ରାୟଗଡ଼ା ରେଳ ମଣ୍ଡଳ ପ୍ରତିଷ୍ଠା ପାଇଁ ୭୦କୋଟି ଟଙ୍କା ଆବଣ୍ଟନ-ରେଳମନ୍ତ୍ରୀ

Rail minister: ରାୟଗଡା ରେଳ ମଣ୍ଡଳର ପ୍ରତିଷ୍ଠା ଏହି ଅଞ୍ଚଳ ପାଇଁ ମହତ୍ୱପୂର୍ଣ୍ଣ ଅଟେ ଯାହାକି ସଂଯୋଗ ବୃଦ୍ଧି ଏବଂ ଅର୍ଥନୈତିକ ଅଭିବୃଦ୍ଧି ପାଇଁ ସହାୟକ ହେବ।

ଭୁବନେଶ୍ବର: ରାୟଗଡ଼ା ରେଳ ମଣ୍ଡଳ ପ୍ରତିଷ୍ଠା ପାଇଁ ଆବଣ୍ଟିତ ୭୦କୋଟି ଟଙ୍କା ପ୍ରଦାନ ସହିତ ରାୟଗଡ଼ା ରେଳ ମଣ୍ଡଳର ପ୍ରତିଷ୍ଠା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଅଟେ। ରେଳମନ୍ତ୍ରୀ ଅଶ୍ଵିନୀ ବୈଷ୍ଣବ ଆଜି ସାଂସଦ ବଳଭଦ୍ର ମାଝୀଙ୍କ ସହ ଆଲୋଚନା ପରେ ଗଣମାଧ୍ୟମକୁ ଏହା କହିଛନ୍ତି। ଏହି ପ୍ରକଳ୍ପ ପାଇଁ ଡିଜାଇନ୍ ଏବଂ ଯୋଜନା ପ୍ରସ୍ତୁତି ଚାଲିଥିବା ଶ୍ରୀ ବୈଷ୍ଣବ କହିଛନ୍ତି। ଡିଜାଇନ୍ ଏବଂ ଯୋଜନା ସମାପ୍ତ ହେବା ପରେ, ପରବର୍ତ୍ତୀ କାର୍ଯ୍ୟଗୁଡ଼ିକ ତ୍ୱରାନ୍ୱିତ କରାଯିବ ବୋଲି ସେ ଉଲ୍ଲେଖ କରିଛନ୍ତି। 

ଅନ୍ୟପଟେ ଲୋକସଭା ସାଂସଦ ବଳଭଦ୍ର ମାଝୀ ଆଜି ରେଳମନ୍ତ୍ରୀଙ୍କୁ ଭେଟି କୃତଜ୍ଞତା ଜଣାଇ କହିଛନ୍ତି ଯେ, ବହୁ ପ୍ରତୀକ୍ଷିତ ତଥା ଜନସାଧାରଣ କେନ୍ଦ୍ରୀତ ରାୟଗଡ଼ା ରେଳ ମଣ୍ଡଳ ପ୍ରତିଷ୍ଠା ପ୍ରସଙ୍ଗକୁ ସମାଧାନ କରିଥିବାରୁ ମୁଁ ରେଳମନ୍ତ୍ରୀଙ୍କୁ ଧନ୍ୟବାଦ ଜଣାଉଛି। ମନ୍ତ୍ରୀଙ୍କ ସହ ଆମର ପୁଙ୍ଖାନୁପୁଙ୍ଖ ଆଲୋଚନା ହୋଇଛି ଏବଂ ମୁଁ ଆନନ୍ଦିତ ଯେ ରାୟଗଡା ରେଳ ମଣ୍ଡଳ ଗଠନ ପାଇଁ ପ୍ରାୟ ସମସ୍ତ ବ୍ୟବସ୍ଥା ସମାପ୍ତ ହେବାକୁ ଯାଉଅଛି। ଠିକ୍ ସମୟରେ ଏହା କାର୍ଯ୍ୟକାରୀ ହେବ ବୋଲି ସେ କହିଛନ୍ତି। 

ରାୟଗଡା ରେଳ ମଣ୍ଡଳର ପ୍ରତିଷ୍ଠା ଏହି ଅଞ୍ଚଳ ପାଇଁ ମହତ୍ୱପୂର୍ଣ୍ଣ ଅଟେ ଯାହାକି ସଂଯୋଗ ବୃଦ୍ଧି ଏବଂ ଅର୍ଥନୈତିକ ଅଭିବୃଦ୍ଧି ପାଇଁ ସହାୟକ ହେବ। ଏହି ବିକାଶ ଭିତ୍ତିଭୂମିରେ ଉନ୍ନତି ଆଣିବା ଏବଂ ଜନସାଧାରଣଙ୍କୁ ଉନ୍ନତ ସେବା ଯୋଗାଇବା ପାଇଁ ସରକାରଙ୍କ ପ୍ରତିବଦ୍ଧତାକୁ ପ୍ରତିଫଳିତ କରୁଅଛି।