ಧನತ್ರಯೋದಶಿಯಂದೇ ಭರ್ಜರಿ ಇಳಿಕೆಯಾಯಿತು ಚಿನ್ನದ ದರ ! ಬೆಳ್ಳಿ ಕೂಡಾ ಬಲು ಅಗ್ಗ

Gold and Silver Price Today : ದೇಶಾದ್ಯಂತ ದೀಪಾವಳಿ ಸಡಗರ  ಮನೆ ಮಾಡಿದೆ. ಇಂದು ಧನತ್ರಯೋದಶಿ. ಅಂದರೆ ಚಿನ್ನ  ಬೆಳ್ಳಿ ಖರೀದಿಗೆ ಬಹಳ ಮಹತ್ವವಿದೆ. ಧನತ್ರಯೋದಶಿಗಿಂತ ಮುನ್ನವೇ ಚಿನ್ನ ಬೆಳ್ಳಿ ಬೆಲೆಯಲ್ಲಿ ಭಾರೀ ಕುಸಿತ ಕಂಡು ಬಂದಿದೆ. ಈ ಇಡೀ ವಾರದಲ್ಲಿ ಚಿನ್ನದ ಬೆಲೆಯಲ್ಲಿ ಇಳಿಕೆ ಕಂಡು ಬಂದಿದೆ. ಇಂದು ಕೂಡಾ ಹಳದಿ ಲೋಹದ ಬೆಲೆಯಲ್ಲಿ ಕುಸಿತ ಕಂಡು ಬಂದಿದೆ. 

ಚಿನ್ನದ ಬೆಲೆಯಲ್ಲಿ ಕುಸಿತ : 
ದುರ್ಬಲ ಜಾಗತಿಕ ಸೂಚನೆಗಳ ನಡುವೆ, ಬುಲಿಯನ್ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆಯಲ್ಲಿ ಇಳಿಕೆ ಕಂಡು ಬಂದಿದ್ದು, 10 ಗ್ರಾಂ ಬಂಗಾರದ ಬೆಲೆ 60,750 ರೂಪಾಯಿ ಆಗಿದೆ. ಕಳೆದ ವಹಿವಾಟಿನಲ್ಲಿ ಚಿನ್ನದ ಬೆಲೆ 10 ಗ್ರಾಂಗೆ 61,350 ರೂ. ಆಗಿತ್ತು. 

ಇದನ್ನೂ ಓದಿ : 2024ರಿಂದ 8ನೇ ವೇತನ ಆಯೋಗ ! ಕೈ ಸೇರುವ ವೇತನದಲ್ಲಿ 44.44 ಶೇ. ದಷ್ಟು ಹೆಚ್ಚಳ

22 ಕ್ಯಾರೆಟ್ ಚಿನ್ನದ ಬೆಲೆ : 
ದೆಹಲಿಯಲ್ಲಿ -55,850 ರೂ
ಬೆಂಗಳೂರು -  55,690ರೂ.
ಚೆನ್ನೈ - 56,140 ರೂ. 
ಮುಂಬೈ - 55,690ರೂ.. 
ಕೋಲ್ಕತ್ತಾ - 55,690ರೂ.
ಕೇರಳ - 55,690ರೂ.

ಅಗ್ಗವಾಯಿತು ಬೆಳ್ಳಿ : 
ಚಿನ್ನದ ದರದೊಂದಿಗೆ ಮಾರುಕಟ್ಟೆಯಲ್ಲಿ ಬೆಳ್ಳಿಯ ಬೆಲೆಯೂ ಕುಸಿದಿದೆ. ಬೆಳ್ಳಿಯ ಬೆಲೆಯೂ 300 ರೂಪಾಯಿ ಇಳಿಕೆಯಾಗಿ ಪ್ರತಿ ಕೆಜಿಗೆ 73,200 ರೂಪಾಯಿಗಳಿಗೆ ತಲುಪಿದೆ.

ಮಾರುಕಟ್ಟೆಯಲ್ಲಿ ಬೆಳ್ಳಿ ಬೆಲೆ : (100 ಗ್ರಾಮ್ ಗಳಲ್ಲಿ )
ದೆಹಲಿಯಲ್ಲಿ -7,320ರೂ
ಬೆಂಗಳೂರು -7,200 ರೂ.
ಚೆನ್ನೈ -7,620 ರೂ.
ಮುಂಬೈ - 7,320 ರೂ.
ಕೋಲ್ಕತ್ತಾ - 7,320 ರೂ.

ಇದನ್ನೂ ಓದಿ: PPF Account: ನಿಮ್ಮ ಪಿ‌ಪಿ‌ಎಫ್ ಖಾತೆ ಬಂದ್ ಆಗಿದೆಯೇ? ಇಂದೇ ಈ ಕೆಲಸ ಮಾಡಿ, ಇಲ್ಲವೇ ಭಾರೀ ನಷ್ಟ

ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ​ ಎಷ್ಟಿದೆ ಬೆಲೆ : 
ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆ ಪ್ರತಿ ಔನ್ಸ್‌ಗೆ 1,950 ಡಾಲರ್‌ಗೆ ಕುಸಿದಿದ್ದು, ಬೆಳ್ಳಿ ಕೂಡ ಪ್ರತಿ ಔನ್ಸ್‌ಗೆ 22.45 ಡಾಲರ್‌ಗೆ ಇಳಿಕೆಯಾಗಿದೆ. 

10 ಗ್ರಾಂ ಬೆಲೆಯನ್ನು ಪರಿಶೀಲಿಸಿ : 
ನಿಮ್ಮ ಮನೆಯಲ್ಲಿ ಕುಳಿತು ಚಿನ್ನದ ಬೆಲೆಯನ್ನು ಪರಿಶೀಲಿಸಬಹುದು. ಇಂಡಿಯನ್ ಬುಲಿಯನ್ ಮತ್ತು ಜ್ಯುವೆಲ್ಲರ್ಸ್ ಅಸೋಸಿಯೇಷನ್ ​​ಪ್ರಕಾರ, ನೀವು 8955664433 ಸಂಖ್ಯೆಗೆ ಮಿಸ್ಡ್ ಕಾಲ್ ನೀಡುವ ಮೂಲಕ ಬೆಲೆಯನ್ನು ಪರಿಶೀಲಿಸಬಹುದು. ಈ ನಂಬರ್ ಗೆ ಮಿಸ್ಕಾಲ್ ಕೊಡುತ್ತಿದ್ದಂತೆಯೇ ಇಂದಿನ ಬೆಲೆ ಎಷ್ಟಿದೆ ಎನ್ನುವ ಮೆಸೇಜ್ ನಿಮ್ಮ ಮೊಬೈಲ್ ಗೆ ಬರುತ್ತದೆ. 

ಇದನ್ನೂ ಓದಿ : ವಿಸ್ತಾರ ಏರ್ಲೈನ್ಸ್ ಫೆಸ್ಟಿವಲ್‌ ಸೇಲ್:‌ ಭಾರಿ ರಿಯಾಯಿತಿ ಹಾಗೂ ಆಫರ್‌ಗಳು ಲಭ್ಯ