ମହାନଦୀକୁ ଡେଇଁଥିବା ବ୍ୟକ୍ତିଙ୍କ ଏଯାଏ ପତ୍ତା ମିଳୁନି, ସ୍କୁଟିରୁ ମିଳିଲା ସୁଇସାଇଟ୍ ନୋଟ୍

Man jumped river: ବିଡାନାସୀ ଅଗ୍ନିଶମ ବାହିନୀ ପକ୍ଷରୁ ସର୍ଚ୍ଚ ଅପରେସନ ଜାରି ରହିଛି। ଗତକାଲି ବିଳମ୍ବିତ ରାତିରେ କଟକ ମଧୁସୂଦନ ସେତୁରୁ ଜଣେ ବ୍ୟକ୍ତି ନଦୀକୁ ଡେଇଁ ପଡିଥିଲେ।

କଟକ: ମହିନଦୀକୁ ଡେ଼ଇଁ ଜଣେ ନିଖୋଜ। ଗତକାଲି ଅପରାହ୍ନରେ ଜଣେ ଯୁବକ ମହାନଦୀକୁ ଡେଇଁଥିଲେ। ଡେଇଁଥିବା ବ୍ୟକ୍ତିଙ୍କ ଏଯାଏ ପତ୍ତା ମିଳୁନି, ସ୍କୁଟିରୁ ମିଳିଲା ସୁଇସାଇଟ୍ ନୋଟ୍ ମିଳିଛି। ବିଡାନାସୀ ଅଗ୍ନିଶମ ବାହିନୀ ପକ୍ଷରୁ ସର୍ଚ୍ଚ ଅପରେସନ ଜାରି ରହିଛି। ଗତକାଲି ବିଳମ୍ବିତ ରାତିରେ କଟକ ମଧୁସୂଦନ ସେତୁରୁ ଜଣେ ବ୍ୟକ୍ତି ନଦୀକୁ ଡେଇଁ ପଡିଥିଲେ। ତାଙ୍କ ପରିଚୟ ମିଳିଛି। ବ୍ୟକ୍ତି ଜଣକ ହେଲେ ଅନୁପ ଅଗ୍ରୱାଲ। ତାଙ୍କ ଘର କଟକ ନୟାସଡ଼କ ଅଞ୍ଚଳର। କେଉଁ କାରଣରୁ ବ୍ୟକ୍ତି ଜଣକ ନଦୀକୁ ଡେଇଁ ପଡିଛନ୍ତି ତାର କାରଣ ଅସ୍ପଷ୍ଟ ରହିଛି। 

ତେବେ ସୂଚନାଯୋଗ୍ୟ ଯେ, ଗତକାଲି ଅନୁପ ଅଗ୍ରୱାଲ ଧବଳେଶ୍ଵର ବୁଲିବାକୁ ଯାଉଛନ୍ତି ବୋଲି ଘରେ କହି ଆସିଥିଲେ। କିନ୍ତୁ ଦୀର୍ଘ ସମୟ ପର୍ଯ୍ୟନ୍ତ ଘରକୁ ନ ଆସିବାରୁ ପରିବାର ଲୋକ ଖୋଜା ଖୋଜି କରିଥିଲେ। ତାଙ୍କ ମୋବାଇଲ ଫୋନ୍ ମଧ୍ୟ ଉଠାଇ ନଥିଲେ। ଏହାପରେ ଧବଳେଶ୍ୱର ଯିବା ରାସ୍ତାର ମଧୁସୂଦନ ସେତୁ ଉପରେ ସ୍କୁଟି ମିଳିଥିଲା ଓ ସ୍କୁଟି ଭିତରେ ସୁଇସାଈଟ ନୋଟ ଥିଲା। ପରେ ପରିବାର ଲୋକ ଥାନାର ଦ୍ୱାରସ୍ଥ ହୋଇଥିଲେ। ତେବେ ବର୍ତ୍ତମାନ ପର୍ଯ୍ୟନ୍ତ ବିଡାନାସୀର ଗୋଟେ ଅଗ୍ନିଶମ ବାହିନୀ ସର୍ଚ୍ଚ ଅପରେସନ ଜାରି ରଖିଛି। କିନ୍ତୁ ନିଖୋଜ ଯୁବକଙ୍କ ପତ୍ତା ମିଳିନାହିଁ।