'ଧନ ନା ସମ୍ପତ୍ତି, କେବଳ ମା'ର ଆଶୀର୍ବାଦ', ବାଜପେୟୀଙ୍କ ଏହି ୧୫ଟି କଥା ସର୍ବଦା ରହିବ ଅମର

Atal Bihari Vajpayee Quotes: ଦେଶ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ୯୯ ତମ ଜନ୍ମ ବାର୍ଷିକୀକୁ ଦେଶ ସୁଶାସନ ଦିବସ ଭାବେ ପାଳନ କରୁଛି । ଜଣେ ରାଜନେତା, କବି ତଥା ସାମ୍ବାଦିକ ଭାବରେ ଅଟଳ ବିହାରୀ ବାଜପେୟୀ ଦେଶବାସୀଙ୍କ ଉପରେ ଏକ ଅବିସ୍ମରଣୀୟ ପ୍ରଭାବ ପକାଇଛନ୍ତି । ଆସନ୍ତୁ ଜାଣିବା ପୂର୍ବତନ ପ୍ରଧାନମନ୍ତ୍ରୀଙ୍କ ସେହି ପ୍ରେରଣାଦାୟକ କଥା ଯାହା ଆଜି ବି ବିଶ୍ୱ ପାଇଁ ପ୍ରାସଙ୍ଗିକ ଅଟେ ।

Atal Bihari Vajpayee Birth Anniversary: ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ରାଜନୈତିକ ଓ ସାହିତ୍ୟିକ ଦିଗ ବିଷୟରେ ବିଶ୍ୱ ଭଲଭାବେ ଜାଣିଛି । ଆଜି ବି ସୋସିଆଲ ମିଡିଆରେ ଅଟଳ ବିହାରୀ ବାଜପେୟୀଙ୍କ କଥା ସବୁ ବୟସର ଲୋକଙ୍କ ହୃଦୟରେ ଗଭୀର ପ୍ରଭାବ ପକାଉଛି । ସଂସଦରେ ତାଙ୍କର ରାଜନୈତିକ ଭାଷଣ ହେଉ କିମ୍ବା ସାହିତ୍ୟିକ ପ୍ଲାଟଫର୍ମରେ ତାଙ୍କ କବିତା, ଅଟଳ ବିହାରୀ ବାଜପେୟୀଙ୍କ କଥାରେ ଦେଶପ୍ରେମ ସର୍ବାଧିକ ରହିଆସିଛି ।

ଆଜି ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ୯୯ ତମ ଜନ୍ମ ବାର୍ଷିକୀ । ଆସନ୍ତୁ ଜାଣିବା ପୂର୍ବତନ ପ୍ରଧାନମନ୍ତ୍ରୀଙ୍କ ସେହି ପ୍ରେରଣାଦାୟକ କଥା ଯାହା ସର୍ବଦା ଅମର ହୋଇ ରହିବ ।

• "ମୁଁ ୪୦ ବର୍ଷ ଧରି ଏହି ଗୃହର ସଦସ୍ୟ ରହିଆସିଛି, ସଦସ୍ୟମାନେ ମୋର ବ୍ୟବହାର ଓ ମୋର ଆଚରଣ ଦେଖିଛନ୍ତି, କିନ୍ତୁ ଯଦି ଦଳ ଭାଙ୍ଗି ଏକ ନୂତନ ମିଳିତ ମଞ୍ଚ ଗଠନ କରି କ୍ଷମତା ହାସଲ କରାଯାଏ, ତେବେ ମୁଁ ଏପରି କ୍ଷମତାକୁ ଚିମିଟାଏ ମଧ୍ୟ ଛୁଇଁବାକୁ ପସନ୍ଦ କରିବି ନାହିଁ। "
• "ମୁଁ ମୋର ସୀମିତତା ବିଷୟରେ ଅବଗତ ଅଛି । ମୋର ତ୍ରୁଟି ବିଷୟରେ ମୁଁ ଅବଗତ ଅଛି । ମୋର ତ୍ରୁଟିକୁ ଅଣଦେଖା କରି ନିର୍ଣ୍ଣୟକାରୀମାନେ ମୋତେ ମନୋନୀତ କରିଛନ୍ତି। ଶୁଭେଚ୍ଛାର ଅଭାବ ନାହିଁ। ଏହି ଦେଶ ବଡ଼, ଚମତ୍କାର, ଅତ୍ୟନ୍ତ ଅନନ୍ୟ। ଯେକୈଣସି ପଥରକୁ ସିନ୍ଦୁର ଲଗାଇ ଅଭିବାଦନ କରାଯାଇପାରେ।"
• "ଆତଙ୍କବାଦ ଏକ କ୍ୟାନସର ପାଲଟିଛି। ଏହା ମାନବିକତାର ଶତ୍ରୁ। "
• "ମୋର କବିତା ହୃଦୟ ମୋତେ ରାଜନୈତିକ ସମସ୍ୟାର ସମ୍ମୁଖୀନ ହେବାକୁ ଶକ୍ତି ଦେଇଥାଏ, ବିଶେଷକରି ଯେଉଁମାନେ ମୋର ବିବେକକୁ ପ୍ରଭାବିତ କରନ୍ତି।"
• "ବ୍ୟକ୍ତିବିଶେଷଙ୍କୁ ସଶକ୍ତ କରିବା ଅର୍ଥ ହେଉଛି ରାଷ୍ଟ୍ରକୁ ସଶକ୍ତ କରିବା। ଏବଂ ସଶକ୍ତିକରଣର ସର୍ବୋତ୍ତମ କାମ ହେଉଛି ଦ୍ରୁତ ଅର୍ଥନୈତିକ ଅଭିବୃଦ୍ଧି ଓ ଦ୍ରୁତ ସାମାଜିକ ପରିବର୍ତ୍ତନ । ”
• "ଆମର ଲକ୍ଷ୍ୟ ଅସୀମ ଆକାଶ ପରି ଉଚ୍ଚ ହୋଇପାରେ, କିନ୍ତୁ ପରସ୍ପରର ହାତ ଧରି ଆଗକୁ ବଢ଼ିବାକୁ ଆମର ସଂକଳ୍ପ ରହିବା ଆବଶ୍ୟକ, କାରଣ ବିଜୟ ଆମର ହେବ। "
• "ଜିତିବା ଏବଂ ହାରିବା ଜୀବନର ଏକ ଅଂଶ, ଯାହାକୁ ସମାନତା ସହିତ ଦେଖାଯିବା ଉଚିତ୍ । "
• "ହିଂସା କୈଣସି କାର୍ଯ୍ୟରେ ସହଯୋଗ କରେ ନାହିଁ।"
• "ନିରକ୍ଷରତା ଏବଂ ଦାରିଦ୍ର୍ୟ ମଧ୍ୟରେ ଗଭୀର ସଂଯୋଗ ଅଛି।"

• "ଯିଏ ରାଜନୀତିରେ ଆଗ୍ରହୀ, ସେ ସାହିତ୍ୟ ପାଇଁ ସମୟ ଖୋଜିପାରୁ ନାହାଁନ୍ତି ଏବଂ ସାହିତ୍ୟିକ ରାଜନୀତି ପାଇଁ ସମୟ ଦେଇ ପାରିବେ ନାହିଁ, କିନ୍ତୁ କିଛି ଲୋକ ଅଛନ୍ତି ଯେଉଁମାନେ ଉଭୟଙ୍କ ପାଇଁ ସମୟ ଦିଅନ୍ତି। ସେମାନଙ୍କୁ ପ୍ରଶଂସା କରାଯିବା ଉଚିତ୍। "
• "ମୋର ନା ଜେଜେବାପାଙ୍କର ସମ୍ପତ୍ତି ଅଛି ନା ବାପାଙ୍କର, ମୋର କେବଳ ମା’ଙ୍କ ଆଶୀର୍ବାଦ ଅଛି, ଯାହା ଏସବୁଠାରୁ ବହୁତ ବଡ଼ ଅଟେ। ”
• “ଆପଣ ସାଙ୍ଗମାନଙ୍କୁ ବଦଳାଇ ପାରିବେ କିନ୍ତୁ ଆପଣଙ୍କ ପଡ଼ୋଶୀକୁ ନୁହେଁ ।”
• "କାଶ୍ମୀରରୁ କନ୍ୟାକୁମାରୀ ପର୍ଯ୍ୟନ୍ତ ବ୍ୟାପିଥିବା ଏହି ଭାରତ ଗୋଟିଏ ରାଷ୍ଟ୍ର, ଅନେକ ଜାତିର ସଂଗ୍ରହ ନୁହେଁ। ”
• "ସୂର୍ଯ୍ୟ ଏକ ସତ୍ୟ, ଯାହାକୁ ଅସ୍ୱୀକାର କରାଯାଇପାରିବ ନାହିଁ। କିନ୍ତୁ ଗୋଟିଏ ବୁନ୍ଦା କାକର ମଧ୍ୟ ଏକ ସତ୍ୟ ଅଟେ।ସେ କଥା ଅଲଗା ଯେ ଏହା କ୍ଷଣିକ ଅଟେ।"
• "କେବଳ ନାମ ଦ୍ୱାରା ନୁହେଁ, ରୂପ ଦ୍ୱାରା ନୁହେଁ, ଚେହେରା ଦ୍ୱାରା ନୁହେଁ, ହୃଦୟ, ବୁଦ୍ଧି ଓ ଜ୍ଞାନଦ୍ୱାରା ମନୁଷ୍ୟ ହୁଅ। ”