ଶ୍ରୀରାମ ମନ୍ଦିର ପ୍ରତିଷ୍ଠା ଉତ୍ସବରେ ସାମିଲ ହେବେ ମହାପ୍ରଭୁ! ଆସିଲା ନିମନ୍ତ୍ରଣ

ପୁରୀ: ପ୍ରଭୁ ଶ୍ରୀରାମଙ୍କ ଜନ୍ମଭୂମୀରୁ ମହାପ୍ରଭୁ ଶ୍ରୀଜଗନ୍ନାଥଙ୍କ ନିକଟକୁ ଆସିଛି ନିମନ୍ତ୍ରଣ । ଆସନ୍ତା ବର୍ଷ ଜାନୁଆରୀ ୨୨ ତାରିଖରେ ପ୍ରାଣ ପ୍ରତିଷ୍ଠା ଉତ୍ସବ ପାଇଁ ଅଯୋଧ୍ୟାରୁ ଚାଉଳ ଏବଂ ଗୁଆ ସହିତ ନିମନ୍ତ୍ରଣ ପତ୍ର ଶ୍ରୀକ୍ଷେତ୍ରରେ ପହଞ୍ଚିବା ପରେ ମହାପ୍ରଭୁଙ୍କୁ ଅର୍ପଣ କରାଯାଇଛି । ବିଶ୍ୱ ହିନ୍ଦ ପରିଷଦ ପୁରୀ ଭକ୍ତ ସାଲବେଗ ପୀଠରୁ ଶ୍ରୀମନ୍ଦିର ଅଭିମୁଖେ ଶୋଭାଯାତ୍ରା ହେବା ପରେ ଏପରି କାର୍ଯ୍ୟକ୍ରମ ପୁରୀରେ ଅନୁଷ୍ଠିତ ହୋଇଛି । ଅନ୍ୟପଟେ ଶ୍ରୀରାମ ଜନ୍ମଭୂମି ତୀର୍ଥକ୍ଷେତ୍ର ଟ୍ରଷ୍ଟ ପକ୍ଷରୁ ସମଗ୍ର ଦେଶକୁ ଅକ୍ଷତ କଳସ ଯାତ୍ରା ଆରମ୍ଭ ହୋଇଛି ।

ସୂଚନାଯୋଗ୍ୟ, ଅଯୋଧ୍ୟାରେ ନିର୍ମିତ ପ୍ରଭୁ ଶ୍ରୀରାମଙ୍କ ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ ଜାନୁଆରୀ ୨୨ରେ ଅନୁଷ୍ଠିତ ହେବାକୁ ଯାଉଛି । ଏଥିପାଇଁ ଅନେକ ଭିଭିଆଇପିଙ୍କୁ ନିମନ୍ତ୍ରଣ ପତ୍ର ମଧ୍ୟ ପଠାଯାଇଛି । ତେବେ ଏହା ମଧ୍ୟରେ ପୂର୍ବରୁ ରାମ ମନ୍ଦିକ ପୂଜକ ପାଇଁ ୩ ହଜାରରୁ ଅଧିକ ପଣ୍ଡିତ ଆବେଦନ କରିଥିଲେ ତନ୍ମଧ୍ୟରୁ ଶ୍ରେଷ ଜଣେ ବ୍ରାହ୍ମଣଙ୍କୁ ଚୟନ କରାଯାଇଛି । ପ୍ରଭୁ ଶ୍ରୀରାମଙ୍କ ସେବା କରିବାର ସୁଯୋଗ ପାଇଛନ୍ତି ଗାଜିଆବାଦ ଛାତ୍ର ମୋହିତ ପାଣ୍ଡ୍ୟା । ସେ ଦୂଧେଶଅୱର ବେଦ ବିଦ୍ୟାପୀଠର ଛାତ୍ର ଥିଲେ । ୭ ବର୍ଷରୁ ଅଧିକ ସମୟ ଧରି ରାଜ୍ୟ ଓ ରାଜ୍ୟ ବାହାରେ ସେ ବେଦ ଅଧୟନ କରି ଜ୍ଞାନ ଆହୋରଣ କରିଛନ୍ତି । ପ୍ରଭୁ ଶ୍ରୀରାମଙ୍କ ସେବା ଆରମ୍ଭ କରିବା ପୂର୍ବରୁ ପଣ୍ଡିତ ମୋହିତ ପାଣ୍ଡ୍ୟାଙ୍କୁ ୬ମାସ ଟ୍ରେନିଂ ଦିଆଯିବ ।

ଦୂଧେଶ୍ୱର ନାଥ ମଠ ମହନ୍ତ ନାରାୟଣ ଗିରି ଏହି ଖବର ପାଇ ଅତ୍ୟନ୍ତ ଖୁସି ପ୍ରକଟ କରିଛନ୍ତି । ସେ କହିଛନ୍ତି ଯେ, ଏହି ଖବର ସମଗ୍ର ଜିଲ୍ଲା ପାଇଁ ଗର୍ବ ଓ ଗୌରବର ବିଷୟ । ଏହି ଖବର ମିଳିବାର ଯଥେଷ୍ଟ ପୂର୍ବରୁ ସମର୍ପଣ ସମାରୋହରେ ଭାଗ ନେବା ପାଇଁ ଆଚାର୍ଯ୍ୟ ତାପରାଜ ଉପାଧ୍ୟାୟ ଏବଂ ଆଚାର୍ଯ୍ୟ ନିତ୍ୟାନନ୍ଦଙ୍କୁ ନିମନ୍ତ୍ରଣ ପତ୍ର ମିଳିଥିଲା ।

ଆପଣଙ୍କୁ କହି ରଖିବାକୁ ଚାହୁଁ ଯେ, ଗାଜିଆବାଦରେ ଅବସ୍ଥିତ ଦୂଧେଶ୍ୱରନାଥ ମଠ ଦେଶରେ ଖୁବ ପ୍ରସିଦ୍ଧ ଲାଭ କରିଛି । ଏହାକୁ ଉତ୍ତର ଭାରତର ଏକ ପ୍ରମୁଖ ଆଧ୍ୟାତ୍ମିକ ସ୍ଥଳ ଭୋଲି କୁହାଯାଏ । ରାଜ୍ୟ ଏବଂ ବାହାର ରାଜ୍ୟରୁ ଅନେକ ଲୋକ ଏଠାକୁ ଆସିଥାନ୍ତି । ଦେଶର ବିଭିନ୍ନ ସ୍ଥାନରୁ ଛାତ୍ରମାନେ ଆଧ୍ୟାତ୍ମିକ ତଥା ବେଦ ପାଠର ଶିକ୍ଷା ଲାଭ କରିବାକୁ ଏଠାକୁ ଆସନ୍ତି। ବର୍ତ୍ତମାନ ୭୦ ଜଣ ଛାତ୍ର ଏଠାରେ ଅଧ୍ୟୟନ କରୁଛନ୍ତି । ଯେଉଁ ଛାତ୍ରମାନେ ଦୂଧେଶ୍ୱର ବେଦ ବିଦ୍ୟାପିଠରେ ଶିକ୍ଷା ଗ୍ରହଣ କରନ୍ତି ସେମାନଙ୍କୁ ଦେଶ ବିଦେଶରେ ଥିବା ଅନେକ ମନ୍ଦିରରେ ପୁରୋହିତ ଏବଂ ଶିକ୍ଷକ ଭାବରେ ନିଯୁକ୍ତି ମିଳିଥାଏ ।

ରାମ ମନ୍ଦିରରେ ପୂଜା କରିବା ପାଇଁ ଚୟନ ହୋଇଥିବା ମୋହିତ ପାଣ୍ଡ୍ୟା ପ୍ରଥମେ ସମବେଦ ଅଧ୍ୟୟନ କରିଥିଲେ । ଏହା ପରେ ସେ ଭେଙ୍କଟେଶ୍ୱରା ବୈଦିକ ବିଶ୍ୱବିଦ୍ୟାଳୟରେ ଅଧ୍ୟୟନ କରିଥିଲେ। ମୋହିତ ପାଣ୍ଡ୍ୟା ଆଚାର୍ଯ୍ୟ ଡିଗ୍ରୀ ହାସଲ କରିବା ପରେ ବର୍ତ୍ତମାନ ପିଏଚଡି କରିବାକୁ ପ୍ରସ୍ତୁତ ହେଉଛନ୍ତି। ମୋହିତ ସାତ ବର୍ଷ ଧରି ଦୂଧେଶ୍ୱର ବେଦ ବିଦ୍ୟାପିଠରେ ଧର୍ମ ଓ ରୀତିନୀତି ଅଧ୍ୟୟନ କରିଛନ୍ତି। ଦୀର୍ଘ ୨୩ ବର୍ଷ ହେବ ଏହି ପିଠରେ ବେଦ ଶିକ୍ଷା ପ୍ରଦାନ କରାଯାଉଛି । ଅନ୍ୟପଟେ ମୋହିତ ନିଯୁକ୍ତି ପାଇବା ପରେ ପରିବାର ଲୋକେ ଏହାକୁ ପରମ ସୌଭାଗ୍ୟ ବୋଲି କହିଛନ୍ତି ।