 "Vaishno Devi: ସହଜ ହେବ ମା' ବୈଷ୍ଣୋ ଦେବୀଙ୍କ ଦର୍ଶନ, ଜାଣନ୍ତୁ କାରଣ")
)
Vaishno Devi Helicopter Service: ମାତା ବୈଷ୍ଣୋ ଦେବୀଙ୍କ ଭକ୍ତମାନଙ୍କ ପାଇଁ ଏକ ଖୁସି ଖବର ଆସିଛି । ତୀର୍ଥଯାତ୍ରୀମାନଙ୍କୁ ଜାମ୍ମୁରୁ ମାତା ବୈଷ୍ଣୋଦେବୀଙ୍କ ମନ୍ଦିର ନିକଟକୁ ହେଲିକପ୍ଟର ସେବାର ସୁବିଧା ମିଳିବ । ମାଆଙ୍କ ଦର୍ଶନ ପାଇବାକୁ ଚାହୁଁଥିବା ତୀର୍ଥଯାତ୍ରୀଙ୍କୁ ତୁରନ୍ତ ସୁବିଧା ଯୋଗାଇବା ପାଇଁ ମନ୍ଦିର ବୋର୍ଡ ପକ୍ଷରୁ ୧୮ ଜୁନ ୨୦୨୪ରୁ ଜାମ୍ମୁର ସଞ୍ଜୀ ଛକରୁ ହେଲିକପ୍ଟର ସେବା ଆରମ୍ଭ ହେବ । ଏଥିପାଇଁ ମାତା ବୈଷ୍ଣୋ ଦେବୀ ପୂଜା ବୋର୍ଡ ଦ୍ୱାରା ଦୁଇଟି ପ୍ୟାକେଜ୍ ପ୍ରଦାନ କରାଯିବ ।
ମାତା ବୈଷ୍ଣୋ ଦେବୀ ପୂଜା କମିଟିର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଅନସୁଲ ଗର୍ଗ କହିଛନ୍ତି ଯେ, ଗୋଟିଏ ଦିନରେ ମାତାଙ୍କ ମନ୍ଦିର ପରିଦର୍ଶନ କରିବାକୁ ଚାହୁଁଥିବା ତୀର୍ଥଯାତ୍ରୀଙ୍କ ପାଇଁ SMVDSB ଜାମ୍ମୁରୁ ସଞ୍ଜୀ ଛକ ହେଲିକପ୍ଟର ସେବା ଆରମ୍ଭ କରାଯାଉଛି ।
ନ୍ୟୁଜ୍ ଏଜେନ୍ସି ANI ସୁତ୍ରରୁ ପ୍ରକାଶ ଯେ, ମାତା ବୈଷ୍ଣୋ ଦେବୀଙ୍କ ଦର୍ଶନ ପାଇଁ ପୂଜା କମିଟି ପକ୍ଷରୁ ଦୁଇ ପ୍ରକାର ପ୍ୟାକେଜ୍ ପ୍ରଦାନ କରାଯିବ ।- ପ୍ରଥମଟି ସମାନ ଦିନ ରିଟର୍ନ ଏବଂ ଦ୍ୱିତୀୟଟି ହେଉଛି ପରବର୍ତ୍ତୀ ଦିନ ରିଟର୍ନ ପ୍ୟାକେଜ୍ । 'ସମାନ ଦିନ ରିଟର୍ନ' (SDR) ପ୍ୟାକେଜରେ ଭକ୍ତମାନଙ୍କୁ ପ୍ରତ୍ୟେକ ବ୍ୟକ୍ତିଙ୍କ ପାଇଁ ୩୫ ହଜାର ଟଙ୍କା ଖର୍ଚ୍ଚ କରିବାକୁ ପଡିବ । ଦ୍ୱିତୀୟ ପ୍ୟାକେଜ ତଥା 'ପରବର୍ତ୍ତୀ ଦିନ ରିଟର୍ନ' (NDR) ପାଇଁ ଭକ୍ତଙ୍କୁ ୫୦ ହଜାର ଟଙ୍କା ଖର୍ଚ୍ଚ କରିବାକୁ ପଡିବ ।
ସୂଚନା ପ୍ରଦାନ କରି ଜଣେ ଅଧିକାରୀ କହିଛନ୍ତି ଯେ. SDR ଅର୍ଥାତ୍ ସମାନ ଦିନ ରିଟର୍ନ ପ୍ୟାକେଜରେ ତୀର୍ଥଯାତ୍ରୀମାନେ ପ୍ରାର୍ଥନା କରିବା ପାଇଁ ପାଞ୍ଚି ହେଲିପ୍ୟାଡରେ ପହଞ୍ଚିବା ପରେ ବ୍ୟାଟେରୀ ଗାଡି ସେବା ମିଳିବ । ବୈଷ୍ଣୋଦେବୀ ମନ୍ଦିରରେ ପ୍ରାଥମିକତା ଭାବେ ଟିକେଟ୍ ସୁବିଧା ଯୋଗାଇ ଦିଆଯିବ । ପଞ୍ଚି ହେଲିପ୍ୟାଡରେ ପହଞ୍ଚିବା ପାଇଁ କାର ସେବା ଉପଲବ୍ଧ ରହିଛି ।
