ಗೌತಮ್‌ ಅದಾನಿ ಉತ್ತರಾಧಿಕಾರಿಯ ಘೋಷಣೆ: ಒಬ್ರಲ್ಲ, ಇಬ್ರಲ್ಲ... ಈ 4 ಜನರ ಹೆಗಲಿಗೆ 103 ಬಿಲಿಯನ್‌ ಡಾಲರ್‌ ಆಸ್ತಿಯ ಅದಾನಿ ಗ್ರೂಪ್‌ ಸಾಮ್ರಾಜ್ಯದ ಉಸ್ತುವಾರಿ!

Gautam Adani heir: ಭಾರತ ಮತ್ತು ಏಷ್ಯಾದ ಎರಡನೇ ಅತಿ ಶ್ರೀಮಂತ ವ್ಯಕ್ತಿ ಗೌತಮ್ ಅದಾನಿ ಇತ್ತೀಚೆಗೆ ಬ್ಲೂಮ್‌ ಬರ್ಗ್‌ಗೆ ಸಂದರ್ಶನವೊಂದನ್ನು ನೀಡಿದ್ದರು. ಇದರಲ್ಲಿ ಅವರು ತಮ್ಮ ಉತ್ತರಾಧಿಕಾರ ಯೋಜನೆಯನ್ನು ವಿವರವಾಗಿ ಬಹಿರಂಗಪಡಿಸಿದ್ದರು.

ಇದನ್ನೂ ಓದಿ: ಧಿಕ್ಕಾರಕ್ಕಿಂತ ಅಧಿಕಾರ ಮುಖ್ಯ ಎಂದು "ವಾರ್ನರ್‌" ಮೂಲಕ ಹೇಳಿದ ರಿಯಲ್ ಸ್ಟಾರ್

62 ವರ್ಷ ವಯಸ್ಸಿನ ಗೌತಮ್ ಅದಾನಿ ಅವರು 70 ನೇ ವಯಸ್ಸಿನಲ್ಲಿ ನಿವೃತ್ತಿ ಹೊಂದಲು ಯೋಜಿಸುತ್ತಿದ್ದಾರೆ ಮತ್ತು 2030 ರ ದಶಕದ ಆರಂಭದ ವೇಳೆಗೆ ತಮ್ಮ $ 213 ಬಿಲಿಯನ್ ವ್ಯಾಪಾರ ಸಾಮ್ರಾಜ್ಯವನ್ನು ಮುಂದಿನ ಪೀಳಿಗೆಗೆ ಹಸ್ತಾಂತರಿಸಲು ಯೋಜಿಸುತ್ತಿದ್ದಾರೆ ಎಂದು ವರದಿ ಹೇಳಿದೆ. ಆದರೆ ಅದಾನಿ ಗ್ರೂಪ್‌ನ ಪ್ರಮುಖ ಕಂಪನಿ ಅದಾನಿ ಎಂಟರ್‌ಪ್ರೈಸಸ್ ಈ ಕುರಿತು ಮಾಧ್ಯಮ ವರದಿಗಳಿಗೆ ಸಂಬಂಧಿಸಿದಂತೆ ಸ್ಪಷ್ಟೀಕರಣವನ್ನು ನೀಡಿದೆ. ಗೌತಮ್ ಅದಾನಿಯನ್ನು ತಪ್ಪಾಗಿ ಉಲ್ಲೇಖಿಸಲಾಗಿದೆ ಎಂದು ಕಂಪನಿ ಹೇಳಿದೆ.

"ಇತ್ತೀಚಿನ ಸಂದರ್ಶನವೊಂದರಲ್ಲಿ ಗೌತಮ್ ಅದಾನಿ ಅವರು ವ್ಯವಹಾರದ ಸ್ಥಿರತೆಯನ್ನು ಖಚಿತಪಡಿಸಿಕೊಳ್ಳಲು ಉತ್ತರಾಧಿಕಾರ ಯೋಜನೆ ಕುರಿತು ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಂಡಿದ್ದಾರೆ ಎಂದು ನಾವು ಸ್ಪಷ್ಟಪಡಿಸಲು ಬಯಸುತ್ತೇವೆ" ಎಂದು ಕಂಪನಿಯು ಹೇಳಿಕೆಯಲ್ಲಿ ತಿಳಿಸಿದೆ.

"ಉತ್ತರಾಧಿಕಾರವು ಕೇವಲ ಒಂದು ಘಟನೆಯಾಗಿರದೆ ಪ್ರಯಾಣವಾಗಿದೆ ಮತ್ತು ಅದು ವ್ಯವಸ್ಥಿತವಾಗಿರಬೇಕು.ಇದಕ್ಕಾಗಿ ಯಾವುದೇ ನಿರ್ದಿಷ್ಟ ದಿನಾಂಕ ಅಥವಾ ಸಮಯವನ್ನು ಅದಾನಿ ಉಲ್ಲೇಖಿಸಿಲ್ಲ. ಉತ್ತರಾಧಿಕಾರಿಗಳು ಮತ್ತು ಕುಟುಂಬದ ಟ್ರಸ್ಟ್‌ನಲ್ಲಿ ಸಮಾನ ಲಾಭದಾಯಕ ಆಸಕ್ತಿಯ ಬಗ್ಗೆ ಅದಾನಿಯನ್ನು ತಪ್ಪಾಗಿ ಉಲ್ಲೇಖಿಸಲಾಗಿದೆ. ಗ್ರೂಪ್‌ ವ್ಯವಹಾರಗಳಲ್ಲಿ ಅವರ ಇಬ್ಬರು ಪುತ್ರರು ಮತ್ತು ಇಬ್ಬರು ಸೋದರಳಿಯರ ಪಾಲ್ಗೊಳ್ಳುವಿಕೆಯನ್ನುಇರಲಿದೆ" ಎಂದು ಹೇಳಿದೆ.

ಇದನ್ನೂ ಓದಿ: ಶತಕ ಸಿಡಿಸಿ ಮಿಂಚಿದ್ದ ವಿರಾಟ್‌ ಮೊಣಕಾಲಿಗೆ ಗಾಯ: ಆಸೀಸ್‌ ವಿರುದ್ಧ ಆಡ್ತಾರ ಕೊಹ್ಲಿ?

ಬ್ಲೂಮ್‌ಬರ್ಗ್ ವರದಿಯ ಪ್ರಕಾರ ಅದಾನಿ ಅವರು 70 ನೇ ವಯಸ್ಸಿನಲ್ಲಿ ನಿವೃತ್ತರಾಗಲು ಯೋಜಿಸುತ್ತಿದ್ದಾರೆ ಮತ್ತು ಅವರ ನಾಲ್ವರು ಉತ್ತರಾಧಿಕಾರಿಗಳು ಕುಟುಂಬ ಟ್ರಸ್ಟ್‌ನಲ್ಲಿ ಸಮಾನ ಷೇರುದಾರರಾಗಿರುತ್ತಾರೆ. ಇದರಲ್ಲಿ ಅದಾನಿ ಅವರ ಇಬ್ಬರು ಮಕ್ಕಳಾದ ಕರಣ್, ಜೀತ್ ಅದಾನಿ ಮತ್ತು ಇಬ್ಬರು ಸೋದರಳಿಯರಾದ ಪ್ರಣವ್ ಮತ್ತು ಸಾಗರ್ ಅದಾನಿ ಸೇರಿದ್ದಾರೆ.