indian economy: ଆସନ୍ତା ସାତ ବର୍ଷ ମଧ୍ୟରେ ୩ ନମ୍ୱରରେ ରହିବ ଭାରତର ଅର୍ଥନୀତି

indian economy: ଭାରତ ବର୍ତ୍ତମାନ ବିଶ୍ବର ପଞ୍ଚମ ବୃହତ୍ତମ ଅର୍ଥନୀତି ଦେଶ ଭାବେ ପରିଚିତ। ଏହା ୨୦୨୦ରେ ଇଂଲଣ୍ଡକୁ ଅତିକ୍ରମ କରିଥିଲା ​​। ସମଗ୍ର ବିଶ୍ୱରେ ବିମୁଦ୍ରାକରଣ ଏବଂ କରୋନା ମହାମାରୀ ସତ୍ତ୍ବେ ଭାରତର ଅର୍ଥନୀତି ବୃଦ୍ଧି ପାଇବାରେ ଲାଗିଛି।

indian economy: ଭାରତର ଅର୍ଥନୀତି ବର୍ତ୍ତମାନ ବିଶ୍ବର ପଞ୍ଚମ ସ୍ଥାନରେ ଅଛି, କିନ୍ତୁ ଶୀଘ୍ର ଏହା ତୃତୀୟ ସ୍ଥାନରେ ପହଞ୍ଚିପାରେ। ଦ୍ରୁତ ଡିଜିଟାଇଜେସନ ବଢ଼ୁଥିବା ମଧ୍ୟବିତ୍ତ ଶ୍ରେଣୀ ମାଧ୍ୟମରେ ଭାରତର ଅଭିବୃଦ୍ଧି ହେବ ବୋଲି ଆଶା କରାଯାଉଛି, ଯାହା ୨୦୩୦ ସୁଦ୍ଧା ଏହାର ଅର୍ଥନୀତି ତୃତୀୟ ସ୍ଥାନ ଆସିପାରେ । ଏହାର ଅର୍ଥ ଏହା ଜର୍ମାନୀ ଓ ଜାପାନକୁ ଅତିକ୍ରମ କରି ତୃତୀୟ ସ୍ଥାନ ଅଧିକାର କରିବ ଏଵଂ ଆମେରିକା ଓ ଚୀନ୍ ପଛରେ ରହିବ । ଏକ ଆର୍ଥିକ ସୂଚନା ସେବା ସଂସ୍ଥାର ଅଧ୍ୟୟନ ଅନୁଯାୟୀ, ସମାନ ଅବଧିରେ ଭାରତୀୟ ଅର୍ଥନୀତି ଦ୍ୱିଗୁଣିତ ହେବ ଓ ଏହାର ଆକାର ୭.୩ ଟ୍ରିଲିୟନ ଡଲାରରେ ପହଞ୍ଚିବ। ୨୦୨୨ ରେ ଏହା ମାତ୍ର ୩.୫ ଟ୍ରିଲିୟନ ଡଲାର ଥିଲା।

ଦ୍ରୁତ ଗତିରେ ବଢ଼ୁଛି ମଧ୍ୟମ ବର୍ଗ

ଭାରତ ବର୍ତ୍ତମାନ ବିଶ୍ବର ପଞ୍ଚମ ବୃହତ୍ତମ ଅର୍ଥନୀତି। ଏହା ୨୦୨୦ ରେ ଇଂଲଣ୍ଡକୁ ଅତିକ୍ରମ କରିଥିଲା ​​। ସମଗ୍ର ବିଶ୍ୱରେ ବିମୁଦ୍ରାକରଣ ଏବଂ କରୋନା ମହାମାରୀ ସତ୍ତ୍ବେ ଭାରତର ଅର୍ଥନୀତି ବୃଦ୍ଧି ପାଇବାରେ ଲାଗିଛି ଏବଂ ଏହା ଏକ ସକରାତ୍ମକ ବିଷୟ। ଭାରତ ପାଇଁ ଏକ ପ୍ରମୁଖ ସକରାତ୍ମକ ହେଉଛି ଏହାର ବୃହତ ଏବଂ ଦ୍ରୁତ ଗତିରେ ବଢ଼ୁଥିବା ମଧ୍ୟବିତ୍ତ ଶ୍ରେଣୀ, ଯାହା ଗ୍ରାହକଙ୍କ ଖର୍ଚ୍ଚ ବଢ଼ାଇବାରେ ସାହାଯ୍ୟ କରୁଛି । ଭାରତର ଦ୍ରୁତ ଡିଜିଟାଲାଇଜେସନ୍ ମଧ୍ୟ ଭାରତୀୟ ଅର୍ଥନୀତିକୁ ତ୍ୱରାନ୍ୱିତ କରୁଛି । ଏହି ଡିଜିଟାଲ୍ ବିପ୍ଳବ ଇ-କମର୍ସର ଅଭିବୃଦ୍ଧିକୁ ତ୍ୱରାନ୍ୱିତ କରିଛି ଏବଂ ଖୁଚୁରା ଗ୍ରାହକ ବଜାରର ସମ୍ପୂର୍ଣ୍ଣ ଦୃଶ୍ୟ ଆସନ୍ତା ଦଶନ୍ଧି ମଧ୍ୟରେ ପରିବର୍ତ୍ତନ ହେବ ।  ଆଇଏମ୍ଏଫ୍ ଅର୍ଥାତ୍ ଆନ୍ତର୍ଜାତୀୟ ମୁଦ୍ରା ପାଣ୍ଠି ଅନୁଯାୟୀ, ଭାରତୀୟ ଅର୍ଥନୀତି ୨୦୨୬ ରେ ଜର୍ମାନୀ ଏବଂ ପରବର୍ତ୍ତୀ ବର୍ଷ ୨୦୨୭ରେ ଜାପାନକୁ ଅତିକ୍ରମ କରିବ , ଏହା ୨୦୨୮ ମସିହାରେ ୬  ଟ୍ରିଲିୟନ୍ ଡଲାରରେ ପହଞ୍ଚିବ, ଯାହା ବର୍ତ୍ତମାନ ଅର୍ଥର ଦୁଇଗୁଣରୁ ଅଧିକ ହେବ।

FY ୨୦୨୪ ର ପ୍ରଥମ ତ୍ରୟ ମାସରେ ଭାରତ ୭.୮% ଅଭିବୃଦ୍ଧି ପଞ୍ଜିକୃତ କରିଛି ।  ଆକଳନ କରାଯାଇଛି ଯେ ଚଳିତ ଆର୍ଥିକ ବର୍ଷରେ ଭାରତ ୬.୬% ଅଭିବୃଦ୍ଧି ପଞ୍ଜିକରଣ କରିବ, ଯାହା ଆଶା କରାଯାଉଥିବା ଠାରୁ କମ୍ ହୋଇପାରେ, କିନ୍ତୁ ବିଶ୍ବ ସ୍ତରୀୟ ପରିସ୍ଥିତିକୁ ବିଚାରକୁ ନେଲେ ଏହା ବହୁତ ଉଚ୍ଚ। ଦୁନିଆର ସମସ୍ତ ପ୍ରମୁଖ ଅର୍ଥନୀତି ଆଣ୍ଠୁଭାଙ୍ଗି ସାରିଲେଣି, ସେଠାରେ ଯଦି ଭାରତ ଏତିକି ହାସଲ କରେ ତେବେ ତାହା ଯଥେଷ୍ଟ । ଆଗାମୀ ତିନି ଆର୍ଥିକ ବର୍ଷରେ ଭାରତୀୟ ଅର୍ଥନୀତି ହାରାହାରି ୬.୩% ବୃଦ୍ଧି ପାଇବ ବୋଲି ଆଶା କରାଯାଉଛି । ୨୦୨୩ ଓ ୨୦୨୪ ର ଅବଶିଷ୍ଟ କିଛି ମାସ ପାଇଁ ମଧ୍ଯ କ୍ରମାଗତ ଦ୍ରୁତ ବିସ୍ତାରର ଲକ୍ଷଣ ଦେଖାଯାଉଛି, ଯେଉଁ କାରଣରୁ ଘରୋଇ ଚାହିଦା ବଢ଼ୁଛି।

ଶିଳ୍ପ ଉତ୍ପାଦନ ଏବଂ କ୍ରୟ ଶକ୍ତି ବୃଦ୍ଧି 

ଯଦି ଆମେ ଇଣ୍ଡେକ୍ସ ଅଫ୍ ଇଣ୍ଡଷ୍ଟ୍ରିଆଲ୍ ପ୍ରଡକ୍ସନ୍ ଅର୍ଥାତ୍ IIP ପରି ସୂଚକକୁ ଦେଖିବା, ତେବେ ବିକାଶର ଗତି ଜାରି ରହିଛି ବୋଲି ଆମେ ଧାରଣା ପାଇଥାଉ ।  ତଥ୍ୟ ଦର୍ଶାଉଛି ଯେ IIP ଅଗଷ୍ଟରେ ୧୦.୩% ବୃଦ୍ଧି ପାଇଛି, ଯାହା ୧୪ ମାସ ମଧ୍ୟରେ ସର୍ବାଧିକ । PMI ତଥ୍ୟ ଯଥା କ୍ରୟ ପରିଚାଳନା ସୂଚକାଙ୍କ ସେବା ଏବଂ ଉତ୍ପାଦନକାରୀ କମ୍ପାନୀଗୁଡିକ ମଧ୍ୟରେ ଦୃଢ଼ ଆଶାବାଦୀତା ଆଡକୁ ସୂଚିତ କରିଛି । ୨୦୨୩ ଆରମ୍ଭରୁ ଉତ୍ପାଦନରେ ପରିବେଶ ବହୁତ ଭଲ । ମୁଦ୍ରାସ୍ଫୀତି ଚାପ ହ୍ରାସ ପାଇଛି ଏବଂ ପୂର୍ବ ମାସରେ ୬.୮% ରୁ ସେପ୍ଟେମ୍ବରରେ ଭାରତର ମୁଦ୍ରାସ୍ଫୀତି ୫% କୁ ହ୍ରାସ ପାଇଛି। ଆମ ଦେଶର ଜନସଂଖ୍ୟା ପ୍ରୋଫାଇଲ୍ ଏହାକୁ ବିଶ୍ବର ତୃତୀୟ ବୃହତ୍ତମ ଅର୍ଥନୀତି ଏବଂ ୨୦୩୦ ସୁଦ୍ଧା ଏସିଆର ଦ୍ୱିତୀୟ ବୃହତ୍ତମ ଅର୍ଥନୀତିରେ ପରିଣତ କରିବାରେ ସାହାଯ୍ୟ କରିବ । ବିଗତ ଦଶନ୍ଧି ମଧ୍ୟରେ ଭାରତରେ ପ୍ରତ୍ୟକ୍ଷ ବିଦେଶୀ ପୁଞ୍ଜି ବିନିଯୋଗର ବୃଦ୍ଧି ଏକ ଅନୁକୂଳ ଅଭିବୃଦ୍ଧି ଯୋଜନାକୁ ପ୍ରତିଫଳିତ କରିଥାଏ, ଯାହା ଯୁବ ଜନସଂଖ୍ୟା ତଥ୍ୟ ଏବଂ ସହରାଞ୍ଚଳର ଘରୋଇ ଆୟ ଦ୍ରୁତ ଗତିରେ ବୃଦ୍ଧି ପାଇଥାଏ । ୨୦୨୩ ମସିହାରେ ଭାରତରେ ୭୧ ବିଲିୟନ ଡଲାରର ନିଟ୍ ଏଫଡିଆଇ ପ୍ରବାହ ଥିଲା। ୨୦୦୪ ଆର୍ଥିକ ବର୍ଷରେ ଏହା ମାତ୍ର ୪ ବିଲିୟନ ଡ଼ଲାର ଥିଲା ଓ ବର୍ତ୍ତମାନ ଏହାଠାରୁ ପ୍ରାୟ ୧୮ ଗୁଣ ଅଧିକ । ଭାରତର ଶକ୍ତିଶାଳୀ ଏଫଡିଆଇ ପ୍ରବାହ ଗୁଗୁଲ ଏବଂ ଫେସବୁକ ଭଳି ବିଶ୍ୱ ବୈଷୟିକ ବହୁରାଷ୍ଟ୍ରୀୟ କମ୍ପାନୀଗୁଡିକର ବୃହତ ପୁଞ୍ଜି ବିନିଯୋଗ ଦ୍ୱାରା ବୃଦ୍ଧି ପାଇଛି । ଯାହା ଭାରତର ଦ୍ରୁତ ଅଭିବୃଦ୍ଧିଶୀଳ ଘରୋଇ ଉପଭୋକ୍ତା ବଜାର ପ୍ରତି ଆକର୍ଷିତ ହୋଇଛି । ଇଣ୍ଟରନେଟ୍ ବ୍ୟବହାରକାରୀଙ୍କ ସଂଖ୍ୟା ୨୦୨୦ ରେ ୫୦୦ ନିୟୁତରୁ ୨୦୩୦ ରେ ୧.୧ ବିଲିୟନକୁ ବୃଦ୍ଧି ପାଇବ ବୋଲି ଆଶା କରାଯାଉଛି। ଏହା ୟୁନିକର୍ନ ସୃଷ୍ଟି କରିବାରେ ସାହାଯ୍ୟ କରିବ, ଯାହା ପରବର୍ତ୍ତୀ ସମୟରେ ବହୁରାଷ୍ଟ୍ରୀୟ କମ୍ପାନୀଗୁଡିକର ନିବେଶକୁ ଆକର୍ଷିତ କରିବ ।