Nobel Peace Prize: ପିଏମ ମୋଦିଙ୍କୁ ମିଳିବ ନୋବେଲ ଶାନ୍ତି ପୁରସ୍କାର? ନୋବେଲ ପୁରସ୍କାର କମିଟିର ଡେପୁଟି ନେତା ଦେଲେ ଏହି ବୟାନ

Nobel Peace Prize: ନରୱେରୁ ନୋବେଲ ପୁରସ୍କାର କମିଟିର ଟିମ୍ ଭାରତରେ ପହଞ୍ଚିଛି । ଏହି କମିଟି ନୋବେଲ ଶାନ୍ତି ପୁରସ୍କାର ବିଜେତାକୁ ଚୟନ କରିଥାଏ । ଏହି କମିଟିର ଥିବା ଡେପୁଟି ନେତା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଖୁବ୍ ପ୍ରଶଂସା କରିଛନ୍ତି । ନୋବେଲ ଶାନ୍ତି ପୁରସ୍କାରକୁ ନେଇ ମଧ୍ୟ ସେ ଏକ ବଡ଼ ବୟାନ ଦେଇଛନ୍ତି ।

Nobel Prize For PM Modi: ବିଶ୍ୱର ବୃହତ୍ତମ ଗଣତନ୍ତ୍ରର ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ (Narendra Modi) ଲୋକପ୍ରିୟତା ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ବିଶ୍ୱକୁ ଶାନ୍ତି ଓ ପ୍ରଗତିର ପଥ ଦେଖାଇବା ସହ ଭାରତକୁ ଆଗେଇ ନେଉଥିବା ପ୍ରଧାନମନ୍ତ୍ରୀ ମୋଦି ନିଜର ଦେଶର ପତାକା ବିଶ୍ୱରେ ଉଚ୍ଚା ରଖିଛନ୍ତି । ବିଶ୍ୱରେ ତାଙ୍କୁ ଶ୍ରେଷ୍ଠ ନେତା ଭାବେ ଅନେକଥର ସର୍ଭେରେ ଖୁଲାସା ହୋଇଛି ଓ ବର୍ତ୍ତମାନ ତାଙ୍କର ଗୁଣକୁ ପ୍ରଶଂସା ଜଣେ ନୋବେଲ ଶାନ୍ତି ପୁରସ୍କାର କମିଟିର ସଦସ୍ୟ କରିଛନ୍ତି ।

ବାସ୍ତବରେ ନୋବେଲ ପୁରସ୍କାର କମିଟିର (Nobel Prize Committee) ଟିମ୍ ନରୱେରୁ ଭାରତରେ ପହଞ୍ଚିଛି । ଏହା ହେଉଛି ସେହି କମିଟି ଯିଏ ଶାନ୍ତି ପୁରସ୍କାର ବିଜେତାର ନାମ ସ୍ଥିର କରେ ଓ ସବୁଠାରୁ ବଡ କଥା ହେଉଛି ଏହି କମିଟିର ଡେପୁଟି ନେତା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପ୍ରଶଂସା କରିଛନ୍ତି । ସେ କହିଛନ୍ତି ଯେ ପିଏମ ମୋଦିଙ୍କ ପରି ଜଣେ ଶକ୍ତିଶାଳୀ ନେତାଙ୍କ ପାଖରେ ଶାନ୍ତି ପ୍ରତିଷ୍ଠା ପାଇଁ ଅପାର ସମ୍ଭାବନା ରହିଛି । ଏଭଳି ପରିସ୍ଥିତିରେ ଖୁବ୍ ଶୀଘ୍ର ଭାରତୀୟମାନେ ନୋବେଲ ପୁରସ୍କାର ସହ ଜଡିତ କିଛି ବଡ ଖବର ଶୁଣିବାକୁ ପାଇପାରନ୍ତି ବୋଲି ଅନୁମାନ କରାଯାଉଛି ।

India’s intervention to remind Russia of the consequences of using Nuclear weapons was very helpful. India didn’t speak in a loud voice, didn’t threaten anybody, they just made their position known in a friendly manner. We need more of that in International politics: Asle Toje,… https://t.co/mXndgFKdhY pic.twitter.com/fa6asPVmud

— ANI (@ANI) March 16, 2023

ନୋବେଲ ପୁରସ୍କାର ପାଇଁ ରେସର ଅଛନ୍ତି ପିଏମ ମୋଦି
ନୋବେଲ କମିଟିର ନେତା ମଧ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭାରତକୁ ଏକ ବିକଶିତ ଦେଶ କରିବାରେ ଅବଦାନ ପାଇଁ ପ୍ରଶଂସା କରିଛନ୍ତି । ଭାରତକୁ ଶାନ୍ତିର ଉତ୍ତରାଧିକାରୀ ଭାବରେ ବର୍ଣ୍ଣନା କରି ଆସଲ ଟୋଜେ କହିଛନ୍ତି ଯେ ଭାରତ ଏକ ମହାଶକ୍ତି ହେବାକୁ ବାଧ୍ୟ । ଏଥିସହ ସେ କହିଛନ୍ତି ଯେ ଯୁଦ୍ଧ ବନ୍ଦ କରିବା ପାଇଁ ପ୍ରଧାନମନ୍ତ୍ରୀ ମୋଦି ହେଉଛନ୍ତି ସବୁଠାରୁ ବିଶ୍ୱସ୍ତ ନେତା ଓ ସେ ନିଶ୍ଚିତ ଭାବରେ ବିଶ୍ୱରେ ଶାନ୍ତି ପ୍ରତିଷ୍ଠା କରିପାରିବେ ।

ଟୋଜେ କହିଛନ୍ତି ଯେ ମୁଁ ଖୁସି ଯେ ମୋଦି କେବଳ ଭାରତକୁ ଆଗକୁ ନେବା ପାଇଁ ନୁହେଁ ବରଂ ବିଶ୍ୱରେ ଶାନ୍ତି ପାଇଁ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ମଧ୍ୟ କାର୍ଯ୍ୟ କରୁଛନ୍ତି । ବିଶ୍ୱ ଭାରତରୁ ଶିଖିବା ଆବଶ୍ୟକ । ଏହା ନିଶ୍ଚିତ ଯେ ଭାରତ ଏକ ମହାଶକ୍ତି ହେବ ।

ଟୋଜେ କହିଛନ୍ତି ଯେ ପରମାଣୁ ଅସ୍ତ୍ର ବ୍ୟବହାର କରିବାର ପରିଣାମ ବିଷୟରେ ଋଷକୁ ମନେ ପକାଇବାରେ ଭାରତର ହସ୍ତକ୍ଷେପ ଅତ୍ୟନ୍ତ ସହାୟକ ହୋଇଛି । ସେ ଆହୁରି କହିଛନ୍ତି ଯେ ଭାରତ ଉଚ୍ଚ ସ୍ୱରରେ କହିନାହିଁ, କାହାକୁ ଧମକ ଦେଇ ନାହିଁ । ସେ କେବଳ ଏକ ବନ୍ଧୁତ୍ୱପୂର୍ଣ୍ଣ ଢଙ୍ଗରେ ନିଜର ସ୍ଥିତି ଜଣାଇଛି । ଆନ୍ତର୍ଜାତୀୟ ରାଜନୀତିରେ ଆମକୁ ଏହା ଅଧିକ ଦରକାର ।