Dehradun Video: ଭୟଙ୍କର ସଡକ ଦୁର୍ଘଟଣା ପଛରେ ଦାୟୀ ନିଶାଦ୍ରବ୍ୟ, ଭାଇରାଲ ହେଲା ଭିଡିଓ

Dehradun Video: ମଙ୍ଗଳବାର (ନଭେମ୍ବର ୧୨, ୨୦୨୪) ସକାଳେ ଏକ ଟ୍ରକ୍ ସହ କାର୍ ମୁହାଁମୁହିଁ ଧକ୍କା ହେବା ଫଳରେ ୬ ଜଣ ଛାତ୍ରଛାତ୍ରୀଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି। ରାତି ପ୍ରାୟ ସାଢ଼େ ଗୋଟାଏ ସମୟରେ ଓଏନଜିସି ଛକରେ ଏହି ଦୁର୍ଘଟଣା ଘଟିଥିଲା। କାରଟି ପଛପଟୁ ଟ୍ରକ୍ କୁ ଧକ୍କା ଦେଇଥିଲା ଏବଂ ଘଟଣାସ୍ଥଳରେ ୬ ଜଣଙ୍କର ମୃତ୍ୟୁ ଘଟିଥିଲା ବୋଲି ସର୍କଲ ଅଫିସର (ସିଟି) ନୀରଜ ସେମୱାଲ କହିଛନ୍ତି। ତେବେ ନଭେମ୍ବର ୧୧ ତାରିଖ ରାତିରେ ବଲୁପୁର ଛକ ଓ ଓଏନଜିସି ଛକ ମଧ୍ୟରେ ୧୮୦ ବେଗରେ କାହିଁକି ଚାଲିଥିଲା ଇନୋଭା କାର୍ ? କାର୍ ଟି କଣ୍ଟେନର ସହ ଧକ୍କା ଖାଇଥିଲା ଏବଂ ୬ ଜଣ ସାଙ୍ଗ ଜୀବନକୁ ବିଦାୟ ଦେଇଥିଲେ। ଫଳରେ ଦୁଇ ଜଣ ଛାତ୍ରୀଙ୍କ ମୁଣ୍ଡ କଟି ଛିନଛତ୍ର ହୋଇ ରାସ୍ତାରେ ପଡ଼ିଯିବା ସହ କାରର ଅବସ୍ଥା ଦେଖି ସମସ୍ତଙ୍କ ହୋସ ଉଡ଼ି ଯାଇଥିଲା। ତେବେ ଏହା ପୂର୍ବର ଏକ ୨ ସେକେଣ୍ଡ ର ଭିଡିଓ ଭାଇରାଲ ହେବାରେ ଲାଗିଛି।