Bollywood News: ରାକ୍ଷୀ ସାୱନ୍ତଙ୍କ ଡ୍ରାଇଭର କାର ସହ ନଗଦ ଟଙ୍କା ଓ ଗହଣା ଧରି ଫେରାର୍
Trending Photos
6
5
3
12 "ରାକ୍ଷୀ ସାୱନ୍ତଙ୍କୁ ପୁଣି ଧୋକା, କାର ସହ ଅଳଙ୍କାର ଓ ଟଙ୍କା ନେଇ ଡ୍ରାଇଭର ଫେରାର")
Bollywood News: ବଲିଉଡର ଡ୍ରାମା କୁଇନ୍ ରାକ୍ଷୀ ସାୱନ୍ତ (Rakhi Sawant) ପୁଣି ଚର୍ଚ୍ଚାକୁ ଆସିଛନ୍ତି। ପ୍ରଥମେ ସ୍ୱାମୀ ଆଦିଲଙ୍କ ଦ୍ୱାରା ପ୍ରତାରିତ ହୋଇଥିଲେ, ମା’ଙ୍କ ମୃତ୍ୟୁ, ଆଉ ଏବେ ରାକ୍ଷୀ ସାୱନ୍ତଙ୍କ ସହ ଆଉ ଏକ ବଡ଼ ଘଟଣା ଘଟିଛି । ରାକ୍ଷୀ ସାୱନ୍ତଙ୍କ ଡ୍ରାଇଭର ତାଙ୍କ କାର ଓ ଟଙ୍କା ନେଇ ଫେରାର ହୋଇଯାଇଛି । ଏହା ନିଜେ ରାକ୍ଷୀ ପ୍ରକାଶ କରିଛନ୍ତି। ରାଖୀଙ୍କ ଏହି ଭିଡିଓ ସୋସିଆଲ ମିଡିଆରେ ଦିନକୁ ଦିନ ଭାଇରାଲ ହେବାରେ ଲାଗିଛି।
ରାଖୀ ଏକ ଅଟୋରେ ବୁଲୁଥିବା ଦେଖିବାକୁ ମିଳିଥିଲା
ସୋସିଆଲ ମିଡିଆରେ ରାକ୍ଷୀ ସାୱନ୍ତଙ୍କ ଏକ ଭିଡିଓ ଭାଇରାଲ ହେଉଛି। ଏହି ଭିଡିଓରେ ଅଭିନେତ୍ରୀ ଏକ ଅଟୋରେ ମୁମ୍ବାଇ ରାସ୍ତାରେ ବୁଲୁଥିବା ଦେଖିବାକୁ ମିଳିଥିଲା। ଏହି ସମୟରେ, ସେ ପାପାରାଜିଙ୍କୁ ଦେଖିବା ମାତ୍ରେ ସେ ନିଜ ଦୁଃଖ ବର୍ଣ୍ଣନା କରିବାକୁ ଲାଗିଲେ । ରାକ୍ଷୀ ସାୱନ୍ତଙ୍କୁ ଏହି ସମୟରେ ଏକ ଲାଇଟ୍ ଗ୍ରୀନ ଏକ ଜିମ୍ ଲୁକରେ ଦେଖିବାକୁ ମିଳିଥିଲା ।
ଡ୍ରାଇଭର ଟଙ୍କା ଓ କାର ନେଇ ପଳାଇ ଯାଇଥିଲେ
ପାପାରାଜିଙ୍କ ସହ କଥା ହେବା ବେଳେ ରାକ୍ଷୀ ସାୱନ୍ତ କହିଛନ୍ତି- 'ୟୁପିରୁ ମୋର ଡ୍ରାଇଭର ପପୁ ଯାଦବ ଗତକାଲି ସବୁ ଟଙ୍କା ଚୋରି କରି ନେଇଛି । ବିଏମଡବ୍ଲୁ କାର୍ ଚାବି, ଟଙ୍କା, ସୁନା ଫୋନ୍ ଓ ମର୍ସିଡିଜ୍ କାର୍ ନେଇ ଫେରାର ହୋଇ ଯାଇଛି । ମୁଁ ତା'ର ଆଧାର କାର୍ଡ ରଖି ନଥିଲି । ଗରିବ ବୋଲି ମୁଁ ତା ଉପରେ ବିଶ୍ଵାସ କଲି, ଆଉ ସେହି ଗରିବ ମୋତେ ଆଜି ଚୋଟ ମାରିଲା । ସାରା ଦୁନିଆ ମୋତେ କନ୍ଦେଇଛି, ମୋ ଆଖିରୁ ରକ୍ତର ଲୁହ ବୋହୁଛି। ଦେଖନ୍ତୁ, ହଜାରେ ମୂଲ୍ୟର ପୋଷାକ ପିନ୍ଧି ମୁଁ ଏକ ଅଟୋରେ ବୁଲୁଛି ।
ପୋଲିସରେ ଅଭିଯୋଗ
ଭିଡିଓରେ ରାକ୍ଷୀ ସାୱନ୍ତ କହିଛନ୍ତି ଯେ 'ମୁଁ ସେହି ପପୁ ଯାଦବଙ୍କ ବିରୋଧରେ ଅଭିଯୋଗ ଦାଖଲ କରିବାକୁ ଓଶିୱାରା ପୋଲିସ ଷ୍ଟେସନକୁ ଯାଉଛି। ମୁଁ ଚନ୍ଦ୍ରାୟନର ଖୁସି ପାଳନ କରୁଥିଲି ଓ ପପୁ ଯାଦବ ମୋ ଜୀବନରେ ଗ୍ରହଣ ଲଗାଇ ଚାଲିଗଲା।
ଭିଡିଓ ଭାଇରାଲ ହେଉଛି
ରାକ୍ଷୀ ସାୱନ୍ତଙ୍କ ଏହି ଭିଡିଓ ସୋସିଆଲ ମିଡିଆ (Social Media)ରେ ଦିନକୁ ଦିନ ଭାଇରାଲ ହେବାରେ ଲାଗିଛି। ଏଥି ସହିତ, ଏହି ଭିଡିଓ ଦେଖିବା ପରେ ଉପଭୋକ୍ତାମାନେ ତୀବ୍ର ମନ୍ତବ୍ୟ ଦେଉଛନ୍ତି। ରାଖୀ ସାୱନ୍ତ କ୍ରମାଗତ ଭାବରେ ହେଡଲାଇନରେ ଅଛନ୍ତି । ତାଙ୍କର ପ୍ରତ୍ୟେକ ଭିଡିଓ ମଧ୍ୟ ଲକ୍ଷ ଲକ୍ଷ୍ୟ ଭ୍ୟୁ ପାଇଥାଏ । ୟୁଜର୍ସ ବର୍ତ୍ତମାନ ରାଖୀଙ୍କ ଏହି ଭିଡିଓ ଉପରେ ମନ୍ତବ୍ୟ ଦେଉଛନ୍ତି। ଜଣେ ୟୁଜର୍ସ ଲେଖିଛନ୍ତି, ମ୍ୟାଡାମ୍ ସେ ଚନ୍ଦ୍ରକୁ ଯାଇଛନ୍ତି। ଅନ୍ୟ ଜଣେ ଲେଖିଛନ୍ତି, ନିଶ୍ଚିତ ଭାବରେ ରାଖୀ ତାଙ୍କୁ ଦରମା ଦେଇ ନଥିବେ । ଯେତେବେଳେ କି, ଅନ୍ୟମାନେ ଲେଖିଛନ୍ତି - ସେ ପ୍ରକୃତରେ ଜଣେ ହାସ୍ୟ ଅଭିନେତ୍ରୀ, ଯଦି ରାଖୀ ଅଛନ୍ତି ତେବେ ଆପଣଙ୍କୁ କମେଡି ଶୋ ଦେଖିବାର ଆବଶ୍ୟକତା ନାହିଁ ।
Video-
ରାଖୀଙ୍କ ବିଷୟରେ....
ରାଖୀ ସାୱନ୍ତ ଜଣେ ଭାରତୀୟ ନୃତ୍ୟଶିଳ୍ପୀ, ହିନ୍ଦୀ ଚଳଚ୍ଚିତ୍ର ଓ ଟେଲିଭିଜନ ଅଭିନେତ୍ରୀ, ମଡେଲ ଏବଂ ଟେଲିଭିଜନ ଶୋ ଆଙ୍କର । ରାଖୀ ସାୱନ୍ତ ଅନେକ ସମୟରେ ତାଙ୍କର ବିବାଦୀୟ କଥା କାରଣରୁ ଚର୍ଚ୍ଚାର ବିଷୟ ପାଲଟିଛନ୍ତି। ୨୦୧୪ ରେ, ରାଖୀ ନିଜର ଏକ ସ୍ଵତନ୍ତ୍ର ରାଜନୈତିକ ଦଳ ରାଷ୍ଟ୍ରିୟ ଆମ୍ ପାର୍ଟି ଗଠନ କରିଥିଲେ। ସେ ମଧ୍ୟ ଏହି ଦଳ ପାଇଁ ୨୦୨୪ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲେ। ତେବେ ନିର୍ବାଚନ ପରେ ସେ ରିପବ୍ଲିକାନ୍ ପାର୍ଟି ଅଫ୍ ଇଣ୍ଡିଆରେ ଯୋଗ ଦେଇଥିଲେ।
