶ୍ୱାସ କରନ୍ତି ଯେ ଏହି ଟ୍ୱିଟ୍ ମାଧ୍ୟମରେ ସୌରଭ ଗାଙ୍ଗୁଲି ଗୌତମ ଗମ୍ଭୀରଙ୍କୁ ମୁଖ୍ୟ ପ୍ରଶିକ୍ଷକ ଭାବେ ନିଯୁକ୍ତିକୁ ବିରୋଧ କରୁଛନ୍ତି। କାରଣ ଏହା ପୋଷ୍ଟର ସମୟ ସେହି ଅନୁସାରେ ଅଟେ। ଗାଙ୍ଗୁଲିଙ୍କ ଏହି ଟ୍ୱିଟ୍ ଏପରି ଏକ ସମୟରେ ଆସିଛି ଯେତେବେଳେ ଗୌତମ ଗମ୍ଭୀରଙ୍କୁ ଟିମ୍ ଇଣ୍ଡିଆର ପରବର୍ତ୍ତୀ ମୁଖ୍ୟ ପ୍ରଶିକ୍ଷକ ପାଇଁ ପ୍ରାୟ ନିଶ୍ଚିତ କରାଯାଇଛି।