ಕೆಲಸ ಬದಲಾಯಿಸಿದ್ದೀರಾ ? ಹಾಗಿದ್ದರೆ EPFಗೆ ಸಬಂಧಿಸಿದ ಈ ಕೆಲಸ ಮಾಡಲೇ ಬೇಕು !

How to link all provident fund accounts : ಖಾಸಗಿ ಉದ್ಯೋಗಿಗಳು ಆಗಾಗ ತಮ್ಮ ಉದ್ಯೋಗಗಳನ್ನು ಬದಲಾಯಿಸುತ್ತಿರುತ್ತಾರೆ. ಹೀಗಾದಾಗ ಕಂಪನಿಗಳು ಕೂಡಾ ಬದಲಾಗುತ್ತವೆ. ಒಬ್ಬ ವ್ಯಕ್ತಿಯು ತನ್ನ ಕಂಪನಿ ಬದಲಾಯಿಸುವಾಗ ಹಳೆಯ UAN ಸಂಖ್ಯೆಯಿಂದಾಗಿ, ಅವರ ಹೊಸ PF ಖಾತೆಯು ಸ್ವಯಂಚಾಲಿತವಾಗಿ ಲಿಂಕ್ ಆಗುತ್ತದೆ ಎನ್ನುವ ತಪ್ಪು ಕಲ್ಪನೆ ಅನೇಕರಲ್ಲಿ ಇರುತ್ತದೆ. ಆದರೆ ಹೀಗಾಗುವುದಿಲ್ಲ. ಹೀಗೆ ಆಟೋ ಲಿಂಕ್ ಆಗುತ್ತದೆ ಎಂದುಕೊಂಡು ಸುಮ್ಮನಿದ್ದರೆ ಭಾರೀ ನಷ್ಟವನ್ನು ಅನುಭವಿಸಬೇಕಾಗುತ್ತದೆ. ಕೆಲಸ ಬದಲಾಯಿಸಿದ ಕೂಡಲೇ ಉದ್ಯೋಗಿ ಸ್ವತಃ ಇಪಿಎಫ್‌ಒ ವೆಬ್‌ಸೈಟ್‌ಗೆ ಹೋಗಿ ತನ್ನ ಹೊಸ ಪಿಎಫ್ ಖಾತೆಯನ್ನು ಯುಎಎನ್‌ಗೆ ಲಿಂಕ್ ಮಾಡಬೇಕು. 

ಖಾತೆಯನ್ನು ಲಿಂಕ್ ಮಾಡದಿರುವ ಅನಾನುಕೂಲಗಳು : 
ಹಣಕಾಸು ತಜ್ಞರ ಪ್ರಕಾರ, ಹೊಸ ಇಪಿಎಫ್ ಖಾತೆಯನ್ನು ಹಳೆಯ ಖಾತೆಯೊಂದಿಗೆ ವಿಲೀನಗೊಳಿಸದಿದ್ದರೆ, ಹಳೆ ಖಾತೆಯಲ್ಲಿರುವ ಹಣವು ನಿಮಗೆ ಒಟ್ಟಿಗೆ ಕಾಣಿಸುವುದಿಲ್ಲ. ಅಲ್ಲದೆ ತೆರಿಗೆ ಉಳಿತಾಯದ ದೃಷ್ಟಿಯಿಂದಲೂ  ಎರಡು ಖಾತೆಗಳನ್ನು ಲಿಂಕ್ ಮಾಡುವುದು ಅಗತ್ಯವಾಗಿರುತ್ತದೆ. ನೀವು 5 ವರ್ಷಗಳವರೆಗೆ ನಿರಂತರವಾಗಿ ಹಣವನ್ನು ಠೇವಣಿ ಮಾಡಿದ ನಂತರ ನಿಮ್ಮ ಇಪಿಎಫ್ ಖಾತೆಯಿಂದ ಹಣವನ್ನು ಹಿಂಪಡೆಯುವಾಗ, ಅದರ ಮೇಲೆ ಯಾವುದೇ ರೀತಿಯ ತೆರಿಗೆಯನ್ನು ಪಾವತಿಸಬೇಕಾಗಿಲ್ಲ. ಆದರೆ, ಅದಕ್ಕೂ ಮೊದಲು ಹಣವನ್ನು ಹಿಂಪಡೆದಾಗ ತೆರಿಗೆ ನೀಡಬೇಕಾಗುತ್ತದೆ. 

ಇದನ್ನೂ ಓದಿ : ಹತ್ತು ವರ್ಷಗಳಷ್ಟು ಹಳೆ ಆಧಾರ್ ಕಾರ್ಡ್ ರದ್ದಾಗಲಿವೆಯೇ? ಇಲ್ಲಿದೆ ಸಂಪೂರ್ಣ ಮಾಹಿತಿ

ಎಲ್ಲಾ ಕಂಪನಿಗಳು TDS ಅನ್ನು ಕಡಿತಗೊಳಿಸುತ್ತವೆ : 
ನಿಮ್ಮ ಎಲ್ಲಾ EPF ಖಾತೆಗಳನ್ನು ವಿಲೀನಗೊಳಿಸದಿದ್ದರೆ, ನೀವು ಪ್ರತಿ ಕಂಪನಿಗೆ ಪ್ರತ್ಯೇಕವಾಗಿ TDS ಅನ್ನು ಪಾವತಿಸಬೇಕಾಗುತ್ತದೆ. ಉದಾಹರಣೆಗೆ, ನೀವು ತಲಾ 3 ವರ್ಷಗಳ ಕಾಲ ಎರಡು ಕಂಪನಿಗಳಲ್ಲಿ ಕೆಲಸ ಮಾಡುತ್ತಿದ್ದರೆ, ನಂತರ ಎರಡೂ ಕಂಪನಿಗಳ ಖಾತೆಗಳನ್ನು ವಿಲೀನಗೊಳಿಸಿದ ನಂತರ, ಅದನ್ನು 6 ವರ್ಷಗಳೆಂದು ಲೆಕ್ಕ ಹಾಕಲಾಗುತ್ತದೆ. ಇಲ್ಲವಾದರೆ 3-3 ವರ್ಷಗಳವರೆಗೆ ಪ್ರತ್ಯೇಕವಾಗಿ ಲೆಕ್ಕ ಹಾಕಲಾಗುತ್ತದೆ. 

ಖಾತೆಗಳನ್ನು ವಿಲೀನಗೊಳಿಸುವ ಪ್ರಕ್ರಿಯೆ : 
-ನಿಮ್ಮ ಎಲ್ಲಾ EPFO ​​ಖಾತೆಗಳನ್ನು ವಿಲೀನಗೊಳಿಸಲು ಬಯಸಿದರೆ, ಇದಕ್ಕಾಗಿ EPFO ​​ಪೋರ್ಟಲ್ https://unifiedportal-mem.epfindia.gov.in ಅನ್ನು ಕ್ಲಿಕ್ ಮಾಡಿ  .
- ನಂತರ, ಆನ್‌ಲೈನ್ ಸೇವೆಗಳ ವಿಭಾಗದಲ್ಲಿ 'One Member - One EPF Account' ಆಯ್ಕೆಮಾಡಿ. 
- ನಂತರ, ನಿಮ್ಮ ವೈಯಕ್ತಿಕ ವಿವರಗಳನ್ನು ಮತ್ತು ಅಸ್ತಿತ್ವದಲ್ಲಿರುವ ಉದ್ಯೋಗದಾತರ ವಿವರಗಳನ್ನು ಭರ್ತಿ ಮಾಡುವ ಮೂಲಕ ನಿಮ್ಮ ಖಾತೆಯನ್ನು ಪರಿಶೀಲಿಸಿ.
- ಇಷ್ಟು ಮಾಡಿದ ನಂತರ,  ಡೀಟೇಲ್ಸ್ ಮೇಲೆ ಕ್ಲಿಕ್ ಮಾಡಿದಾಗ ಹಳೆಯ ಉದ್ಯೋಗದಾತರ ಪಟ್ಟಿ ತೆರೆಯುತ್ತದೆ.
- ವರ್ಗಾಯಿಸಲು ಬಯಸುವ ಖಾತೆಯ ಮೇಲೆ ಕ್ಲಿಕ್ ಮಾಡಿ. 
- ನಂತರ 'Get OTP' ಮೇಲೆ ಕ್ಲಿಕ್ ಮಾಡಿದ ತಕ್ಷಣ, ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಗೆ OTP ಬರುತ್ತದೆ. ಇದನ್ನು ಬರೆದು  ಸಬ್ಮಿಟ್ ಮಾಡಿ. 
ಈ ಪ್ರಕ್ರಿಯೆಯು ಪೂರ್ಣಗೊಂಡ ತಕ್ಷಣ ನಿಮ್ಮ ಪ್ರಸ್ತುತ ಉದ್ಯೋಗದಾತರು ಅದನ್ನು ಅನುಮೋದಿಸುತ್ತಾರೆ. ನಂತರ EPFO ​​ನಿಮ್ಮ ಹಳೆಯ ಖಾತೆಯನ್ನು ಹೊಸ ಖಾತೆಗೆ ವಿಲೀನಗೊಳಿಸಲಾಗುತ್ತದೆ. 

ಇದನ್ನೂ ಓದಿ : ಹಳೆ ಪಿಂಚಣಿ ಯೋಜನೆ ಜಾರಿಗೆ ಸಂಬಂಧಿಸಿದಂತೆ ಸಂಸತ್ತಿನಿಂದ ಮಹತ್ವದ ಘೋಷಣೆ ಮೊಳಗಿಸಿದ ಕೇಂದ್ರ ಸರ್ಕಾರ!