Top 10 News: ଭଦ୍ରକରେ ଆଉ ୪୮ ଘଣ୍ଟା ପାଇଁ ବନ୍ଦ ରହିବ ଇଣ୍ଟରନେଟ୍, IPS ସ୍ତରରେ ଅଦଳବଦଳ, ପଢ଼ନ୍ତୁ ଆଜିର ୧୦ ବଡ଼ ଖବର

Top 10 News Headlines: ଏକ ବିବାଦୀୟ ସୋସିଆଲ ମିଡିଆ ପୋଷ୍ଟକୁ ନେଇ ସାମ୍ପ୍ରଦାୟିକ ମତଭେଦ ପରେ ଅଧିକ ଉତ୍ତେଜନାକୁ ଦୃଷ୍ଟିରେ ରଖି ଭଦ୍ରକରେ ଇଣ୍ଟରନେଟ୍ ସେବା ଆଉ ୪୮ ଘଣ୍ଟା ପାଇଁ ସ୍ଥଗିତ ରହିବ ବୋଲି ରବିବାର ପୂର୍ବାଞ୍ଚଳ ଆଇଜି ସତ୍ୟଜିତ୍ ନାୟକ ସୂଚନା ଦେଇଛନ୍ତି। ଏଠାରେ ସଂକ୍ଷେପରେ ପଢ଼ନ୍ତୁ ଦିନ ତମାମର ୧୦ଟି ବଡ଼ ଖବର।

Top 10 News Headlines 29 September 2024: H1. Bhadrak Internet services to remain suspended for another 48 hours: ଏକ ବିବାଦୀୟ ସୋସିଆଲ ମିଡିଆ ପୋଷ୍ଟକୁ ନେଇ ସାମ୍ପ୍ରଦାୟିକ ମତଭେଦ ପରେ ଅଧିକ ଉତ୍ତେଜନାକୁ ଦୃଷ୍ଟିରେ ରଖି ଭଦ୍ରକରେ ଇଣ୍ଟରନେଟ୍ ସେବା ଆଉ ୪୮ ଘଣ୍ଟା ପାଇଁ ସ୍ଥଗିତ ରହିବ ବୋଲି ରବିବାର ପୂର୍ବାଞ୍ଚଳ ଆଇଜି ସତ୍ୟଜିତ୍ ନାୟକ ସୂଚନା ଦେଇଛନ୍ତି।  ଏଥି ସହ ଆଜି ଧାମନଗରରୁ ଆହୁରି 7 ଜଣଙ୍କୁ ଗିରଫ କରାଯାଇଛି । ମୋଟ ଗିରଫ ସଂଖ୍ୟା ୧୪କୁ ବୃଦ୍ଧି ।

H2. IPS Reshuffle In Odisha: ରବିବାର ଦିନ ଓଡ଼ିଶା ସରକାର ଆଇପିଏସ୍ ସ୍ତରରେ ଏକ ବଡ଼ ଧରଣର ଅଦଳବଦଳ କରିଛନ୍ତି।  ଏନେଇ ଗୃହ ବିଭାଗ ପକ୍ଷରୁ ଏକ ବିଜ୍ଞପ୍ତି ପ୍ରକାଶ ପାଇଛି। ୨୮ ଜଣ ଆଇପିଏସ୍ ଅଧିକାରୀଙ୍କ ବଦଳି ହୋଇଛି। ଏଥିରେ କଟକ-ଭୁବନେଶ୍ୱର ପୁଲିସ କମିଶନର ମଧ୍ୟ ସାମିଲ ଅଛି। ସୁରେଶ ଦେବ ଦତ୍ତ ସିଂଙ୍କୁ କମିଶନରେଟ୍ ପୋଲିସର କମିଶନର ଭାବେ ନିଯୁକ୍ତ କରିଛନ୍ତି।

H3. Odisha Weather Report: ଅକ୍ଟୋବର ୬ରେ ଲଘୁଚାପ ହେବାର ସମ୍ଭାବନା ନେଇ ଭାରତୀୟ ପାଣିପାଗ ବିଭାଗ ସୂଚନା ଦେଇଛି। ଏହା ପ୍ରଭାବରେ ରାଜ୍ୟରେ ୪ ଓ ୫ ତାରିଖରୁ ବର୍ଷାର ସମ୍ଭାବନା ରହିଛି ଓଡି଼ଶା। ଭାରତୀୟ ପାଣିପାଗ ବିଭାଗର ଜାରି କରିଥିବା ଦୀର୍ଘମିଆଦୀ ପ୍ରେସ ରିଲିଜ ରେ ଅକ୍ଟୋବର ଦ୍ୱିତୀୟ ସପ୍ତାହ ଅର୍ଥାତ ୬ ତାରିଖ ବେଳକୁ ପଶ୍ଚିମ କେନ୍ଦ୍ରୀୟ ବଙ୍ଗୋପସାଗରେ ଓ ତାର ପାଶ୍ୱବର୍ତୀ ଅଂଚଳରେ ଲଘୁଚାପ ସୃଷ୍ଟି ହେବାର ପୂର୍ବାନୁମାନ କରିଛି। 

H4. Odisha Nursing Staff Withdraw Strike: ଆନ୍ଦୋଳନରୁ ଓହରିଲେ ନର୍ସିଂ ଅଫିସର। ଆଜିଠୁ ସ୍ବାସ୍ଥ୍ୟସେବା ସ୍ବାଭାବିକ। ୪ ଦିନ ପରେ ଆନ୍ଦୋଳନ ପ୍ରତ୍ୟାହାର କଲା ସଂଘ। ସ୍ୱାସ୍ଥ୍ୟମନ୍ତ୍ରୀଙ୍କ ସହ ଆଲୋଚନା ପରେ ଆନ୍ଦୋଳନ ପ୍ରତ୍ୟାହୃତ ହୋଇଛି। ଏନେଇ ସୂଚନା ଦେଇଛନ୍ତି ନର୍ସିଂ ସଂଘ ସାଧାରଣ ସଂପାଦକ। ୧୦ଦଫା ଦାବି ପୂରଣ ପାଇଁ ନର୍ସିଂ କର୍ମଚାରୀମାନେ ଚାରି ଦିନ ଧରି ରାଜ୍ୟବ୍ୟାପୀ କାର୍ଯ୍ୟବନ୍ଦ ଆନ୍ଦୋଳନ ଜାରି ରଖିଥିଲେ। ସରକାର ସେମାନଙ୍କ ବିରୁଦ୍ଧରେ ଏସମା ଲାଗୁ କରିଥିଲେ ମଧ୍ୟ ଆନ୍ଦୋଳନରୁ ଓହରି ନଥିଲେ। ନର୍ସିଂ ଅଫିସର ଆନ୍ଦୋଳନ ଯୋଗୁଁ ରାଜ୍ୟରେ ବ୍ଯାପକ ଭାବେ ରୋଗୀ ସେବା ବାଧାପ୍ରାପ୍ତ ହୋଇଥିଲା। 

H5. SP Reshuffle: ରବିବାର ଦିନ ଏସ୍‌ପି ସ୍ତରରେ ବଡ଼ ଧରଣର ଅଦଳବଦଳ କରାଯାଇଛି। ନୂଆ ପୁଲିସ ମହାନିର୍ଦ୍ଦେଶକ ଭାବରେ ଦାୟିତ୍ୱ ନେବାର ପ୍ରାୟ ଦେଢ଼ ମାସ ପରେ ୱାଇ.ବି ଖୁରାନିଆ ଅନେକ ଜିଲ୍ଲାର ଏସ୍‌ପି ସ୍ତରରେ ଅଦଳବଦଳ କରିଛନ୍ତି। ଏହି କ୍ରମରେ ଭୁବନେଶ୍ୱର ଡିସିପି ପ୍ରତୀକ ସିଂହଙ୍କ ସହିତ ଅନେକ ଜିଲ୍ଲାର ଏସ୍‌ପିଙ୍କର ବଦଳି କରାଯାଇଛି।

H6. Praja Foundation Urban Governance Index 2024: ପ୍ରଜା ଫାଉଣ୍ଡେସନ ପକ୍ଷରୁ ନିକଟରେ ପ୍ରକାଶିତ ଏକ ସ୍ୱାଧୀନ ଅଧ୍ୟୟନ ୨୦୨୪ ଅର୍ବାନ୍ ଗଭର୍ଣ୍ଣାନ୍ସ ଇଣ୍ଡେକ୍ସ (ୟୁଜିଆଇ)ରେ ଓଡ଼ିଶା ପ୍ରଥମ ସ୍ଥାନରେ ରହିଛି।ସହରାଞ୍ଚଳ ସଂସ୍କାର ପ୍ରତି ଓଡ଼ିଶାର ପ୍ରତିବଦ୍ଧତା ଏବଂ ସ୍ଥାନୀୟ ପ୍ରଶାସନିକ ଢାଞ୍ଚାକୁ ସଶକ୍ତ କରିବା, ପ୍ରଭାବଶାଳୀ ବିକେନ୍ଦ୍ରୀକରଣ ଏବଂ ନାଗରିକଙ୍କ ସଂପୃକ୍ତିକୁ ପ୍ରୋତ୍ସାହିତ କରିବାରେ ଓଡ଼ିଶାର ସଫଳତାଉପରେ ଏହି ଶୀର୍ଷ ମାନ୍ୟତା ଆଲୋକପାତ କରିଛି।

H7. Mann Ki Baat: ରବିବାର ଦିନ ମନ କି ବାତ୍ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ମୋଦୀ ନିଜର ମତ ଉପସ୍ଥାପନ କରିଛନ୍ତି। ଏହି ସମୟରେ ସେ ଏହି କାର୍ଯ୍ୟକ୍ରମର ଦଶ ବର୍ଷର ଯାତ୍ରା ବିଷୟରେ କହିଥିଲେ। ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ମନ କି ବାତର ୧୦ ବର୍ଷର ଯାତ୍ରାରେ ଅନେକ ମାଇଲଖୁଣ୍ଟ ଅଛି ଯାହାକୁ ମୁଁ ଭୁଲି ପାରିବି ନାହିଁ। ମନ କି ବାତର ଶ୍ରୋତାମାନେ ଏହି କାର୍ଯ୍ୟକ୍ରମର ସ୍ଥପତି ଅଟନ୍ତି। ତାଙ୍କର ଅବଦାନ ଭୁଲିପାରିବ ନାହିଁ। ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଏକ ଧାରଣା ବିକଶିତ ହୋଇଛି ଯେପର୍ଯ୍ୟନ୍ତ ମସଲାଯୁକ୍ତ କଥାବାର୍ତ୍ତା କିମ୍ବା ନକାରାତ୍ମକ କଥାବାର୍ତ୍ତା ନହେବା ପର୍ଯ୍ୟନ୍ତ ଏହା ଗ୍ରହଣୀୟ ହେବ ନାହିଁ। କିନ୍ତୁ ମନ୍ କି ବାତ୍ ଏହି ଧାରଣାକୁ ପରିବର୍ତ୍ତନ କରିଛି।

H8. Mallikarjun Kharge Health: ଜମ୍ମୁ କାଶ୍ମୀର ବିଧାନସଭା ନିର୍ବାଚନରେ ​​ପ୍ରଚାର କରିବାକୁ ଆସିଥିବା କଂଗ୍ରେସ ସଭାପତି ମଲ୍ଲିକାର୍ଜୁନ ଖର୍ଗେଙ୍କ ସ୍ୱାସ୍ଥ୍ୟ ହଠାତ୍ ଖରାପ ହୋଇଯାଇଥିଲା। ଏହି ସମୟରେ ଖରଗେ ମଞ୍ଚରୁ ସାଧାରଣ ସଭାକୁ ସମ୍ବୋଧିତ କରୁଥିଲେ। ଯେତେବେଳେ ତାଙ୍କ ସ୍ୱାସ୍ଥ୍ୟରେ ସାମାନ୍ୟ ଉନ୍ନତି ହୋଇଥିଲା, ସେତେବେଳେ କଂଗ୍ରେସ ରାଷ୍ଟ୍ରୀୟ ସଭାପତି କହିଛନ୍ତି, "ଆମେ ପୁନଃ ରାଜ୍ୟ ସ୍ଥାପିତ କରିବା ପାଇଁ ସଂଗ୍ରାମ କରିବୁ। ମୋର ବୟସ ୮୩ ବର୍ଷ ଏବଂ ମୁଁ ଏତେ ଶୀଘ୍ର ମରିବାକୁ ଯାଉ ନାହିଁ। ମୁଁ ସେ ପର୍ଯ୍ୟନ୍ତ ଜୀବିତ ରହିବି ଯେ ପର୍ଯ୍ୟନ୍ତ ପ୍ରଧାନମନ୍ତ୍ରୀ ମୋଦି କ୍ଷମତାରୁ ହଟାଇ ଦିଆଯାଇନାହିଁ।"

H9. TikTok star Kubra Aykut died: ନିଜକୁ ବିବାହ କରିବା ପରେ ଭାଇରାଲ ହୋଇଥିବା ତୁର୍କୀ ଟିକଟକ୍ ଷ୍ଟାପ କୁବ୍ରା ଆୟକୁତଙ୍କ ୨୬ ବର୍ଷ ବୟସରେ ଦେହାନ୍ତ ହୋଇଛି। ତୁର୍କୀ ଗଣମାଧ୍ୟମ ରିପୋର୍ଟ ଅନୁଯାୟୀ, ଇସ୍ତାନବୁଲର ସୁଲତାନବେଲିରେ ଥିବା ଏକ ବିଳାସପୂର୍ଣ୍ଣ ଆପାର୍ଟମେଣ୍ଟର ପଞ୍ଚମ ମହଲାରୁ ଖସିପଡିବା ପରେ ସୋମବାର ଆୟୁକତଙ୍କ ମୃତ୍ୟୁ ଘଟିଛି। ସ୍ଥାନୀୟ ଅଧିକାରୀମାନେ ମଧ୍ୟ ତାଙ୍କ ମୃତଦେହ ନିକଟରେ ଏକ ଆତ୍ମହତ୍ୟା ନୋଟ୍ ପାଇଥିଲେ, ଯେଉଁଥିପାଇଁ ଏହା ଆତ୍ମହତ୍ୟା ବୋଲି ବିବେଚନା କରାଯାଉଛି। ତେବେ ତାଙ୍କ ମୃତ୍ୟୁ ଘଟଣାର ତଦନ୍ତ ଜାରି ରହିଛି।

H10. WTC Point Latest Table: ପଏଣ୍ଟ ଟେବୁଲରେ ଶ୍ରୀଲଙ୍କାର ସ୍ଥିତି ଅଧିକ ଶକ୍ତିଶାଳୀ ହୋଇଛି ଓ ଦଳ ତୃତୀୟ ସ୍ଥାନରେ ରହିଛି। ଏହି ଦଳ ୨୦୨୩-୨୫ WTC ଚକ୍ରରେ ଏପର୍ଯ୍ୟନ୍ତ ୯ଟି ମ୍ୟାଚ୍ ଖେଳିଛି ଯେଉଁଥିରେ ୫ଟି ଜିତିଥିବାବେଳେ ୪ଟି ମ୍ୟାଚ୍ ହାରିଛି। ଶ୍ରୀଲଙ୍କାର ବିଜୟ ହାର ବର୍ତ୍ତମାନ ୫୫.୫୬ ରହିଛି। ଶ୍ରୀଲଙ୍କାର ବିଜୟ ପରେ ମଧ୍ୟ ଭାରତର ସ୍ଥିତିରେ କୌଣସି ପରିବର୍ତ୍ତନ ହୋଇନାହିଁ ଏବଂ ଟିମ୍ ଇଣ୍ଡିଆ ପଏଣ୍ଟ ଟେବୁଲରେ ପ୍ରଥମ ସ୍ଥାନରେ ରହିଛି।