Flight Petrol: ବାଇକ୍-କାରର ପେଟ୍ରୋଲ ବିଷୟରେ ଆପଣ ନିଶ୍ଚୟ ଜାଣିଥିବେ, କିନ୍ତୁ ଆଜି ଆମେ ବିମାନର ପେଟ୍ରୋଲ ବିଷୟରେ କହୁଛୁ, ଆସନ୍ତୁ ଜାଣିବା ଏହି ପ୍ରେଟ୍ରୋଲ ଲିଟର ପିଛା କେତେ ଦାମ୍ ଓ ବିମାନର ମାଇଲେଜ୍ କ’ଣ?
Trending Photos
7
12
5
5 "ସାଙ୍କେତିକ ଛବି")
Flight Fuel and Mileage: ଆପଣଙ୍କର ଯଦି ଏକ କାର୍ କିମ୍ବା ବାଇକ୍ ଅଛି, ତେବେ ଆପଣ ନିଶ୍ଚିତ ଭାବରେ ସେ ସବୁର ମାଇଲେଜ୍ ପ୍ରତି ବିଶେଷ ଯତ୍ନବାନ ଥିବେ । ଏହା ସହିତ ପେଟ୍ରୋଲ ଓ ଡିଜେଲ ମୂଲ୍ୟରେ ହୋଇଥିବା ପରିବର୍ତ୍ତନ ଉପରେ ମଧ୍ୟ ସାଧାରଣତଃ ଲୋକମାନେ ନଜର ରଖିଥାନ୍ତି । କିନ୍ତୁ, ଆପଣ କେବେ ବିମାନ ବିଷୟରେ କେବେ ଚିନ୍ତା କରିଛନ୍ତି କି, ବିମାନର ମାଇଲେଜ୍ କ’ଣ ଓ ଏଥିରେ ପକାଯାଉଥିବା ଇନ୍ଧନର ମୂଲ୍ୟ କେତେ? ଯଦି ନାଁ, ତେବେ ଆପଣଏହି ଆର୍ଟିକିଲ ମାଧ୍ୟମରେ ଫ୍ଲାଇଟ୍ ଇନ୍ଧନ ସମ୍ବନ୍ଧୀୟ ପ୍ରତ୍ୟେକ ସୂଚନା ପାଇପାରିବେ । ବିମାନର ଇନ୍ଧନ ବିଷୟରେ କହିବା ପୂର୍ବରୁ, ଏହା ଜାଣିବା ଜରୁରୀ ଯେ ବିମାନରେ କେଉଁ ଇନ୍ଧନ ରଖାଯାଏ ଓ ବର୍ତ୍ତମାନ ଏକ ଲିଟର ତେଲର ମୂଲ୍ୟ କେତେ?
ବିମାନରେ କେଉଁ ତେଲ ପକାଯାଏ?
ବିମାନ କିମ୍ବା ହେଲିକପ୍ଟର ପରି ଯେକୌସି ଜେଟ୍ ପାଇଁ ସ୍ୱତନ୍ତ୍ର ଜେଟ୍ ଇନ୍ଧନ ଅଛି । ଆଜ୍ଞା ହଁ, ଏହି ଜେଟ୍ ଇନ୍ଧନକୁ ଆଭିଏସନ କେରୋସିନ କୁହାଯାଏ ଓ ଏହାକୁ QAV ମଧ୍ୟ କୁହାଯାଏ । ଜେଟ୍ ଇନ୍ଧନର କୌଣସି ପୃଥକତା ନାହିଁ ଓ ଏହା ମଧ୍ୟ ଜ୍ୱଳନ୍ତ ଏବଂ ପେଟ୍ରୋଲିୟମରୁ ଉତ୍ପନ୍ନ ଏକ ଡିଷ୍ଟିଲେଟ୍ ଲିକ୍ୟୁଇଡ୍ । ଏହା କିରୋସିନ ଉପରେ ଆଧାରିତ ଏକ ଇନ୍ଧନ । ବାଣିଜ୍ୟିକ ବିମାନ ପରିବହନରେ ଏହା ବହୁଳ ଭାବରେ ବ୍ୟବହୃତ ହୁଏ ।
କେତେ ଟଙ୍କାରେ ମିଳିଥାଏ ଏହି ବିମାନ କିରୋସିନ?
ଯଦି ଆମେ ବିମାନ କିରୋସିନ ଦର ବିଷୟରେ ଆଲୋଚନା କରିବା, ତେବେ ଇଣ୍ଡିଆନ ଅଏଲର ୱେବସାଇଟ୍ ଅନୁଯାୟୀ ଘରୋଇ ବିମାନ ସେବା ଓ ଆନ୍ତର୍ଜାତୀୟ ଚଳାଚଳ ପାଇଁ ଏଟିଏଫର ମୂଲ୍ୟ ଅଲଗା ଅଟେ । ଦିଲ୍ଲୀରେ ଏଟିଏଫ୍ ମୂଲ୍ୟ କିଲୋମିଟର ପିଛା ୧,୦୭,୭୫୦ ଟଙ୍କା । ଏହାର ଅର୍ଥ ହେଉଛି ଗୋଟିଏ ଲିଟରର ମୂଲ୍ୟ ପ୍ରାୟ ୧୦୦ ଟଙ୍କା । ଗୋଟିଏ କିଲୋଲିଟରରେ ୧୦୦୦ ଲିଟର ତେଲ ଆସିଥାଏ । ଏହିପରି ମୁମ୍ବାଇରେ ଏହାର ଦର ୧,୦୬,୬୯୫ ଟଙ୍କା, କୋଲକାତାରେ ଏହା ୧୧୫୦୯୧ ଟଙ୍କା । ୧ ମାର୍ଚ୍ଚ, ୨୦୨୩ ଅନୁଯାୟୀ ଏହି ଦର ରହିଛି । ଏଭଳି ପରିସ୍ଥିତିରେ ସାଧାରଣ ପେଟ୍ରୋଲ ଓ ବିମାନ କିରୋସିନ ଦର ମଧ୍ୟରେ ଅଧିକ ପାର୍ଥକ୍ୟ ନାହିଁ ବୋଲି କୁହାଯାଇପାରେ ।
ଫ୍ଲାଇଟ୍ ମାଇଲେଜ୍ କେତେ?
ଏବେ ଆସନ୍ତୁ ଜାଣିବା ଏକ ଲିଟର ପେଟ୍ରୋଲରେ ବିମାନ କେତେବାଟ ଉଡିପାରିବ । ଏହା ସହିତ ପ୍ରଶ୍ନ ହେଉଛି ଉଡ଼ାଣର ମାଇଲେଜ୍ ମଧ୍ୟ କିଲୋମିଟର ଅନୁଯାୟୀ ସ୍ଥିର ହୋଇଛି ନା ସମୟ ଅନୁଯାୟୀ ଗଣନା କରାଯାଇଥାଏ । ବାସ୍ତବରେ, ବିମାନର ମାଇଲେଜ୍ ବାଇକ୍ ପରି ଗଣନା କରାଯାଏ ନାହିଁ । ସୂଚନା ଅନୁଯାୟୀ, ବିମାନର ଗ୍ରାଉଣ୍ଡ ସ୍ପିଡ୍ ଘଣ୍ଟା ପ୍ରତି ୯୦୦ କିଲୋମିଟର ଅର୍ଥାତ୍ ସେକେଣ୍ଡରେ ୨୫୦ ମିଟର ଅଟେ । ଏଥି ସହିତ ଏକ ଘଣ୍ଟାରେ ୨୪୦୦ ଲିଟର ପେଟ୍ରୋଲ ଖର୍ଚ୍ଚ ହୁଏ ଓ ବିମାନ ୯୦୦ କିଲୋମିଟର ପର୍ଯ୍ୟନ୍ତ ଉଡିଥାଏ । ଏହି ପରିପ୍ରେକ୍ଷୀରେ, ପ୍ରତ୍ୟେକ କିଲୋମିଟର ପାଇଁ ୨.୬ ଲିଟର ପେଟ୍ରୋଲ ଓ ପ୍ରତ୍ୟେକ ୩୮୪ ମିଟର ପାଇଁ ଗୋଟିଏ ଲିଟର ପେଟ୍ରୋଲ ଖର୍ଚ୍ଚ ହୋଇଥାଏ ।
