Vi-Airtelಗೆ ಜಿಯೋ ಟಕ್ಕರ್: ಅಗ್ಗದ ಪ್ರೀಪೇಡ್ ಯೋಜನೆಯಲ್ಲಿ ಡೇಟಾ ಸೇರಿ ಹಲವು ಪ್ರಯೋಜನ

ನವದೆಹಲಿ: ದೇಶದಲ್ಲಿ ಒಟ್ಟು 3 ಪ್ರಮುಖ ಟೆಲಿಕಾಂ ಕಂಪನಿಗಳಿವೆ. ಗ್ರಾಹಕರನ್ನು ತಮ್ಮತ್ತ ಸೆಳೆಯಲು Jio, Airtel ಮತ್ತು Vodafone Idea(Vi) ವಿವಿಧ ರಿಚಾರ್ಜ್ ಪ್ಲಾನ್‍ಗಳನ್ನು ಪರಿಚಯಿಸಿವೆ. ದೇಶದ ನಂ.1 ಕಂಪನಿ ಜಿಯೋ ತನ್ನ ಬಳಕೆದಾರರಿಗೆ ಅದ್ಭುತ ಪ್ರಯೋಜನಗಳೊಂದಿಗೆ ಅಗ್ಗದ ಮತ್ತು ಉತ್ತಮ ಯೋಜನೆಗಳನ್ನು ನೀಡುವಲ್ಲಿ ಯಶಸ್ವಿಯಾಗಿದೆ. ಈ ಪೈಕಿ 500 ರೂ.ಗಳಿಂತ ಕಡಿಮೆ ಮೊತ್ತದ ಪ್ರಿಪೇಯ್ಡ್ ಯೋಜನೆಯಲ್ಲಿ ಅದ್ಭುತ ಪ್ರಯೋಜನಗಳು ನಿಮಗೆ ಸಿಗಲಿವೆ.

500 ರೂ.ಗಿಂತ ಕಡಿಮೆ ಬೆಲೆಗೆ 84GB ಡೇಟಾ ಸೌಲಭ್ಯ  

ಜಿಯೋ 500 ರೂ.ಗಿಂತ ಕಡಿಮೆ ಬೆಲೆಯ ರಿಚಾರ್ಜ್ ಪ್ಲಾನ್‍ನಲ್ಲಿ 56 ದಿನಗಳ ವ್ಯಾಲಿಡಿಟಿಯೊಂದಿಗೆ ಅನೇಕ ಪ್ರಯೋಜನಗಳನ್ನು ನೀಡುತ್ತಿದೆ. 479 ರೂ. ರಿಚಾರ್ಜ್ ಮಾಡಿಸಿದರೆ ನಿಮಗೆ ಪ್ರತಿದಿನ 1.5GB ಹೈ ಸ್ಪೀಡ್ ಡೇಟಾವನ್ನು ನೀಡಲಾಗುತ್ತದೆ. ಅಂದರೆ ಒಟ್ಟಾರೆ ಈ ಯೋಜನೆಯಲ್ಲಿ ನಿಮಗೆ 84GB ಡೇಟಾವನ್ನು ನೀಡಲಾಗುತ್ತದೆ.

ಇದನ್ನೂ ಓದಿ: ಟಿಟಿಡಿ ಇತಿಹಾಸದಲ್ಲಿಯೇ ದಾಖಲೆ! ಮೇ ತಿಂಗಳ ತಿಮ್ಮಪ್ಪನ ಆದಾಯ ಎಷ್ಟು ಗೊತ್ತಾ..?

ಈ ಯೋಜನೆಯ ಇತರ ಪ್ರಯೋಜನಗಳು  

ಇದರೊಂದಿಗೆ ಈ ಯೋಜನೆಯಲ್ಲಿ ಯಾವುದೇ ನೆಟ್‌ವರ್ಕ್‌ಗೆ ಅನಿಯಮಿತ ಧ್ವನಿ ಕರೆಗಳನ್ನು ಮಾಡುವ ಆಯ್ಕೆಯನ್ನು ನಿಮಗೆ ನೀಡಲಾಗಿದೆ. ಇದರಲ್ಲಿ ನೀವು ದಿನಕ್ಕೆ 100 SMSನ ಪ್ರಯೋಜನವನ್ನು ಸಹ ಪಡೆಯುತ್ತೀರಿ. OTT ಪ್ರಯೋಜನಗಳ ಕುರಿತು ಹೇಳುವುದಾದರೆ, ಈ ಯೋಜನೆಯಲ್ಲಿ ನಿಮಗೆ Jio ಕ್ಲೌಡ್, Jio ಸಿನಿಮಾ ಮತ್ತು Jio TV ನಂತಹ ಎಲ್ಲಾ Jio ಅಪ್ಲಿಕೇಶನ್‌ಗಳಿಗೆ ಉಚಿತ ಚಂದಾದಾರಿಕೆಯನ್ನು ನೀಡಲಾಗುತ್ತದೆ.

ಜಿಯೋದ ಇತರ 56 ದಿನಗಳ ವ್ಯಾಲಿಡಿಟಿ ಯೋಜನೆಗಳು  

ನಾವು ಮೊದಲೇ ಹೇಳಿದಂತೆ ಜಿಯೋ 56 ದಿನಗಳ ಮಾನ್ಯತೆಯೊಂದಿಗೆ ಇನ್ನೂ ಕೆಲವು ಯೋಜನೆಗಳನ್ನು ನೀಡುತ್ತಿದೆ. 533 ರೂ.ಗಳ ಯೋಜನೆಯಲ್ಲಿ ಬಳಕೆದಾರರು 2GB ದೈನಂದಿನ ಡೇಟಾ, ಯಾವುದೇ ನೆಟ್‌ವರ್ಕ್‌ನಲ್ಲಿ ಅನಿಯಮಿತ ಧ್ವನಿ ಕರೆ ಮತ್ತು ದಿನಕ್ಕೆ 100 SMS ಪ್ರಯೋಜನಗಳನ್ನು ಪಡೆಯುತ್ತಾರೆ. ಈ ಯೋಜನೆಯಲ್ಲಿಯೂ ನಿಮಗೆ ಎಲ್ಲಾ ಜಿಯೋ ಅಪ್ಲಿಕೇಶನ್‌ಗಳ ಚಂದಾದಾರಿಕೆಯನ್ನು ನೀಡಲಾಗುತ್ತದೆ.

ಇದನ್ನೂ ಓದಿ: Indian Railways: ರೈಲ್ವೆಯಿಂದ ಹೊಸ ಸೇವೆ, ಈಗ ಶೀಘ್ರವೇ ಸಿಗಲಿದೆ ದೃಢೀಕೃತ ಸೀಟು

ಜಿಯೋದ 3ನೇ 56 ದಿನಗಳ ವ್ಯಾಲಿಡಿಟಿ ಯೋಜನೆಯಲ್ಲಿ ಕಂಪನಿಯು ಗ್ರಾಹಕರಿಗೆ ಪ್ರತಿದಿನ 2GB ಇಂಟರ್ನೆಟ್, ದಿನಕ್ಕೆ 100 SMS ಮತ್ತು ಯಾವುದೇ ನೆಟ್‌ವರ್ಕ್‌ನಲ್ಲಿ ಅನಿಯಮಿತ ಧ್ವನಿ ಕರೆಗಳ ಪ್ರಯೋಜನಗಳನ್ನು ನೀಡುತ್ತದೆ. ಈ ಯೋಜನೆಯಲ್ಲಿ ಡಿಸ್ನಿ + ಹಾಟ್‌ಸ್ಟಾರ್ ಚಂದಾದಾರಿಕೆಯನ್ನು ಸಹ ನೀಡಲಾಗಿದೆ. ಈ ಯೋಜನೆಯ ಬೆಲೆ 799 ರೂ. ಆಗಿರುತ್ತದೆ.  

ಇವು ಜಿಯೋದ ಅತ್ಯುತ್ತಮ ಪ್ರಿಪೇಯ್ಡ್ ಯೋಜನೆಗಳಾಗಿವೆ. ಇವುಗಳ ವ್ಯಾಲಿಡಿಟಿ 56 ದಿನಗಳಾಗಿರುತ್ತದೆ. ಈ ಯೋಜನೆಗಳಲ್ಲಿ ನಿಮಗೆ ಯಾವುದು ಇಷ್ಟವೋ ಅದನ್ನು ಬಳಕೆ ಮಾಡಬಹುದು.