ದಾಖಲೆಯ ಏರಿಕೆಯ ನಂತರ ಇಳಿಕೆಯಾದ ಚಿನ್ನದ ಬೆಲೆ !

Gold Price Today : ಕಳೆದ ಕೆಲವು ದಿನಗಳಿಂದ ಚಿನ್ನದ ಬೆಲೆ ದಾಖಲೆ ಮಟ್ಟವನ್ನು ತಲುಪಿತ್ತು. ಆದರೆ ಇದೀಗ ಚಿನ್ನ ಮತ್ತು ಬೆಳ್ಳಿ ಎರಡೂ ಬೆಲೆಯಲ್ಲಿ ಇಳಿಕೆ ಕಂಡಿದೆ. ಭಾರತ ಮತ್ತು ಜಾಗತಿಕ ಮಾರುಕಟ್ಟೆಗಳಲ್ಲಿ ಚಿನ್ನ ಮತ್ತು ಬೆಳ್ಳಿ ಬೆಲೆಯಲ್ಲಿ ಇಳಿಕೆ  ಕಂಡುಬಂದಿದೆ. ಬುಲಿಯನ್ ಮಾರುಕಟ್ಟೆಯಲ್ಲೂ ಚಿನ್ನದ ಬೆಲೆ ಕುಸಿದಿದೆ. ದೇಶೀಯ ಮಾರುಕಟ್ಟೆಯಲ್ಲಿ 6 ತಿಂಗಳಲ್ಲಿ ಚಿನ್ನ ಶೇ.20ರಷ್ಟು ಏರಿಕೆ ಕಂಡಿದೆ.   

ಮುಗಿಲೆತ್ತರಕ್ಕೆ ಏರಿದ್ದ ಚಿನ್ನದ ಬೆಲೆಯಲ್ಲಿ ಇಂದು ಕುಸಿತ ದಾಖಲಾಗಿದೆ.  ಎಂಸಿಎಕ್ಸ್ ಬೆಲೆಯಲ್ಲಿ ಸುಮಾರು 320 ರೂ.ಗಳಷ್ಟು ಕುಸಿತ ಕಂಡು ಬಂದಿದೆ. ಬೆಳ್ಳಿ ಬೆಲೆಯಲ್ಲಿಯೂ ಇಳಿಕೆ ಕಂಡು ಬಂದಿದೆ. 

ಇದನ್ನೂ ಓದಿ : ಬ್ಯಾಂಕ್ ಲೋನ್ ಪಡೆದವರು ನಿರಾಳ !EMI ಮೇಲೆ ಹೆಚ್ಚಿನ ಹೊರೆ ಇಲ್ಲ ! ಹೊರ ಬಿತ್ತು RBI ನಿರ್ಧಾರ

ಇಂಡಿಯನ್ ಬುಲಿಯನ್ ಮತ್ತು ಜ್ಯುವೆಲರ್ಸ್ ಅಸೋಸಿಯೇಶನ್‌ನ ಅಧಿಕೃತ ವೆಬ್‌ಸೈಟ್ (ibjarates.com) ಪ್ರಕಾರ, 999 ಶುದ್ಧತೆಯ 10 ಗ್ರಾಂ ಚಿನ್ನವು 235 ರೂಪಾಯಿಗಳ ಕುಸಿತವನ್ನು ಕಂಡಿದ್ದು, ಬೆಲೆ 69,667 ರೂಪಾಯಿಗಳಿಗೆ ತಲುಪಿದೆ. 916 ಶುದ್ಧತೆ ಹೊಂದಿರುವ 10 ಗ್ರಾಂ ಚಿನ್ನ 215 ರೂಪಾಯಿ ಇಳಿಕೆಯಾಗಿ 63815 ರೂಪಾಯಿಗೆ ತಲುಪಿದೆ. ಪ್ರಸ್ತುತ ಬೆಳ್ಳಿಯ ಬೆಲೆ 113 ರೂಪಾಯಿಗಳ ಇಳಿಕೆಯೊಂದಿಗೆ ಕೆಜಿಗೆ 79224 ರೂಪಾಯಿ ಆಗಿದೆ. 

ಜಾಗತಿಕ ಮಾರುಕಟ್ಟೆಯಲ್ಲಿಯೂ ಚಿನ್ನದ ಬೆಲೆಯಲ್ಲಿ ಇಳಿಕೆ ಕಂಡು ಬಂದಿದೆ.  ಕಾಮೆಕ್ಸ್‌ನಲ್ಲಿ ಚಿನ್ನದ ಬೆಲೆ ಸುಮಾರು 13 ಪ್ರತಿಶತದಷ್ಟು ಕುಸಿತ ಕಂಡಿದ್ದು, ಪ್ರಸ್ತುತ ಬೆಲೆಯು ಔನ್ಸ್‌ಗೆ 2295 ಡಾಲರ್‌ ಆಗಿದೆ. 

ಇದನ್ನೂ ಓದಿ : ಆಧಾರ್ ಕಾರ್ಡ್ ನಲ್ಲಿರುವ ಫೋಟೋ ಇಷ್ಟವಾಗುತ್ತಿಲ್ಲವೇ ? ಹೀಗೆ ಬದಲಾಯಿಸಿಕೊಳ್ಳಿ ನಿಮ್ಮ ಫೋಟೋ

ವಿಶೇಷ ಸೂಚನೆ: ಇಂಡಿಯನ್ ಬುಲಿಯನ್ ಜ್ಯುವೆಲ್ಲರ್ಸ್ ಅಸೋಸಿಯೇಷನ್ ​​ಬಿಡುಗಡೆ ಮಾಡಿದ ಬೆಲೆಗಳು ವಿಭಿನ್ನ ಶುದ್ಧತೆಯ ಚಿನ್ನದ ಪ್ರಮಾಣಿತ ಬೆಲೆಯ ಮಾಹಿತಿಯನ್ನು ಒದಗಿಸುತ್ತದೆ. ಇದು ತೆರಿಗೆ ಮತ್ತು ಮೇಕಿಂಗ್ ಚಾರ್ಜ್ ಅನ್ನು ಒಳಗೊಂಡಿರುವುದಿಲ್ಲ.