Hindenburg: ଆଦାନୀ ମାମଲାରେ ହିଣ୍ଡନବର୍ଗ କଲା ନୂଆ ଖୁଲାସା, SEBI ଚେୟାରମ୍ୟାନକୁ ସିଧାସଳଖ କଲା ଟାର୍ଗେଟ

Hindenburg On SEBI: ଆଦାନୀ ଗ୍ରୁପ୍ ପରେ ବର୍ତ୍ତମାନ ହିଣ୍ଡନବର୍ଗ ସିଧାସଳଖ SEBI ଉପରେ ଟାର୍ଗେଟ୍ କରିଛି। ହିଣ୍ଡନବର୍ଗ ରିସର୍ଚ୍ଚ କହିଛି ଯେ ଆଦାନୀ ସ୍କାମରେ ବ୍ୟବହୃତ ଅଫଶୋର ସଂସ୍ଥାଗୁଡ଼ିକରେ ସେବି ଅଧ୍ୟକ୍ଷଙ୍କ ସେୟାର ରହିଛି।

Hindenburg Research: ଗତଥର ଆଦାନୀ ଗ୍ରୁପକୁ ଟାର୍ଗେଟ କରିଥିବା ହିଣ୍ଡନବର୍ଗ ଏଥର ସିଧାସଳଖ ବଜାର ନିୟନ୍ତ୍ରକ SEBI ଉପରେ ଟାର୍ଗେଟ୍ କରିଛି। ହିଣ୍ଡନବର୍ଗ ରିପୋର୍ଟରେ ଦର୍ଶାଯାଇଛି ଯେ SEBI ଅଧ୍ୟକ୍ଷ ମାଧବୀ ପୁରୀ ବୁଚ୍  (Madhabi Puri Buch)ମଧ୍ୟ ଆଦାନୀ ଗ୍ରୁପ୍ ସହିତ ଜଡିତ। ୧୮ ମାସ ମଧ୍ୟରେ ମଧ୍ୟ ସେମାନେ ଆଦାନୀ ଗ୍ରୁପ୍ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିନାହାଁନ୍ତି। ହିଣ୍ଡନବର୍ଗ ରିସର୍ଚ୍ଚ ସୋସିଆଲ ମିଡିଆ X ରେ ସକାଳେ ଏହି ଖୁଲାସା କରିବାକୁ ଘୋଷଣା କରିଥିଲା। ଗୁପ୍ତ ଡକ୍ୟୁମେଣ୍ଟଗୁଡିକର ଉଦ୍ଧୃତ କରି ହିଣ୍ଡନବର୍ଗ ରିସର୍ଚ୍ଚ କହିଛି ଯେ ଆଦାନୀ ସ୍କାମରେ ବ୍ୟବହୃତ ଅଫଶୋର ସଂସ୍ଥାଗୁଡ଼ିକରେ ସେବି ଅଧ୍ୟକ୍ଷଙ୍କ ସେୟାର ରହିଛି। ଜି ଓଡି଼ଶା ନ୍ୟୁଜ୍ ଡକ୍ୟୁମେଣ୍ଟଗୁଡିକୁ ନିଶ୍ଚିତ କରେ ନାହିଁ ଯାହା ଆଧାରରେ ହିଣ୍ଡନବର୍ଗ ସେବି ଅଧ୍ୟକ୍ଷଙ୍କ ବିରୋଧରେ ଏହି ଅଭିଯୋଗ ଆଣିଛନ୍ତି।

ମାଧବୀ ପୁରୀ ବୁଚ ନିଜ ଅଂଶଧନକୁ ତାଙ୍କ ସ୍ୱାମୀଙ୍କୁ ହସ୍ତାନ୍ତର କରିଛନ୍ତି
ହିଣ୍ଡନବର୍ଗ ରିସର୍ଚ୍ଚ ଏହାର ଅଭିଯୋଗରେ କହିଛି ଯେ ଏପ୍ରିଲ୍ ୨୦୧୭ ରୁ ମାର୍ଚ୍ଚ ୨୦୨୨ ପର୍ଯ୍ୟନ୍ତ ମାଧବୀ ପୁରୀ ବୁଚ୍ ସେବିର ଜଣେ ପୂର୍ଣ୍ଣକାଳୀନ ସଦସ୍ୟ ତଥା ଚେୟାରମ୍ୟାନ୍ ଥିଲେ। ସିଙ୍ଗାପୁରର ଆଗୋରା ପାର୍ଟନର୍ସ ନାମକ ଏକ କଂସଲେଟିଙ୍ଗ ସଂସ୍ଥାରେ ତାଙ୍କର ୧୦୦ ପ୍ରତିଶତ ଅଂଶଧନ ଥିଲା। ୧୬ ମାର୍ଚ୍ଚ ୨୦୨୨ ରେ ସେବି ଚେୟାରମ୍ୟାନ୍ ଭାବରେ ନିଯୁକ୍ତ ହେବାର ଦୁଇ ସପ୍ତାହ ପୂର୍ବରୁ ସେ କମ୍ପାନୀରେ ଥିବା ଅଂଶଧନକୁ ତାଙ୍କ ସ୍ୱାମୀଙ୍କ ନାମରେ ସ୍ଥାନାନ୍ତର କରିଥିଲେ।

NEW FROM US:

Whistleblower Documents Reveal SEBI’s Chairperson Had Stake In Obscure Offshore Entities Used In Adani Money Siphoning Scandalhttps://t.co/3ULOLxxhkU

— Hindenburg Research (@HindenburgRes) August 10, 2024

ହିଣ୍ଡନବର୍ଗ ନିଜ ଖୁଲାସାରେ କହିଛନ୍ତି ଯେ ଗତ ବର୍ଷ ଆଦାନୀ ଗ୍ରୁପ୍ ବିରୋଧରେ ରିପୋର୍ଟ ହେବାର ୧୮ ମାସ ବିତିଯାଇଥିଲେ ମଧ୍ୟ SEBI କୌଣସି ଆକ୍ସନ ନେବାକୁ ଆଗ୍ରହ ଦେଖାଇ ନାହିଁ। ମରିସସରେ ଆଦାନୀ ଗ୍ରୁପର କଳା ଟଙ୍କା ନେଟୱାର୍କ ବିଷୟରେ ସମ୍ପୂର୍ଣ୍ଣ ସୂଚନା ପ୍ରଦାନ କରିବା ପରେ ମଧ୍ୟ କୌଣସି ପଦକ୍ଷେପ ନିଆଯାଉ ନାହିଁ।