Indian Railway: ୨୦୨୩-୨୪ ଆର୍ଥିକ ବର୍ଷରେ କେତେ ରୋଜଗାର-ଖର୍ଚ୍ଚ କରିଛି ରେଳବାଇ? ଜାଣନ୍ତୁ ବର୍ଷକର ହିସାବ

Indian Railways Earning 2023-24: ଦେଶରେ ଜୀବନ ରେଖା କହିଲେ ଭାରତୀୟ ରେଳବାଇକୁ ବୁଝାଏ। କାରଣ ଦେଶର କୋଣ ଅନୁକୋଣକୁ ପରସ୍ପର ସହ ଯୋଡ଼ିଥାଏ ରେଳବାଇ। ହେଲେ କ'ଣ ଆପଣ ରେଳବାଇର ଆୟ ବିଷୟରେ ଜାଣିଛନ୍ତି? ଆପଣ କେବେ ଚିନ୍ତା କରିଛନ୍ତି ରେଳବାଇ ଟ୍ରେନ୍ ସେବା ଦ୍ୱାରା କେତେ ଟଙ୍କା ରୋଜଗାର କରିଥାଏ? ବୋଧହୁଏ ଆପଣ ରେଳବାଇ ଆୟ ସମ୍ପର୍କରେ ଜାଣି ନଥିବେ। ହେଲେ ଆମେ ଆପଣଙ୍କୁ କହିରଖୁଛୁ ଯେ ରେଳବାଇ ଆୟ ପ୍ରତିଦିନ ବୃଦ୍ଧି ପାଉଛି। ବିଗତ କିଛି ବର୍ଷ ମଧ୍ୟରେ ରେଳବାଇ ବହୁତ ରୋଜଗାର କରିଛି।

ନିକଟ ଅତୀତରେ ଆୟ ସମ୍ବନ୍ଧରେ ରେଳବାଇ ଅନେକ ରେକର୍ଡ ସୃଷ୍ଟି କରିଛି। ଯଦି ଚଳିତ ୨୦୨୩-୨୪ ଆର୍ଥିକ ବର୍ଷ ବିଷୟରେ କୁହାଯାଏ, ତାହେଲେ ଏଥର ମଧ୍ୟ ଭାରତୀୟ ରେଳବାଇ ବହୁତ ଲାଭ କରିଛି। ଏଥର ରେଳବାଇ ମାଲ ପରିବହନ, ମୋଟ ରାଜସ୍ୱ, ରେଳ ଧାରଣା ନିର୍ମାଣ କ୍ଷେତ୍ରରେ ନୂତନ ରେକର୍ଡ ସୃଷ୍ଟି କରିବାକୁ ଯାଉଛି।

ଗତ ବର୍ଷ ତୁଳନାରେ ବଢିଛି ରାଜସ୍ୱ 
ଯଦି ଆମେ ସରକାରୀ ଆକଳନକୁ ଦେଖିବା, ତାହେଲେ ୨୦୨୩-୨୪ ଆର୍ଥିକ ବର୍ଷରେ ବର୍ତ୍ତମାନ ପର୍ଯ୍ୟନ୍ତ ରେଳବାଇର ମୋଟ ଆୟ ୨.୪୦ ଲକ୍ଷ କୋଟି ଟଙ୍କା ରହିଛି। ଏହା ସହିତ ଗତ ବର୍ଷ ମାର୍ଚ୍ଚ ୧୫ ତାରିଖ ପର୍ଯ୍ୟନ୍ତ ରେଳବାଇର ମୋଟ ରାଜସ୍ୱ ପ୍ରାୟ ୨.୨୩ ଲକ୍ଷ କୋଟି ଟଙ୍କା ରହିଥିଲା।

ମୋଟ ଖର୍ଚ୍ଚ ଏବଂ ରାଜସ୍ୱ ପରିମାଣ କେତେ ରହିଥିଲା?
ଯଦି ଆକଳନ ଉପରେ ନଜର ପକାଯାଏ ତାହେଲେ ରେଳବାଇର ମୋଟ ରାଜସ୍ୱରେ ୧୭,୦୦୦ କୋଟି ଟଙ୍କା ବୃଦ୍ଧି ହୋଇଛି। ଅନ୍ୟପକ୍ଷରେ ଯଦି ରେଳବାଇର ଖର୍ଚ୍ଚ ବିଷୟରେ ଆଲୋଚନା କରାଯାଏ, ତାହେଲେ ୨୦୨୩-୨୪ ଆର୍ଥିକ ବର୍ଷରେ ହୋଇଥିବା ମୋଟ ଖର୍ଚ୍ଚର ପରିମାଣ ହେଉଛି ୨.୨୬ ଲକ୍ଷ କୋଟି ଟଙ୍କା।

ମାଲ ପରିବହନରେ ହୋଇଛି ସାମାନ୍ୟ ହ୍ରାସ 
ରେଳବାଇ ସୂତ୍ରରୁ ମିଳିଥିବା ଖବର ଅନୁଯାୟୀ ୧୫୦୦ ମିଲିୟନ ଟନ୍ ମାଲ ପରିବହନ କରାଯାଇଛି। ଗତ ବର୍ଷ ଏହାର ପରିମାଣ ୧୫୧୨ ମିଲିୟନ ଟନ୍ ରହିଥିଲା। ମାଲ ପରିବହନରେ ସାମାନ୍ୟ ହ୍ରାସ ହୋଇଥିବା ରେଳବାଇ ପକ୍ଷରୁ କୁହାଯାଇଛି।

ଗୋଟିଏ ବର୍ଷରେ ବଢିଛନ୍ତି ୫୦ କୋଟିରୁ ଅଧିକ ଯାତ୍ରୀ 
ଯଦି ରେଳ ଯାତ୍ରା କରୁଥିବା ଯାତ୍ରୀଙ୍କ କଥା କୁହାଯାଏ ତାହେଲେ ୨୦୨୩-୨୪ ଆର୍ଥିକ ବର୍ଷରେ ରେଳଯାତ୍ରା କରୁଥିବା ଯାତ୍ରୀଙ୍କ ସଂଖ୍ୟା ୬୪୮ କୋଟି ରହିଛି। ଏହା ସହିତ ଗତ ବର୍ଷ ରେଳଯାତ୍ରା କରୁଥିବା ଯାତ୍ରୀଙ୍କ ସଂଖ୍ୟା ୫୯୬ କୋଟି ରହିଥିଲା। ଅର୍ଥାତ୍ ଏଥର ଯାତ୍ରୀଙ୍କ ସଂଖ୍ୟାରେ ପ୍ରାୟ ୫୨ କୋଟି ବୃଦ୍ଧି ପାଇଛି।

୫୧୦୦ କିଲୋମିଟର ଲମ୍ବା ନୂଆ ରେଳ ଧାରଣା ବିଛାଇଛି ରେଳବାଇ
ଏହା ବ୍ୟତୀତ ୨୦୨୩-୨୪ ଆର୍ଥିକ ବର୍ଷରେ ରେଳବାଇ ୫୧୦୦ କିଲୋମିଟର ଲମ୍ବା ନୂଆ ରେଳ ଧାରଣା ବିଛାଇଛି। ଏହି ଆର୍ଥିକ ବର୍ଷରେ ହାରାହାରି ଭାବରେ ଦୈନିକ ୧୪ କିଲୋମିଟର ଠାରୁ ଅଧିକ ଲମ୍ବର ରେଳ ଧାରଣା ବିଛା ଯାଉଥିଲା।