ବଜେଟ ପରେ ସରକାରୀ କର୍ମଚାରୀଙ୍କ ପାଇଁ ଆସିଲା ଖୁସି ଖବର, ବଢିବ ଏତିକି ପ୍ରତିଶତ ମହଙ୍ଗା ଭତ୍ତା

DA News: ନୂଆଦିଲ୍ଲୀ: ମଧ୍ୟବର୍ତ୍ତିକାଳୀନ ବଜେଟ ପରେ କେନ୍ଦ୍ରୀୟ କର୍ମଚାରୀଙ୍କୁ ଏକ ବହୁତ ବଡ଼ ଖୁସି ଖବର ଦେଇଛନ୍ତି ସରକାର। କେନ୍ଦ୍ରୀୟ କର୍ମଚାରୀଙ୍କ ମହଙ୍ଗା ଭତ୍ତା ୪ ପ୍ରତିଶତ ବଢିବା ନେଇ ସୂଚନା ସାମ୍ନାକୁ ଆସିଛି। ଏହି ମହଙ୍ଗା ଭତ୍ତା ବଢିବା ପରେ କେନ୍ଦ୍ରୀୟ ସରକାରୀ କର୍ମଚାରୀମାନେ ୫୦ ପ୍ରତିଶତ ମହଙ୍ଗା ଭତ୍ତା ପାଇବେ ବୋଲି ଜଣାପଡ଼ିଛି। ବର୍ତ୍ତମାନ କର୍ମଚାରୀମାନେ ୫୦ ପ୍ରତିଶତ ମହଙ୍ଗା ଭତ୍ତା ପାଇବେ। ଶ୍ରମ ବ୍ୟୁରୋ ଦ୍ୱାରା AICPI ସୂଚକାଙ୍କ ପ୍ରକାଶ ପାଇଛି। ସୂଚକାଙ୍କ ଅନୁଯାୟୀ, ୫୦ପ୍ରତିଶତ ମହଙ୍ଗା ଭତ୍ତା ନିଶ୍ଚିତ ହୋଇଛି। ତଥାପି, ସୂଚକାଙ୍କରେ ସାମାନ୍ୟ ହ୍ରାସ ରେକର୍ଡ କରାଯାଇଛି। କିନ୍ତୁ ଏହା ସତ୍ତ୍ୱେ ମହଙ୍ଗା ଭତ୍ତା ଉପରେ କୌଣସି ପ୍ରଭାବ ପଡି ନାହିଁ। ମହଙ୍ଗା ଭତ୍ତା ସଂଖ୍ୟା ୫୦ ପ୍ରତିଶତ ଅତିକ୍ରମ କରିଛି। ଏହା କ୍ରମାଗତ ଚତୁର୍ଥ ଥର ହେଉଛି ମହଙ୍ଗା ଭତ୍ତା ୪ ପ୍ରତିଶତ ବୃଦ୍ଧି ପାଇଛି। 

କେନ୍ଦ୍ରୀୟ କର୍ମଚାରୀଙ୍କୁ ଜାନୁଆରୀ ପହିଲାରୁ ପିଛିଲା ଭାବେ ଲାଗୁ ହେବ ମହଙ୍ଗା ଭତ୍ତା। ଡିସେମ୍ବରରେ AICPI ଇଣ୍ଡେକ୍ସ ସଂଖ୍ୟାରୁ ଏହା ଏକ ପ୍ରକାର ସ୍ପଷ୍ଚ ହୋଇଯାଇଛି। ଯଦିଓ ଡିସେମ୍ବରରେ ଇଣ୍ଡେକ୍ସ ନମ୍ବର ୦.୩ ଅଙ୍କ ଖସିଆସି ୧୩୮.୮ରେ ପହଞ୍ଚିଥିଲା। କିନ୍ତୁ ଏହି ମହଙ୍ଗା ଭତ୍ତା ବୃଦ୍ଧିରେ କୌଣସି ଆଖି ଦୃଶିଆ ପ୍ରଭାବ ପକାଇ ପାରିବ ନାହିଁ। ଆଶା କରାଯାଉଛି କି ଏହି ମହଙ୍ଗା ଭତ୍ତା ବୃଦ୍ଧି ହେବା ପରେ ୫୦ ପ୍ରତିଶତରୁ ଅଧିକ ଛୁଇଁବ। ବର୍ଦ୍ଧିତ ମହଙ୍ଗା ଭତ୍ତା ଅନୁଯାୟୀ ୫୦.୨୮ ପ୍ରତିଶତରେ ପହଞ୍ଚିଛି। କିନ୍ତୁ ସରକାର ୦.୫୦ ପ୍ରତିଶତ କମ ରଖିଛନ୍ତି। ଯାହା ଫଳରେ ୫୦ ପ୍ରତିଶତ ହିଁ ଚୂଡ଼ାନ୍ତ ହେବ। 

ବର୍ଦ୍ଧିତ ମହଙ୍ଗା ଭତ୍ତା ଲାଗୁ ହେଲେ କଣ ସବୁ ମିଳିବ ଲାଭ
ଏହା ଏକ ପ୍ରକାର ନିଶ୍ଚିତ ହୋଇଛି ଯେ ମହଙ୍ଗା ଭତ୍ତା ବର୍ତ୍ତମାନ ୫୦ ପ୍ରତିଶତ ହାରରେ ଉପଲବ୍ଧ ହେବ। କିନ୍ତୁ, ଏହା ଏପର୍ଯ୍ୟନ୍ତ ବିଦ୍ଧିବଦ୍ଧ ଭାବେ ଘୋଷଣା କରାଯାଇନାହିଁ। ଯଦି ଏହା ଏକ ନିର୍ବାଚନ ବର୍ଷ, ତେବେ ଲୋକସଭା ନିର୍ବାଚନ ତାରିଖ ଘୋଷଣା ହେବା ପୂର୍ବରୁ ମଧ୍ୟ ଏହାକୁ ଅନୁମୋଦନ କରାଯିବା ଏକ ପ୍ରକାର ନିଶ୍ଚିତ ହୋଇଛି। ମହଙ୍ଗା ଭତ୍ତା ବୃଦ୍ଧି ନେଇ ନିଷ୍ପତ୍ତି କେନ୍ଦ୍ର କ୍ୟାବିନେଟ ବୈଠକରେ ନିଆଯାଇଛି। ସାଧାରଣତଃ ମାର୍ଚ୍ଚରେ ହୋଲି ପାଖାପାଖି ସରକାର ଏହା ଘୋଷଣା କରିଥାନ୍ତି। ଏଥର ମଧ୍ୟ ମାର୍ଚ୍ଚରେ ଏହାକୁ ଅନୁମୋଦନ କରାଯିବାର ସମ୍ଭାବନା ରହିଛି।  କିନ୍ତୁ, କର୍ମଚାରୀମାନେ ଜାନୁଆରୀ ପହିଲାରୁ ଏହି ମହଙ୍ଗା ଭତ୍ତା ଲାଗୁ କରାଯିବ। ଅର୍ଥାତ୍ ପରିବର୍ତ୍ତନ ମହଙ୍ଗା ଭତ୍ତା କେବଳ ଜାନୁଆରୀ ୧ରୁ ଲାଗୁ ହେବ। ଏହା ବ୍ୟତୀତ ଜାନୁଆରୀ ଏବଂ ଫେବୃଆରୀ ମାସର ବକେୟା ସହିତ ମାର୍ଚ୍ଚ ମାସର ବେତନରେ ଏହା ପ୍ରଦାନ କରିବା ସମ୍ଭବ ଅଟେ।

୫୦ ପ୍ରତିଶତ ପରେ ଶୂନ ହୋଇଯିବ ମହଙ୍ଗା ଭତ୍ତା
ଜାନୁଆରୀ ପହିଲାରୁ ପିଛିଲା ଭାବେ କେନ୍ଦ୍ରୀୟ ସରକାରୀ କର୍ମଚାରୀ ୫୦ ପ୍ରତିଶତ ମହଙ୍ଗା ଭତ୍ତା ଲାଗୁ ହେବ। ଏହା ପରେ ମହଙ୍ଗା ଭତ୍ତା ପୁନର୍ବାର ଶୂନରୁ ଆରମ୍ଭ ହେବ। ୫୦ ପ୍ରତିଶତ ମହଙ୍ଗା ଭତ୍ତାକୁ କର୍ମଚାରୀଙ୍କ ମୂଳ ଦରମାରେ ମିଶାଇ ଦିଆଯିବ। ଧରାଯାଉ ଯଦି କୌଣସି କର୍ମଚାରୀଙ୍କ ମୂଳ ଦରମା ସର୍ବନିମ୍ନ ୧୮୦୦୦ ଟଙ୍କା ରହିଛି। ଏଭଳି କ୍ଷେତ୍ରରେ ମହଙ୍ଗା ଭତ୍ତା ୯ ହଜାର ଟଙ୍କା ରହିବ। ୫୦ ପ୍ରତିଶତ ଅତିକ୍ରମ କରିବା ପରେ ଏହି ୯୦୦୦ ଟଙ୍କାକୁ ମୂଳ ଦରମା ସହିତ ମିଶାଇ ଦିଆଯିବ। 

ଶୂନ କାହିଁକି କରାଯାଏ ମହଙ୍ଗା ଭତ୍ତା
ଯେତେବେଳେ ବି ଏକ ନୂତନ ବେତନ ସ୍କେଲ୍ କାର୍ଯ୍ୟକାରୀ ହୁଏ, କର୍ମଚାରୀଙ୍କ ଦ୍ୱାରା ପ୍ରାପ୍ତ ଡିଏ ମୂଳ ବେତନରେ ଯୋଡା ଯାଇଥାଏ। ବିଶେଷଜ୍ଞମାନେ କହିଛନ୍ତି ଯେ ନିୟମ ଅନୁଯାୟୀ କର୍ମଚାରୀଙ୍କ ଦ୍ୱାରା ପ୍ରାପ୍ତ ଶତପ୍ରତିଶତ ଡିଏ ମୂଳ ବେତନରେ ଯୋଡାଯିବା ଉଚିତ, କିନ୍ତୁ ଏହା ସମ୍ଭବ ନୁହେଁ। ଆର୍ଥିକ ପରିସ୍ଥିତି ସମସ୍ୟା ସୃଷ୍ଟି କରିଥାଏ। ଅବଶ୍ୟ, ଏହା ୨୦୧୬ ମସିହାରେ କରାଯାଇଥିଲା। ଏହାପୂର୍ବରୁ, ୨୦୦୬ ମସିହାରେ, ଯେତେବେଳେ ଷଷ୍ଠ ବେତନ ଆସିଥିଲା, ସେତେବେଳେ ଡିସେମ୍ବର ପର୍ଯ୍ୟନ୍ତ ପଞ୍ଚମ ବେତନ ସ୍କେଲରେ ୧୮୭ ପ୍ରତିଶତ ଡିଏ ଦିଆଯାଉଥିଲା। ସମଗ୍ର ଡିଏ ମୂଳ ବେତନରେ ମିଶିଯାଉଥିଲା। ତେଣୁ ଷଷ୍ଠ ବେତନ ସ୍କେଲର କୋଏଫିସିଏଣ୍ଟ୍ ଥିଲା ୧.୮୭। ତା’ପରେ ନୂତନ ପେ ବ୍ୟାଣ୍ଡ ଏବଂ ନୂତନ ଗ୍ରେଡ୍ ପେ ମଧ୍ୟ ସୃଷ୍ଟି ହେଲା। କିନ୍ତୁ ଏହାକୁ କର୍ମଚାରୀଙ୍କୁ ଦେବା ପାଇଁ ପ୍ରାୟ ୩ ବର୍ଷ ସମୟ ଲାଗି ଯାଇଥିଲା।