ಆರೋಗ್ಯ ವಿಮೆ ಹೊಂದಿದವರಿಗೊಂದು ಗುಡ್ ನ್ಯೂಸ್, ಬದಲಾಗಲಿದೆ ಈ ನಿಯಮ!

ನವದೆಹಲಿ: ನೀವು ಯಾವುದೇ ಕಂಪನಿಯ ಆರೋಗ್ಯ ವಿಮಾ ಪಾಲಿಸಿಯನ್ನು ಹೊಂದಿದ್ದರೆ ಈ ಸಂತಸದ ಸುದ್ದಿ ಕೇವಲ ನಿಮಗಾಗಿ. ಹೌದು, ಗ್ರಾಹಕರ ಹಿತಾಸಕ್ತಿ ಗಮನದಲ್ಲಿಟ್ಟುಕೊಂಡು ವಿಮಾ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರ (ಐಆರ್ ಡಿಎಐ) ಹೊಸ ಆದೇಶ ಹೊರಡಿಸಿದೆ. ಈ ಆದೇಶದ ಅಡಿಯಲ್ಲಿ, ಗ್ರಾಹಕರಿಗೆ ಗ್ರಾಹಕ ಮಾಹಿತಿ ಹಾಳೆ (ಕಸ್ಟಮರ್ ಇನ್ಫರ್ಮೇಷನ್ ಶೀಟ್) ಅನ್ನು ಸರಳಗೊಳಿಸುವಂತೆ ವಿಮಾ ಕಂಪನಿಗಳಿಗೆ ಕೋರಲಾಗಿದೆ. ಇದರ ಅಡಿಯಲ್ಲಿ, ವಿಮಾ ಕಂಪನಿಯು ವಿಮೆ ಮಾಡಿದ ಮೊತ್ತ ಮತ್ತು ಪಾಲಿಸಿಯಲ್ಲಿ ಒಳಗೊಂಡಿರುವ ವೆಚ್ಚಗಳಂತಹ ಪಾಲಿಸಿಯ ಮೂಲಭೂತ ಮಾಹಿತಿಯನ್ನು ಕ್ಲೈಮ್ ಬಗ್ಗೆ ಮಾಹಿತಿಯೊಂದಿಗೆ ಒದಗಿಸಬೇಕಾಗಲಿದೆ (Business News In Kannada).

ಈ ನಿಯಮವು ಜನವರಿ 1, 2024 ರಿಂದ ಜಾರಿಗೆ ಬರಲಿದೆ
ಜನವರಿ 1ರಿಂದ ಗ್ರಾಹಕರು ಈ ಬಗ್ಗೆ ನಿಗದಿತ ನಮೂನೆಯಲ್ಲಿ ಮಾಹಿತಿ ಪಡೆಯಲಿದ್ದಾರೆ. IRDAI ಗ್ರಾಹಕರಿಗೆ ಎಲ್ಲವನ್ನೂ ವಿವರಿಸಲು ಅಸ್ತಿತ್ವದಲ್ಲಿರುವ ಕಸ್ಟಮರ್ ಇನ್ಫರ್ಮೇಷನ್ ಶೀಟ್ ಬದಲಾವಣೆಗಳನ್ನು ಮಾಡಿದೆ. ಹೊಸ ಸಿಐಎಸ್ ಜನವರಿ 1, 2024 ರಿಂದ ಜಾರಿಗೆ ಬರಲಿದೆ ಎಂದು ವಿಮಾ ನಿಯಂತ್ರಕರು ಈ ಸಂಬಂಧ ಎಲ್ಲಾ ವಿಮಾ ಕಂಪನಿಗಳಿಗೆ ಕಳುಹಿಸಿರುವ ಪತ್ರದಲ್ಲಿ ತಿಳಿಸಿದ್ದಾರೆ. ಪಾಲಿಸಿದಾರರು ಖರೀದಿಸಿದ ಪಾಲಿಸಿಯ ನಿಯಮಗಳು ಮತ್ತು ಷರತ್ತುಗಳನ್ನು ಅರ್ಥಮಾಡಿಕೊಳ್ಳುವುದು ಮುಖ್ಯವಾಗಿದೆ ಎಂದು ಪ್ರಾಧಿಕಾರ ಹೇಳಿದೆ.

ಇದನ್ನೂ ಓದಿ-ಇನ್ಮುಂದೆ ಈ ಜನರಿಗೆ ಸಿಗಲ್ಲ ಉಚಿತ ಪಡಿತರ, ಸರ್ಕಾರದ ಮಹತ್ವದ ಘೋಷಣೆ!

ಈ ಪತ್ರದ ಪ್ರಕಾರ, 'ಪಾಲಸಿಗೆ ಸಂಬಂಧಿಸಿದ ಕಾಗದವನ್ನು ಗ್ರಾಹಕರು ಅರ್ಥಮಾಡಿಕೊಳ್ಳಲು ಕಷ್ಟವಾಗಬಹುದು. ಇಂತಹ ಪರಿಸ್ಥಿತಿಯಲ್ಲಿ, ಸಿಐಎಸ್ ಶೀಟ್ ನಲ್ಲಿ  ಪಾಲಸಿಗೆ ಸಂಬಂಧಿಸಿದ ಮೂಲಭೂತ ಮಾಹಿತಿಯನ್ನು ಸರಳ ಪದಗಳಲ್ಲಿ ವಿವರಿಸುವಂತಿರಬೇಕು. ಅಲ್ಲದೆ ಎಲ್ಲ ಮಾಹಿತಿಯೂ ಅದರಲ್ಲಿರಬೇಕು. ಸುತ್ತೋಲೆಯ ಪ್ರಕಾರ, ವಿಮಾ ಕಂಪನಿ ಮತ್ತು ಪಾಲಿಸಿದಾರರ ನಡುವಿನ ಪಾಲಿಸಿ ಸಂಬಂಧಿತ ಅಂಶಗಳಲ್ಲಿನ ವ್ಯತ್ಯಾಸಗಳಿಂದಾಗಿ ಅನೇಕ ದೂರುಗಳನ್ನು ಬರುತ್ತಿವೆ. ಇದನ್ನು ಗಮನದಲ್ಲಿಟ್ಟುಕೊಂಡು ಸಿಐಎಸ್ ಅನ್ನು ಬದಲಾವಣೆಗಳೊಂದಿಗೆ ನೀಡಲಾಗಿದೆ.

ಇದನ್ನೂ ಓದಿ-ಪಿಂಚಣಿದಾರರಿಗೊಂದು ಮಹತ್ವದ ಅಪ್ಡೇಟ್, ಹಣ ಹಿಂಪಡೆಯುವ ಈ ನಿಯಮದಲ್ಲಾಗಿದೆ ಬದಲ್ಲವಣೆ!

ಹೊಸ CIS ನಲ್ಲಿ, ಕಂಪನಿಯು ವಿಮಾ ಉತ್ಪನ್ನದ ಹೆಸರು / ಪಾಲಿಸಿ, ಪಾಲಿಸಿ ಸಂಖ್ಯೆ, ವಿಮಾ ಉತ್ಪನ್ನ/ಪಾಲಿಸಿ ಮತ್ತು ವಿಮಾ ಮೊತ್ತದ ಬಗ್ಗೆ ಮಾಹಿತಿಯನ್ನು ಒದಗಿಸಬೇಕಾಗಲಿದೆ. ಇದಲ್ಲದೇ, ಪಾಲಿಸಿಯಲ್ಲಿ ಒಳಗೊಂಡಿರುವ ವೆಚ್ಚಗಳು, ಅದರ ವ್ಯಾಪ್ತಿಯ ಹೊರಗಿನ ವಿಷಯಗಳು, ಕಾಯುವ ಅವಧಿ, ಕವರೇಜ್‌ನ ಹಣಕಾಸಿನ ಮಿತಿ, ಕ್ಲೈಮ್ ಪ್ರಕ್ರಿಯೆ ಮತ್ತು ಕುಂದುಕೊರತೆ ಪರಿಹಾರ ಕಾರ್ಯವಿಧಾನದ ಬಗ್ಗೆಯೂ ಪಾಲಿಸಿದಾರರಿಗೆ ಮಾಹಿತಿ ನೀಡಬೇಕಾಗಲಿದೆ. ಸುತ್ತೋಲೆಯ ಪ್ರಕಾರ, ವಿಮಾ ಕಂಪನಿ, ಮಧ್ಯವರ್ತಿ ಮತ್ತು ಏಜೆಂಟ್ ಬದಲಾದ ಸಿಐಸಿಯ ವಿವರಗಳನ್ನು ಪಾಲಿಸಿದಾರರಿಗೆ ಕಳುಹಿಸಬೇಕಾಗಲಿದೆ.

ಇದನ್ನೂ ನೋಡಿ-