ಕೆಲಸಕ್ಕೆ ರಾಜೀನಾಮೆ ನೀಡುವಾಗ ನೋಟಿಸ್ ಪೀರಿಯೇಡ್ ಪೂರೈಸುವುದು ನಿಜಕ್ಕೂ ಅಗತ್ಯವೇ? ಇಲ್ಲಿದೆ ನೋಡಿ ಸರಿಯಾದ ಉತ್ತರ !

Company Notice Period :ನೀವು ಯಾವುದೇ ಕಂಪನಿಯಲ್ಲಿ ಕೆಲಸಕ್ಕೆ ಸೇರಿದಾಗ, ಹಲವಾರು ಒಪ್ಪಂದಗಳ ಪೇಪರ್‌ ಗೆ ಸಹಿ ಹಾಕಿರುತ್ತೀರಿ, ಈ ಪ್ರಕ್ರಿಯೆ ಪೂರ್ಣಗೊಳಿಸುವುದು ಅಗತ್ಯವೂ ಹೌದು. ಇದರಲ್ಲಿ ನೋಟೀಸ್ ಪಿರಿಯೆಡ್ ಬಗ್ಗೆಯೂ ಉಲ್ಲೇಖಿಸಲಾಗಿರುತ್ತದೆ. ಅಂದರೆ ಒಂದು ವೇಳೆ ನೀವು ಹೊಸ ಕೆಲಸಕ್ಕೆ ಸೇರುವುದಾದರೆ, ರಾಜೀನಾಮೆ ಬಳಿಕ ಹಳೇ ಕಂಪನಿಯಲ್ಲಿ ಎಷ್ಟು ಸಮಯದವರೆಗೆ ಕೆಲಸ ಮಾಡಲೇ ಬೇಕು ಎನ್ನುವುದನ್ನು ಅದರಲ್ಲಿ ಸ್ಪಷ್ಟವಾಗಿ ಬರೆದಿರಲಾಗುತ್ತದೆ. ಈ ಮೂಲಕ ಎಷ್ಟು ತಿಂಗಳು ಅಥವಾ ದಿನಗಳ ನೋಟಿಸ್ ಪಿರಿಯೆಡ್ ಎನ್ನುವುದು ಉದ್ಯೋಗಿಗೆ ಮೊದಲೇ ತಿಳಿದಿರುತ್ತದೆ. ಕಂಪನಿಯ ತರ್ಕವೆಂದರೆ, ಈ ಅವಧಿಯಲ್ಲಿ ಹೊಸ ನೇಮಕಾತಿಗಳನ್ನು ಮಾಡಲಾಗುತ್ತದೆ. ನಿಮ್ಮ ಸ್ಥಳದಲ್ಲಿ ಇನ್ನೊಬ್ಬ ವ್ಯಕ್ತಿಯನ್ನು ಕಂಪನಿಗೆ ಸೇರಿಸಿಕೊಳ್ಳಲಾಗುತ್ತದೆ. 

ನೋಟಿಸ್  ಪೀರಿಯೇಡ್ ಬಗ್ಗೆ ಪ್ರತಿ ಕಚೇರಿಯಲ್ಲಿಯೂ ಸಾಮಾನ್ಯವಾಗಿ ಚರ್ಚೆ ನಡೆಯುತ್ತಲೇ ಇರುತ್ತದೆ. ಅನೇಕ ಕಂಪನಿಗಳಲ್ಲಿ ಮೂರು ತಿಂಗಳವರೆಗೆ ನೋಟಿಸ್ ಅವಧಿ ಇರುತ್ತದೆ.ಆ ಸಂದರ್ಭದಲ್ಲಿ ಹೊಸ ಕಂಪನಿ ಅಷ್ಟು ಸಮಯ ಕಾಯದೆ ಹೋದರೆ ಉದ್ಯೋಗಿಯ ಮೇಲೆ ಎರಡೂ ಕಡೆಯಿಂದಲೂ ಒತ್ತಡ ಹೆಚ್ಚಾಗುತ್ತದೆ. ಸಾಮಾನ್ಯವಾಗಿ ಹಳೆಯ ಕಂಪನಿ ನೋಟೀಸ್ ಪೀರಿಯೇಡ್ ಅನ್ನು ಕಡಿಮೆ ಮಾಡುವುದನ್ನು ಸ್ಪಷ್ಟವಾಗಿ ನಿರಾಕರಿಸಿ ಬಿಡುತ್ತದೆ. ಹೀಗಿರುವಾಗ ನೋಟಿಸ್ ಅವಧಿ ಪೂರೈಸದೆ ಕೆಲಸ ಬಿಡಬಹುದೇ ? ನೋಟಿಸ್ ಪಿರಿಯೆಡ್ ಮಾಡದೇ ಕೆಲಸ ಬಿಟ್ಟರೆ ಏನಾಗುತ್ತದೆ? ಎನ್ನುವ ಪ್ರಶ್ನೆಗಳು ಉದ್ಯೋಗಿಯನ್ನು ಕಾಡುತ್ತದೆ. 

ಇದನ್ನೂ ಓದಿ : Arecanut Rate Today: ರಾಜ್ಯದ ಮಾರುಕಟ್ಟೆಯಲ್ಲಿ ಇಂದಿನ ಅಡಿಕೆ ಧಾರಣೆ ಹೇಗಿದೆ ನೋಡಿ

ಕಂಪನಿ ಒತ್ತಾಯಿಸುವಂತಿಲ್ಲ : 
ಯಾವ ಕಂಪನಿ ಕೂಡಾ ನಿಮ್ಮನ್ನು ನೋಟಿಸ್ ಪೀರಿಯೇಡ್ ವಿಚಾರವಾಗಿ ಒತ್ತಾಯಿಸಲು ಸಾಧ್ಯವಿಲ್ಲ. ಕಂಪನಿಗೆ ರಾಜೀನಾಮೆ ನೀಡುವಾಗ ನೀವು ಸಹಿ ಮಾಡಿದ ಪಾಲಿಸಿಯಲ್ಲಿ ನೋಟಿಸ್ ಪೀರಿಯೇಡ್ ಷರತ್ತುಗಳು ಏನಿತ್ತು ಎನ್ನುವುದನ್ನು ಸರಿಯಾಗಿ ನೋಡಿಕೊಳ್ಳಿ. ಈ ಈ ಷರತ್ತುಗಳನ್ನು ನೀವು ಅನುಸರಿಸಬೇಕಾಗುತ್ತದೆ. ಪ್ರತಿ ಬಾರಿಯೂ ನೋಟಿಸ್ ಅವಧಿಯನ್ನು ಪೂರೈಸುವುದು ಅನಿವಾರ್ಯವಲ್ಲ, ಆದರೆ ಇದು ಹಣಕಾಸಿನ ನಷ್ಟವನ್ನು ಉಂಟುಮಾಡುತ್ತದೆ. ಅನೇಕ ಕಡೆಗಳಲ್ಲಿ ವೇತನಗಳನ್ನು ತಡೆಹಿಡಿಯಲಾಗುತ್ತದೆ. ಬಾಕಿ ಪಾವತಿಸುವುದಿಲ್ಲ. ನೋಟಿಸ್ ಅವಧಿಯನ್ನು ನೀಡಲು ಯಾವುದೇ ಕಂಪನಿಯು ನಿಮ್ಮನ್ನು ಒತ್ತಾಯಿಸುವುದಿಲ್ಲ. ಅನೇಕ ಕಂಪನಿಗಳಲ್ಲಿ ನೀವು ಉಳಿಸಿಕೊಂಡಿರುವ ರಜೆಯನ್ನು ನೋಟೀಸ್ ಪಿರಿಯೆಡ್ ಗೆ ಸರಿ ಹೊಂದಿಸಲಾಗುತ್ತದೆ. ಮತ್ತೆ ಕೆಲವು ಕಡೆ ನೋಟೀಸ್ ಪಿರಿಯೆಡ್ ಬದಲಿಗೆ ಅಷ್ಟು ತಿಂಗಳ ಅಥವಾ ದಿನಗಳ ಹಣವನ್ನು ತೆಗೆದುಕೊಳ್ಳುವ ಮೂಲಕ ನೋಟಿಸ್ ಅವಧಿಯನ್ನು ಮನ್ನಾ ಮಾಡಬಹುದು.

ಒಟ್ಟಿನಲ್ಲಿ ನಿಮ್ಮ ಕಂಪನಿ ಯಾವ ನೀತಿ ಅನುಸರಿಸಲು ಸಿದ್ದ ಎನ್ನುವುದನ್ನು ತಿಳಿದುಕೊಂಡು ಮುಂದುವರೆದರೆ ಯಾವುದೇ ಕಿರಿಕಿರಿಯಿಲ್ಲದೆ ಕಂಪನಿಯಿಂದ ಹೊರ ಬರಬಹುದು.   

ಇದನ್ನೂ ಓದಿ : Gold And Silver Price: ಭಾರತದಲ್ಲಿ ಚಿನ್ನದ ದರ ಮತ್ತೆ ಹೆಚ್ಚಳ: ಬೆಳ್ಳಿಯ ಬೆಲೆ ಇಳಿಕೆ!