Silvio Berlusconi: ବାନ୍ଧବୀଙ୍କ ୯୦୦ କୋଟିରୁ ଅଧିକ ଟଙ୍କା ଛାଡିଛନ୍ତି ପୂର୍ବତନ ଇଟାଲୀ ପ୍ରଧାନମନ୍ତ୍ରୀ

Italian Politician Silvio Berlusconi: ନିଜ ମୃତ୍ୟୁ ପରେ ବାନ୍ଧବୀଙ୍କ ଲାଗି ୧୦୦ ମିଲିୟନ୍ ୟୁରୋ ଛାଡ଼ି ଦେଇଛନ୍ତି ପୂର୍ବତନ ଇଟାଲୀ ପ୍ରଧାନମନ୍ତ୍ରୀ ସିଲଭିଓ ବର୍ଲୁସ୍କୋନି। ଇଟାଲୀ ରାଜନୀତିରେ ସିଲଭିଓ ବର୍ଲୁସ୍କୋନି ୩ ଥର ପ୍ରଧାନମନ୍ତ୍ରୀ ଭାବରେ କାର୍ଯ୍ୟ କରିଥିଲେ।

Former Italian Prime Minister: ପୂର୍ବତନ ଇଟାଲୀ ପ୍ରଧାନମନ୍ତ୍ରୀ ସିଲଭିଓ ବର୍ଲୁସ୍କୋନି ଙ୍କ ଗତ ମାସରେ ଦେହାନ୍ତ ହୋଇଯାଇଛି। ହେଲେ ମୃତକ ଇଟାଲୀୟ ରାଜନେତା ଜଣଙ୍କ ତାଙ୍କ ୩୩ ବର୍ଷୀୟ ଗର୍ଲଫ୍ରେଣ୍ଡ ମାର୍ତା ଫାସିନାଙ୍କ ପାଇଁ ତାଙ୍କ ଇଚ୍ଛାରେ ୧୦୦ ମିଲିୟନ୍ ୟୁରୋ ଛାଡ଼ି ଦେଇଛନ୍ତି। ଭାରତୀୟ ମୁଦ୍ରାରେ ଯାହାର ମୂଲ୍ୟ ହେଉଛି ୯୦୫ କୋଟି ୮୬ ଲକ୍ଷ ୫୪ ହଜାର ୮୬୮ ଟଙ୍କା। ଇଟାଲୀ ପ୍ରଧାନମନ୍ତ୍ରୀ ଭାବରେ କାର୍ଯ୍ୟ କରିଥିବା ସିଲଭିଓ ବର୍ଲୁସ୍କୋନି ଙ୍କ ମୋଟ ସମ୍ପତ୍ତିର ପରିମାଣ 6 ବିଲିୟନ ୟୁରୋ ଠାରୁ ଅଧିକ ବୋଲି ଆକଳନ କରାଯାଏ।

ଗତ ୨୦୨୦ ମାର୍ଚ୍ଚରେ ଫୋର୍ଜା ଇଟାଲୀ ଡେପୁଟି (Forza Italia Deputy) ମାର୍ତା ଫାସିନା ଏବଂ ସିଲଭିଓ ବର୍ଲୁସ୍କୋନି ଙ୍କ (Silvio Berlusconi Marta Fascina Relationship) ମଧ୍ୟରେ ସମ୍ପର୍କ ଆରମ୍ଭ ହୋଇଥିଲା। ଯଦିଓ ଉଭୟେ ଆଇନଗତ ଭାବରେ ବିବାହ କରିନଥିଲେ। ଯଦିଓ ବର୍ଲୁସ୍କୋନି, ଫାସିନାଙ୍କୁ ଆଇନଗତ ଭାବରେ ବିବାହ କରିନଥିଲେ। ହେଲେ ମୃତ୍ୟୁ ଶଯ୍ୟାରେ ଫାସିନା ଙ୍କୁ ତାଙ୍କ ପତ୍ନୀ ବୋଲି କହିଥିଲେ ବର୍ଲୁସ୍କୋନି।

ରାଜନୀତିରେ ସକ୍ରିୟ ଅଛନ୍ତି ମାର୍ତା ଫାସିନା
୩୩ ବର୍ଷୀୟ ମାର୍ତା ଫାସିନା (Marta Fascina) ୨୦୧୮ ସାଧାରଣ ନିର୍ବାଚନ ପରଠାରୁ ଇଟାଲୀ ସଂସଦର ନିମ୍ନ ଗୃହର (Italian Parliament Lower House) ସଦସ୍ୟ ରହିଆସିଛନ୍ତି। ଯିଏ ଫୋର୍ଜା ଇଟାଲିଆ ଦଳର (Forza Italia Party) ସଦସ୍ୟ ଅଛନ୍ତି। ଗତ ୧୯୯୪ ମସିହାରେ  ସିଲଭିଓ ବର୍ଲୁସ୍କୋନି (Silvio Berlusconi) ଙ୍କ ଦ୍ୱାରା ଏହି ରାଜନୈତିକ ଦଳ (Political Party in Italy) ପ୍ରତିଷ୍ଠିତ ହୋଇଥିଲା। ଯେତେବଳେ ସେ ପ୍ରଥମେ ରାଜନୀତିରେ ପ୍ରବେଶ କରିଥିଲେ।

ସିଲଭିଓ ବର୍ଲୁସ୍କୋନି ଙ୍କ  ବ୍ୟବସାୟିକ ସାମ୍ରାଜ୍ୟ ନିୟନ୍ତ୍ରଣ କରିବେ ତାଙ୍କର ଦୁଇ ବଡ ପିଲା
ଏହି ସମୟରେ ସିଲଭିଓ ବର୍ଲୁସ୍କୋନି ଙ୍କ ବ୍ୟବସାୟିକ ସାମ୍ରାଜ୍ୟକୁ ତାଙ୍କର ଦୁଇ ବଡ ସନ୍ତାନ ମାରିନା ଏବଂ ପିଆର ସିଲଭିଓ ନିୟନ୍ତ୍ରଣ କରିବେ। ଦୁହେଁ ବ୍ୟବସାୟରେ କାର୍ଯ୍ୟନିର୍ବାହୀ ଭୂମିକା ଗ୍ରହଣ କରିସାରିଛନ୍ତି। ବର୍ତ୍ତମାନ ସେ ଫିନି ଇନଭେଷ୍ଟ ପରିବାରର ସମ୍ପତ୍ତିରେ ୫୩ ପ୍ରତିଶତ ଅଂଶଧନ ପାଇବେ। ପୂର୍ବତନ ପ୍ରଧାନମନ୍ତ୍ରୀ ତାଙ୍କ ଭାଇ ପାଓଲୋଙ୍କ ପାଇଁ ୧୦୦ ମିଲିୟନ୍ ୟୁରୋ ଏବଂ ତାଙ୍କ ଫୋର୍ଜା ଇଟାଲୀ ଦଳର ପୂର୍ବତନ ସିନେଟର ମାର୍ସେଲୋ ଡେଲଉଟ୍ରି ଙ୍କ ପାଇଁ ୩୦ ମିଲିୟନ୍ ୟୁରୋ ଛାଡି ଦେଇଛନ୍ତି।

ଜୁନ୍ ୧୨ ତାରିଖରେ ଶେଷ ନିଶ୍ୱାସ ତ୍ୟାଗ କରିଥିଲେ ସିଲଭିଓ ବର୍ଲୁସ୍କୋନି 
ଦଶନ୍ଧି ଧରି କୋଟିପତି ମିଡିଆ ମୋଗଲ, ବ୍ୟବସାୟୀ ତଥା ପ୍ରଧାନମନ୍ତ୍ରୀ ଭାବରେ ଇଟାଲୀ ଜନଜୀବନରେ ପ୍ରାଧାନ୍ୟ ବିସ୍ତାର କରିଥିବା ସିଲଭିଓ ବର୍ଲୁସ୍କୋନି ଙ୍କ ଜୁନ୍ ୧୨ ତାରିଖରେ ୮୬ ବର୍ଷ ବୟସରେ ଦେହାନ୍ତ ହୋଇଥିଲା। ତାଙ୍କୁ ମିଲାନ ସହର ସ୍ଥିତ ଏକ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତାଙ୍କ ସହକର୍ମୀଙ୍କ କହିବା ଅନୁସାରେ, ଲ୍ୟୁକେମିଆ ସମ୍ବନ୍ଧୀୟ କାରଣ ପାଇଁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା।

ମଙ୍ଗଳବାର ଦିନ ତାଙ୍କ ଇଚ୍ଛା ତାଙ୍କ ପାଞ୍ଚ ପିଲା ଏବଂ ଅନ୍ୟ ସାକ୍ଷୀଙ୍କ ଉପସ୍ଥିତିରେ ପଢାଯାଇଥିଲା। ସେ ନିଜ ଇଚ୍ଛାରେ ଲେଖିଛନ୍ତି ଯେ "ମୁଁ ଉପଲବ୍ଧ ଷ୍ଟକ୍ ମୋ ପିଲା ମାରିନା ଏବଂ ପିଆର୍ ସିଲଭିଓ ଙ୍କୁ ସମାନ ଭାଗରେ ଛାଡିଦେଉଛି। ମୁଁ ମୋର ପାଞ୍ଚ ପିଲା ମାରିନା, ପିଆର ସିଲଭିଓ, ବାରବରା, ଏଲୋନୋରା ଏବଂ ଲୁଇଗି ପାଇଁ ସମାନ ଅଂଶଧନ ଛାଡିଦେଉଛି। ସେ ତାଙ୍କ ଇଚ୍ଛାରେ ଦସ୍ତଖତ କରି କହିଥିଲେ ଯେ, ଧନ୍ୟବାଦ,ସମସ୍ତଙ୍କୁ ବହୁତ ପ୍ରେମ।'

ଟ୍ୟାକ୍ସ ଠକେଇ ମାମଲାରେ ଦୋଷୀ ସାବ୍ୟସ୍ତ ହେବା ପରେ ୬ ବର୍ଷ ପର୍ଯ୍ୟନ୍ତ ରାଜନୀତିରେ ବାରଣ କରାଯିବା ପୂର୍ବରୁ ସିଲଭିଓ ବର୍ଲୁସ୍କୋନି ୩ ଥର ଇଟାଲୀ ପ୍ରଧାନମନ୍ତ୍ରୀ ଭାବରେ କାର୍ଯ୍ୟ କରିଥିଲେ। ଇଟାଲୀୟ ପ୍ରଧାନମନ୍ତ୍ରୀ ଭାବରେ ତାଙ୍କର କାର୍ଯ୍ୟକାଳ ଦୀର୍ଘତମ ରହିଥିଲା। ଥରେ ନିଜକୁ ସେ ଯୀଶୁଙ୍କ ସହ ତୁଳନା କରିଥିଲେ। ହେଲେ ତାଙ୍କର କାର୍ଯ୍ୟକାଳରେ ଦୁର୍ନୀତି ବହୁ ମାତ୍ରାରେ ବଢିଯାଇଥିଲା।