Top 10 News Today: ସ୍କୁଲ୍ ବସ୍ ଓଲଟି ୮ ପିଲାଙ୍କର ମୃତ୍ୟୁ, ପଢ଼ନ୍ତୁ ଅପରାହ୍ନର ୧୦ ବଡ଼ ଖବର

Top News Headlines from 11th April 2024: ସ୍କୁଲ ବସ୍ ଓଲଟି ପଡିବାରୁ ୮ ଜଣ ପିଲାଙ୍କର ମୃତ୍ୟୁ ଘଟିଛି ଓ ୧୪ ଜଣ ଶିଶୁ ଆହତ ହୋଇଛନ୍ତି। ଏଠାରେ ସଂକ୍ଷେପରେ ପଢ଼ନ୍ତୁ ଅପରାହ୍ନର ୧୦ଟି ବଡ଼ ଖବର।

Afternoon Bulletin Top News Headlines: H1. Mahendragarh School Bus Accident: ହରିୟାଣାର ମହେନ୍ଦ୍ରଗଡ ଜିଲ୍ଲାର କାନିନା ସବ୍-ଡିଭିଜନର ଉହାନି ଗ୍ରାମରେ ଏକ ସ୍କୁଲ ବସ୍ ଓଲଟି ପଡିବାରୁ ୮ ଜଣ ପିଲାଙ୍କର ମୃତ୍ୟୁ ଘଟିଛି। ଓ ୧୪ ଜଣ ଶିଶୁ ଆହତ ହୋଇଛନ୍ତି। ଦୁର୍ଘଟଣା ସମ୍ପର୍କରେ ସୂଚନା ଦେଇ ପୋଲିସ କହିଛି ଯେ ବସ୍ ଡ୍ରାଇଭର ମଦ୍ୟପାନ କରି ଚଲାଉଥିଲେ। କୁହାଯାଉଛି ଯେ ବସ୍‌ରେ ପ୍ରାୟ ୪୦ ପିଲା ଯାତ୍ରା କରୁଥିଲେ। ଗୁରୁବାର ଦିନ ଏକ ସରକାରୀ ଛୁଟି ସତ୍ତ୍ୱେ ବିଦ୍ୟାଳୟ ଖୋଲା ଥିଲା। ଏହି ବସ୍ ଘରୋଇ ବିଦ୍ୟାଳୟ GL ପବ୍ଲିକ୍ ସ୍କୁଲର ଥିଲା।

H2. JEE Advanced 2024: ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି ମାଡ୍ରାସ ମିଳିତ ପ୍ରବେଶିକା ପରୀକ୍ଷା (JEE) ଆଡଭାନ୍ସଡ ପାଇଁ ଆବେଦନ ସୂଚୀକୁ ସଂଶୋଧନ କରିଛି। ପୂର୍ବ କାର୍ଯ୍ୟସୂଚୀ ଅନୁଯାୟୀ, ଏପ୍ରିଲ ୨୧ ରେ ପଞ୍ଜୀକରଣ ଆବେଦନ ପ୍ରକ୍ରିୟା ଆରମ୍ଭ ହେବାର ଥିଲା। ବର୍ତ୍ତମାନ ସଂଶୋଧିତ ତାରିଖ ଅନୁଯାୟୀ, ୨୭ ଏପ୍ରିଲରୁ ୭ ମେ, ୨୦୨୪ ମଧ୍ୟରେ JEE ଆଡଭାନ୍ସ ପାଇଁ ପଞ୍ଜୀକରଣ ଓ ଆବେଦନ ଆରମ୍ଭ ହେବ। IIT JEE ଆଡଭାନ୍ସଡ ପାଇଁ ଆବେଦନ ଫର୍ମ ପୂରଣ କରିବାକୁ, ପ୍ରାର୍ଥୀଙ୍କୁ jeeadv.ac.in ଭିଜିଟ୍ କରିବାକୁ ପଡିବ।

H3. K Kavitha Arrested: ଦିଲ୍ଲୀ ଏକ୍ସାଇଜ୍ ପଲିସି ସ୍କାମ ସହ ଜଡିତ ମନି ଲଣ୍ଡରିଂ ମାମଲାରେ ପୂର୍ବତନ ତେଲେଙ୍ଗାନା ସିଏମ୍ କେ. ଚନ୍ଦ୍ରଶେଖର ରାଓଙ୍କ ଝିଅ କେ. କବିତାଙ୍କ ଅସୁବିଧା କମ୍ ହେବାର ନାମ ନେଉନାହିଁ। ସଦ୍ୟତମ ମାମଲାରେ ସିବିଆଇ ଗୁରୁବାର ଦିନ ବିଆରଏସ ନେତା କେ କବିତାଙ୍କୁ ଗିରଫ କରିଛି। କବିତାଙ୍କୁ ଏନଫୋର୍ସମେଣ୍ଟ ଡାଇରେକ୍ଟୋରେଟ (ଇଡି) ର ହେପାଜତରୁ ଗିରଫ କରାଯାଇଛି।

H4. 2 Odisha MLAs suspended: ଜୟଦେବ ବିଧାୟକ ଅରବିନ୍ଦ ଢାଲି ଓ ତେଲକୋଇ ବିଧାୟକ ପ୍ରେମାନନ୍ଦ ନାୟକଙ୍କ ସଭ୍ୟପଦକୁ ରଦ୍ଦ କରିଦେଇଛନ୍ତି ବାଚସ୍ପତି ପ୍ରମିଳା ମଲ୍ଲିକ। ସାମ୍ବିଧାନିକ ନିୟମ ଆଧାରରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ବାଚସ୍ପତି ମହୋଦୟ। ନିକଟରେ ଏହି ଦୁଇ ବିଧାୟକ ବିଜେଡ଼ିକୁ ବାୟ ବାୟ କହିଥିଲେ। ବିଜେଡ଼ି ଛାଡି ଉଭୟ ଅରବିନ୍ଦ ଓ ପ୍ରେମାନନ୍ଦ ବିଜେପିରେ ଯୋଗ ଦେଇଥିଲେ। ଜୟଦେବ ବିଧାନସଭା ଆସନରୁ ବିଜେପି ପକ୍ଷରୁ ଅରବିନ୍ଦ ଢାଲି ପ୍ରାର୍ଥୀ ହୋଇ ନିର୍ବାଚନ ଲଢୁଛନ୍ତି। ସେହିପରି ଟିକଟ ଆଶାରେ ପ୍ରେମାନନ୍ଦ ମଧ୍ୟ ଲବି କରୁଥିବା ଜଣାପଡ଼ିଛି। 

H5. World Chena Poda divas: ଅପ୍ରେଲ ୧୧ ତାରିଖ ଆଜି ହେଉଛି ଛେନାପୋଡ଼ ଦିବସ। ସର୍ବପ୍ରଥମେ ଗତ ୨୦୨୨ ଅପ୍ରେଲ ୧୧ ତାରିଖରୁ ଛେନାପୋଡ଼ ଦିବସ ପାଳନ କରିବାର ପରମ୍ପରା ଆରମ୍ଭ ହୋଇଥିଲା। ଛେନାପୋଡ଼ ବାରଶହ ଶତାବ୍ଦୀରେ ନୟାଗଡ଼ ଜିଲାରେ ଜନ୍ମଥିବାର କୁହାଯାଏ। ସୁଦର୍ଶନ ସାହୁଙ୍କୁ ଏହାର ଜନକ କହୁଯାଏ। ଛେନାପୋଡ଼ ଲୋକପ୍ରିୟ ହେବା ପଛରେ ତାଙ୍କର ଏକ ବହୁତ ବଡ଼ ଭୂମିକା ରହିଥିଲା। 

H6. BJP Candidate List: ନୂଆଦିଲ୍ଲୀ: ଲୋକସଭା ନିର୍ବାଚନ ୨୦୨୪ର ପ୍ରଥମ ପର୍ଯ୍ୟାୟ ପାଇଁ ଭୋଟ୍ ଏପ୍ରିଲ୍ ୧୯ରେ ହେବ। ପ୍ରଥମ ପର୍ଯ୍ୟାୟ ନିର୍ବାଚନକୁ ୮ ଦିନ ବାକି ରହିଛି। ଏହା ପୂର୍ବରୁ ବିଜେପି ଏହାର ପ୍ରାର୍ଥୀଙ୍କ ଆଉ ଏକ ତାଲିକା ପ୍ରକାଶ କରିଛି। ଏହା ହେଉଛି ଦଳର ୧୧ତମ ତାଲିକା। ଯଦିଓ ଏଥିରେ କେବଳ ଜଣେ ପ୍ରାର୍ଥୀ ଘୋଷଣା କରାଯାଇଛି, କିନ୍ତୁ ଉତ୍ତରପ୍ରଦେଶର ଏକ ବଡ ଆସନରୁ ପ୍ରାର୍ଥୀ ଘୋଷଣା କରାଯାଇଛି। ଏଠାରେ କହି ରଖୁଛୁ ଉତ୍ତରପ୍ରଦେଶର ଭଦୋହି ଲୋକସଭା ଆସନରୁ ଡକ୍ଟର ବିନୋଦ କୁମାର ବିନ୍ଦଙ୍କୁ ବିଜେପି ଟିକେଟ ଦେଇଛି। ଉତ୍ତରପ୍ରଦେଶରେ ୭୧ଟି ଆସନ ପାଇଁ ବିଜେପି ଏପର୍ଯ୍ୟନ୍ତ ପ୍ରାର୍ଥୀ ଘୋଷଣା କରିଛି।

H7. India Myanmar Relations: ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର ଗୁରୁବାର ଆଇଜୱାଲରେ ବିଜେପି ମନିଫେଷ୍ଟୋ ପ୍ରକାଶ କରିଛନ୍ତି। ଏହି ସମୟରେ ସେ କହିଛନ୍ତି ଯେ ଦେଶର ସୁରକ୍ଷାକୁ ସରକାର ସର୍ବାଧିକ ଗୁରୁତ୍ୱ ଦିଆଯାଉଛି। ସେ ସୂଚନା ଦେଇଛନ୍ତି ଯେ ଭାରତ-ମିଆଁମାର ସୀମାରେ ବାଡ଼ ଲଗାଇବା ଓ ମୁକ୍ତ ଆନ୍ଦୋଳନ ବ୍ୟବସ୍ଥା (FMR) ବନ୍ଦ କରିବାକୁ କେନ୍ଦ୍ର ସରକାର ନିଷ୍ପତ୍ତି ନେଇଛନ୍ତି। କହିରଖୁଛୁ ଯେ ୨୦୨୧ ଫେବ୍ରୁଆରୀରେ ମିଆଁମାରରେ ସୈନ୍ୟ ସରକାର ବଦଳାଇଦେଇଥିଲା।

H8. Apple threat notifications: ଟେକ୍ କମ୍ପାନୀ ଆପଲ୍ ଭାରତ ସମେତ ବିଶ୍ୱର ୯୨ଟି ଦେଶର ଉପଭୋକ୍ତାଙ୍କୁ ଏକ ହ୍ୟାକିଂ ଆଶାଙ୍କାକୁ ନେଇ ଚେତାବନୀ ଦେଇଛି। ଆପଲ୍ କହିଛି ଯେ ଭାରତ ସମେତ ବିଶ୍ୱର ୯୧ଟି ଦେଶରେ ଉପଭୋକ୍ତାମାନଙ୍କ ଉପରେ ମର୍କେନାରୀ ସ୍ପାଏୱେୟାର ଆକ୍ରମଣ ହେବାର ଆଶଙ୍କା ରହିଛି। ଏହି ବିପଦ ସମ୍ପର୍କରେ ଆପଲ୍ ବୁଧବାର ବିଳମ୍ବିତ ରାତିରେ ଏକ ନୋଟିଫିକେସନ୍ ଜାରି କରିଛି। ଆପଲ୍ କହିଛି ଯେ ଏହାର ଉପଭୋକ୍ତାମାନେ ମର୍କେନାରୀ ସ୍ପାଏୱେର୍ ଆକ୍ରମଣର ଶିକାର ହୋଇପାରନ୍ତି।

H9. Hardik Pandya Step Brother Arrest: ମୁମ୍ବାଇ ଇଣ୍ଡିଆନ୍ସର ଅଧିନାୟକ ହାର୍ଦ୍ଦିକ ପାଣ୍ଡ୍ୟା ଓ ଲକ୍ଷ୍ନୌ ଜିଆଣ୍ଟସ୍‌ର  ଅଲ୍‌ରାଉଣ୍ଡର କୃଣାଳ ପାଣ୍ଡ୍ୟାଙ୍କ ଠାରୁ କୋଟି କୋଟି ଟଙ୍କାର ଠକେଇ ହୋଇଥିବା ସୂଚନା ମିଳିଛି । ଆଶ୍ଚର୍ଯ୍ୟର କଥା, ପାଣ୍ଡ୍ୟା ବ୍ରଦର୍ସଙ୍କ ସାବତ ଭାଇ ହିଁ ଉଭୟଙ୍କଠାରୁ କୋଟି କୋଟି ଟଙ୍କା ଠକି ନେଇଥିବା ଜଣାପଡ଼ିଛି। ପାଣ୍ଡ୍ୟା ବ୍ରଦର୍ସଙ୍କୁ ଠାରୁ ତାଙ୍କ ସାବତ ଭାଇ ବୈଭବ ପାଣ୍ଡ୍ୟ ପ୍ରାୟ ସାଢ଼େ ୪ କୋଟି ଟଙ୍କା ଠକି ନେଇଥିବା ଅଭିଯୋଗ ହୋଇଛି। ଏହି ମାମଲାରେ ବୈଭବ ପାଣ୍ଡ୍ୟାଙ୍କୁ ମୁମ୍ବାଇର ଇକୋନୋମିକ୍ ଅଫେନ୍ସ ୱିଙ୍ଗ ଗିରଫ କରିଛି। 

H10. IPL 2024 MI vs RCB Match: ମୁମ୍ବାଇର ୱାଙ୍ଖେଡେ ଷ୍ଟାଡିୟମରେ ଗୁରୁବାର ଦିନ ମୁମ୍ବାଇ ଇଣ୍ଡିଆନ୍ସ ଓ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ୟରେ ଆଇପିଏଲ୍ ୨୦୨୪ ର ୨୫ ତମ ମ୍ୟାଚ୍ ଖେଳାଯିବ। ପଏଣ୍ଟ ଟେବୁଲରେ ଉଭୟ ଦଳର ସ୍ଥିତି ଭଲ ନାହିଁ। ତେବେ ମୁମ୍ବାଇ ଇଣ୍ଡିଆନ୍ସ ନିଜର ଶେଷ ମ୍ୟାଚ୍‌ରେ ଦିଲ୍ଲୀକୁ ପରାସ୍ତ କରିଛି, ଯେଉଁଥିପାଇଁ ଦଳ ପାଖର ଉତ୍ସହ ଅଧିକ ରହିଛି। ଯେତେବେଳେ କି ଆରସିବି ରାଜସ୍ଥାନ ରୟାଲ୍ସ ଦ୍ୱାରା ପରାସ୍ତ ହୋଇଥିଲା।