ଟୋକିଓ ପାରାଲିମ୍ପିକ୍ସରେ ହାଇ ଜମ୍ପରେ ପାରା ଆଥଲେଟ୍ ପ୍ରବୀଣ କୁମାର ସିଲଭର ମେଡ଼ାଲ ଜିତିଛନ୍ତି । ବର୍ତ୍ତମାନର ପାରାଲିମ୍ପିକ୍ସରେ ଏହା ହେଉଛି ଭାରତର ଏକାଦଶ ପଦକ ।
Trending Photos
5
5
5
5 "(ଫଟୋ- Twitter)")
ନୂଆଦିଲ୍ଲୀ: ଟୋକିଓ ପାରାଲିମ୍ପିକ୍ସରେ ହାଇ ଜମ୍ପରେ ପାରା ଆଥଲେଟ୍ ପ୍ରବୀଣ କୁମାର (Praveen kumar) ରୌପ୍ୟ ପଦକ ଜିତିଛନ୍ତି । ୧୮ ବର୍ଷୀୟ ପ୍ରବୀଣ ୨.୦୭ ମିଟର ଡେଇଁ ଦ୍ୱିତୀୟ ସ୍ଥାନରେ ରହିଥିଲେ । ଟୋକିଓ ପାରାଲିମ୍ପିକ୍ସରେ (Tokyo Paralympics) ଏହା ହେଉଛି ଭାରତର ଏକାଦଶ ପଦକ । ଗ୍ରେଟ୍ ବ୍ରିଟେନର ବ୍ରୁମ୍-ଏଡୱାର୍ଡସ୍ ଜୋନାଥନ୍ (୨.୧୦ ମିଟର) ସ୍ୱର୍ଣ୍ଣ ପଦକ ଜିତିଥିବା ବେଳେ ପୋଲାଣ୍ଡର ଲେପିଆଟୋ ମାସିଜୋ (୨.୦୪ ମିଟର) ଏହି ବ୍ରୋଞ୍ଜ ପଦକ ଜିତିଛନ୍ତି । ଟୋକିଓ ପାରାଲିମ୍ପିକ୍ସ ୨୦୨୦ ରେ ଭାରତ ଏପର୍ଯ୍ୟନ୍ତ ୨ ଟି ସ୍ୱର୍ଣ୍ଣ, ୬ ଟି ରୌପ୍ୟ ଓ ୩ ଟି ବ୍ରୋଞ୍ଜ ପଦକ ଜିତିଛି । ଭାରତ କେବେଳ ହାଇ ଜମ୍ପରେ ୪ ଟି ପଦକ ପାଇଛି । ପାରାଲିମ୍ପିକ୍ ଇତିହାସରେ ଏହା ହେଉଛି ଭାରତର ସର୍ବୋତ୍ତମ ପ୍ରଦର୍ଶନ । ଏହାପୂର୍ବରୁ ଭାରତ ୨୦୧୬ ରିଓ ପାରାଲିମ୍ପିକ୍ସରେ ୨ ଟି ସ୍ୱର୍ଣ୍ଣ ସମେତ ୪ ଟି ପଦକ ଜିତିଥିଲା ।
ହାଇ ଜମ୍ପରେ ୪ ପାରା ଆଥଲେଟ୍ ଜିତିଲେ ପଦକ
ପ୍ରବୀଣ କୁମାରଙ୍କ ପୂର୍ବରୁ ଭାରତର ମାରିଆପ୍ପାନ ଥାଙ୍ଗାଭେଲୁ ରୌପ୍ୟ ଜିତିଥିବାବେଳେ, ହାଇ ଜମ୍ପର ଟି-୬୩ ଇଭେଣ୍ଟରେ ଶରଦ କୁମାର ବ୍ରୋଞ୍ଜ ପଦକ ଜିତିଛନ୍ତି । ଏଥି ସହିତ, ଟି-୪୭ ରେ ନିଶାଦ କୁମାର ଏସୀୟ ରେକର୍ଡ ସହିତ ରୌପ୍ୟ ପଦକ ଜିତିଛନ୍ତି ।
ଅଧିକ ପଢ଼ନ୍ତୁ: ଆମେରିକାର ନୂଆ ମାଷ୍ଟରପ୍ଲାନ; ତାଲିବାନ ସହାୟତାରେ ISIS-K ଓ ଅଲ କାଏଦାର କରିବ ଅନ୍ତ
ନିଜ ଲକ୍ଷ୍ୟକୁ ଅତିକ୍ରମ କରିଥିଲେ ପ୍ରବୀଣ
ଦିଲ୍ଲୀର ପ୍ରବୀଣ କୁମାର ଜଣେ ସାଧାରଣ ବ୍ୟକ୍ତିଙ୍କ ଅପେକ୍ଷା ତାଙ୍କର ଗୋଟିଏ ଗୋଡ ଛୋଟ । କିନ୍ତୁ ସେ ଏହି ଦୁର୍ବଳତାକୁ ନିଜର ଶକ୍ତି କରି ବିଭିନ୍ନ ପ୍ରତିଯୋଗିତାରେ ଭାଗ ନେଇ ପାରାଲିମ୍ପିକ୍ସର ପର୍ଯ୍ୟାୟରେ ପହଞ୍ଚିଥିଲେ । ପ୍ରବୀଣ ଟୋକିଓ ପାରାଲିମ୍ପିକ୍ସରେ ୨.୦୫ ମିଟର ଡେଇଁବା ସହ ୨.୦୭ ମିଟର ଡେଇଁଥିଲେ । ଯଦିଓ ଲକଡାଉନ ଯୋଗୁଁ ତାଙ୍କର ପ୍ରସ୍ତୁତି ପ୍ରଭାବିତ ହୋଇଥିଲା କିନ୍ତୁ ତାଙ୍କର ମନୋବଳ ଭାଙ୍ଗି ନାହିଁ ।
ଅଧିକ ପଢ଼ନ୍ତୁ: ତୃତୀୟ ଲହରର ସଂକେତ! କୋରୋନାର ହଟସ୍ପଟ ପାଲଟିଛି ଏହି ଚାରିଟି ରାଜ୍ୟ
ଅଭିନନ୍ଦନ ଜଣାଇଛନ୍ତି ପ୍ରଧାନମନ୍ତ୍ରୀ ମୋଦି
ଏହି ପଦକ ଜିତିଥିବା ପ୍ରବୀଣ କୁମାରଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପ୍ରଶଂସା କରି କହିଛନ୍ତି ଯେ ଏହା ତାଙ୍କର କଠିନ ପରିଶ୍ରମ ଏବଂ ଅନନ୍ୟ ଉତ୍ସର୍ଗର ଫଳାଫଳ । ମୋଦି ଟ୍ୱିଟ୍ କରି କହିଛନ୍ତି ଯେ ପାରାଲିମ୍ପିକ୍ସରେ ରୌପ୍ୟ ପଦକ ଜିତିଥିବା ପ୍ରବୀଣ କୁମାର ଆମ ପାଇଁ ଗର୍ବ । ଏହି ପଦକ ହେଉଛି ତାଙ୍କର କଠିନ ପରିଶ୍ରମ ଏବଂ ଅପୂର୍ବ ଉତ୍ସର୍ଗର ଫଳାଫଳ । ତାଙ୍କୁ ଅଭିନନ୍ଦନ ଭବିଷ୍ୟତ ପାଇଁ ସେମାନଙ୍କୁ ଶୁଭେଚ୍ଛା ।"
