IND vs AUS WTC Final: ପ୍ରଥମ ଦିନର ଖେଳ ଶେଷ ସୁଦ୍ଧା ଅଷ୍ଟ୍ରେଲିଆ କଲା ୩୨୭ ରନ୍, ବ୍ୟାକଫୁଟରେ ଟିମ୍ ଇଣ୍ଡିଆ

IND vs AUS WTC Final 2023 Day 1: ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲ୍ ମ୍ୟାଚର ପ୍ରଥମ ଦିନର ଖେଳ ଶେଷ ହେବା ପର୍ଯ୍ୟନ୍ତ ଅଷ୍ଟ୍ରେଲିଆ ୩୨୭ ରନ୍ ସଂଗ୍ରହ କରିଛି ।​ ସ୍ମିଥ୍ ଓ ହେଡ୍ ମଧ୍ୟରେ ଏକ ବଡ ଭାଗିଦାରୀ ହୋଇଥିଲା ।

IND vs AUS Final: ଦୁଇ ବର୍ଷ ପରେ ପୁଣିଥରେ ବିଶ୍ୱ ଟେଷ୍ଟ ଚାମ୍ପିୟନଶିପ୍‌ର ଫାଇନାଲ ଖେଳୁଥିବା ଭାରତୀୟ କ୍ରିକେଟ୍ ଦଳର ଆରମ୍ଭ ଭଲ ନଥିଲା । ଶେଷ ବିଶ୍ୱ ଟେଷ୍ଟ ଚାମ୍ପିୟନଶିପ୍‌ ଫାଇନାଲରେ ନ୍ୟୁଜିଲ୍ୟାଣ୍ଡ ବିପକ୍ଷରେ ପ୍ରଥମେ ବ୍ୟାଟିଂ କରି ଦଳର ବ୍ୟାଟ୍ସମ୍ୟାନ ମାନେ ପ୍ରଥମ ଦିନରେ ନିରାଶ କରିଥିଲେ । ଏଥର ମଧ୍ୟ ଦଳର ବୋଲରମାନେ କୌଣସି ପ୍ରଭାବ ପକାଇ ପାରି ନାହାଁନ୍ତି । ଟ୍ରାଭିସ୍ ହେଡ୍ ଓ ଷ୍ଟିଭ୍ ସ୍ମିଥଙ୍କ ଜବରଦସ୍ତ ଇନିଂସ ଆଧାରରେ ଅଷ୍ଟ୍ରେଲିଆ ପ୍ରଥମ ଦିନରେ ମାତ୍ର ୩ ୱିକେଟ୍ ହରାଇ ୩୨୭ ରନ୍ ସ୍କୋର କରି ଫାଇନାଲରେ ନିଜର ଦୃଢ଼ ଆରମ୍ଭ କରିଛି ।

ଜୁନ୍ ମାସରେ ଓଭାଲ୍ ଗ୍ରାଉଣ୍ଡରେ ଅନୁଷ୍ଠିତ ଟେଷ୍ଟ ମ୍ୟାଚରେ ପ୍ରଥମ ଥର ପାଇଁ ପିଚ୍ ଦ୍ରୁତ ବୋଲରମାନଙ୍କୁ ସାହାଯ୍ୟ କରିବ ବୋଲି ଆଶା କରାଯାଉଥିଲା । ପିଚରେ ଥିବା ଘାସ ଦେଖି ବ୍ୟାଟ୍ସମ୍ୟାନ୍ମାନଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡିବ ବୋଲି ମନେ ହେଉଥିଲା । ଏଭଳି ପରିସ୍ଥିତିରେ ପ୍ରଥମେ ବୋଲିଂ ଦଳ ଉପକୃତ ହେବ ବୋଲି ଆଶା କରାଯାଉଥିଲା । କିନ୍ତୁ ଏହା ହୋଇ ନଥିଲା ।

ଭାରତ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । ଅଧିନାୟକ ରୋହିତ ଶର୍ମା ଟସ୍ ଜିତିବା ପରେ ଭାରତୀୟ ଦଳ ଓ ପ୍ରଶଂସକମାନେ ଟିକେ ଆଶ୍ୱସ୍ତ ଅନୁଭବ କରିଥିଲେ । ଯେଉଁଭଳି ଭାବରେ ଟିମ୍ ଇଣ୍ଡିଆ ଆରମ୍ଭ ହୋଇଥିଲା, ଲାଗୁଥିଲା ଯେ ଆରମ୍ଭରୁ ଭାରତ ପ୍ରାଧାନ୍ୟ ବିସ୍ତାର କରିବ । ଚତୁର୍ଥ ଓଭରରେ ମହମ୍ମଦ ସିରାଜ ଉସମାନ ଖାୱାଜାଙ୍କୁ ୱିକେଟ୍ କିପର କେ.ଏସ୍ ଭରତ ହାତରେ କ୍ୟାଚ ଆଉଟ କରାଇଥିଲେ। 

ସିରାଜ ଓ ମହମ୍ମଦ ଶାମି ଏକାଠି ଅଷ୍ଟ୍ରେଲିଆକୁ ଅସୁବିଧାରେ ରଖିଥିଲେ । ଏହା ସତ୍ତ୍ୱେ ଭାରତୀୟ ଦ୍ରୁତ ବୋଲରଙ୍କ ଆକ୍ରମଣର ସମ୍ମୁଖୀନ ହେବା ପରେ ମଧ୍ୟ ଡେଭିଡ ୱାର୍ଣ୍ଣର ଓ ମାର୍ନୁସ ଲାବୁଶେନ ନିଜ ଦଳକୁ ପ୍ରତ୍ୟାବର୍ତ୍ତନ କରାଇଥିଲେ। ପ୍ରଥମ ସେଶନ ଶେଷ ହେବାର ଠିକ୍ ପୂର୍ବରୁ ଶାର୍ଦ୍ଦୁଲ ଠାକୁର ୱାର୍ଣ୍ଣରଙ୍କ ୱିକେଟ୍ ନେଇଥିଲେ । ପ୍ରଥମ ସେଶନରେ ଅଷ୍ଟ୍ରେଲିଆ ୨ ୱିକେଟ୍ ହରାଇ ୭୩ ରନ୍ ସଂଗ୍ରହ କରିଥିଲା ।

Stumps on Day 1 

Indian bowlers were made to toil as Travis Head and Steve Smith put Australia in control 

Follow the #WTC23 Final  https://t.co/wJHUyVnX0r pic.twitter.com/29K7u7rcPR

— ICC (@ICC) June 7, 2023

ମ୍ୟାଚର ମୋଡ ବଦଳାଇ ଦେଇଥିଲେ ହେଡ୍ ଓ ସ୍ମିଥ
ଦ୍ୱିତୀୟ ସେସନ ଆରମ୍ଭ ହେବା ମାତ୍ରେ ଭାରତ ବଡ ସଫଳତା ପାଇଲା । ସେସନର ଦ୍ୱିତୀୟ ଓଭରର ପ୍ରଥମ ବଲରେ ମହମ୍ମଦ ଶାମି ଲାବୁଶେନଙ୍କୁ ଏକ ଉତ୍କୃଷ୍ଟ ବୋଲିଂ କରି ଆଉଟ କରିଥିଲେ । ଅଷ୍ଟ୍ରେଲିଆର ୩ ୱିକେଟ୍ ମାତ୍ର ୭୬ ରନ୍ ପାଇଁ ଖସି ଯାଇଥିଲା ଓ ଲାଗୁଥିଲା ଯେ ଭାରତୀୟ ଦଳ ଏଠାରେ ପ୍ରାଧାନ୍ୟ ବିସ୍ତାର କରିପାବ କିନ୍ତୁ ଟ୍ରାଭିସ୍ ହେଡ୍ ପହଞ୍ଚିବା ମାତ୍ରେ କାଉଣ୍ଟର ଆଟାକ୍ ଆରମ୍ଭ କରି ବାଉଣ୍ଡ୍ରି ବର୍ଷା କରିଥିଲେ ।

ତୃତୀୟ ସେସନରେ ଭାରତୀୟ ବୋଲରମାନେ ବହୁତ କ୍ଳାନ୍ତ ଦେଖାଯାଉଥିଲେ ଓ ସ୍ମିଥ୍ ଏବଂ ଲାବୁଶେନ୍ ଏହାର ଫାଇଦା ଉଠାଇ ରନ୍ ବେଗ ବଢ଼ାଇ ନିଜ ଦଳର ସ୍କୋରକୁ ୩୦୦ ରନ୍ ଅତିକ୍ରମ କରାଇଥିଲେ । ଏହି ସମୟ ମଧ୍ୟରେ ହେଡ ଭାରତ ବିପକ୍ଷରେ ପ୍ରଥମ ଶତକ ହାସଲ କରିଥିଲେ ଓ ଦିନର ଖେଳ ସମାପ୍ତ ହେବା ବେଳକୁ ସ୍ମିଥ ମଧ୍ୟ ନିଜ ଶତକ ପାଖାପାଖି ପହଞ୍ଚି ଯାଇଥିଲେ । ଏପର୍ଯ୍ୟନ୍ତ ଉଭୟଙ୍କ ମଧ୍ୟରେ ୨୫୧ ରନ୍ ର ଅପରାଜିତ ପାର୍ଟନରସିପ୍ ହୋଇ ସାରିଛି ।