ಇಸ್ರೋಗೆ ಹೊಸ ಸಾರಥಿ: ಡಾ ವಿ ನಾರಾಯಣನ್ ಬಗ್ಗೆ ತಿಳಿಯಲೇಬೇಕಾದ ವಿಷಯಗಳಿವು

ISRO Chief V Narayanan: ಕೇಂದ್ರ ಸರ್ಕಾರ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ-ಇಸ್ರೋ ಅಧ್ಯಕ್ಷರಾಗಿ ಹಾಗೂ ಬಾಹ್ಯಾಕಾಶ ಇಲಾಖೆಯ ಕಾರ್ಯದರ್ಶಿಯಾಗಿ ಹಿರಿಯ ವಿಜ್ಞಾನಿ ಡಾ.ವಿ.ನಾರಾಯಣನ್‌ ಅವರನ್ನು ನೇಮಕ ಮಾಡಿದೆ. ಪ್ರಸ್ತುತ ಕೇರಳದ ವಲಿಯಮಾಲಾದಲ್ಲಿರುವ ಲಿಕ್ವಿಡ್ ಪ್ರೋಪಲ್ಷನ್ ಸಿಸ್ಟಮ್ಸ್ ಸೆಂಟರ್ (LPSC) ನಿರ್ದೇಶಕರಾಗಿರುವ ಡಾ.ವಿ.ನಾರಾಯಣನ್‌ ಸಂಕ್ರಾಂತಿಯ ದಿನ ಇಸ್ರೋ ಅಧ್ಯಕ್ಷರಾಗಿ ಅಧಿಕಾರ ಸ್ವೀಕರಿಸಲಿದ್ದಾರೆ. 

ಇಸ್ರೋ ಅಧ್ಯಕ್ಷ ಎಸ್ ಸೋಮನಾಥ್ ಅವರು 2025ರ ಜನವರಿ 14ರಂದು ನಿವೃತ್ತಿ ಹೊಂದಲಿದ್ದು, ಈ ದಿನವೇ ಡಾ ವಿ. ನಾರಾಯಣನ್ ಇಸ್ರೋ ಸಾರಥಿಯಾಗಿ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ. 

ಕಳೆದ ನಾಲ್ಕು ದಶಕಗಳಿಂದ ಇಸ್ರೋದಲ್ಲಿ ಹಲವು ಹುದ್ದೆಗಳನ್ನು ನಿರ್ವಹಿಸಿ ಅನುಭವ ಹೊಂದಿರುವ ಡಾ ವಿ. ನಾರಾಯಣನ್ ಅವರ ಬಗೆಗಿನ ತಿಳಿದುಕೊಳ್ಳಲೇಬೇಕಾದ ಪ್ರಮುಖ ವಿಷಯಗಳು ಈ ಕೆಳಕಂಡಂತಿವೆ:- 

* ರಾಕೆಟ್ ಮತ್ತು ಬಾಹ್ಯಾಕಾಶ ನೌಕೆ ಪ್ರೊಪಲ್ಷನ್ ತಜ್ಞರಾಗಿರುವ ಡಾ.ವಿ ನಾರಾಯಣನ್ 1984ರಲ್ಲಿ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ-ಇಸ್ರೋಗೆ ನೇಮಕಗೊಂಡರು. 

* ಡಾ. ವಿ. ನಾರಾಯಣನ್ ಆರಂಭದಲ್ಲಿ ವಿಕ್ರಮ್ ಸಾರಾಭಾಯ್ ಬಾಹ್ಯಾಕಾಶ ಕೇಂದ್ರ (VSSC) ಸೌಂಡಿಂಗ್ ರಾಕೆಟ್ಗಳು, ವರ್ಧಿತ ಉಪಗ್ರಹ ಉದವನಾ ವಾಹನಗಳು (ASLV) ಮತ್ತು ಧ್ರುವ ಉಪಗ್ರಹ ಉಡಾವನಾ ವಾಹನಗಳಿಗೆ (PSLV) ಘಾನ ಪ್ರೊಪಲ್ಷನ್ ಪ್ರದೇಶವನ್ನು ಒಳಗೊಂಡಿತ್ತು. 

* ಇದಲ್ಲದೆ, ಸಂಯೋಜಕ ನಳಿಕೆ ವ್ಯವಸ್ಥೆಗಳು, ಸಂಯೋಜಿತ ಮೋಟಾರು ಪ್ರಕರಣಗಳು ಮತ್ತು ಸಂಯೋಜಿತ ಇಗ್ನೈಟರ್ ಪ್ರಕರಣಗಳ ಪ್ರಕ್ರಿಯೆಯ ಯೋಜನೆ, ನಿಯಂತ್ರಣ ಮತ್ತು ಸಾಕ್ಷಾತ್ಕಾರಕ್ಕೆ ಅವರು ಅಮೋಘ ಕೊಡುಗೆ ನೀಡಿದ್ದಾರೆ. 

* 1989ರಲ್ಲಿ ಐ‌ಐ‌ಟಿ- ಖರಗ್ಪುರದಲ್ಲಿ ಮೊದಲ ಶ್ರೇಣಿಯೊಂದಿಗೆ ಕ್ರಯೋಜೆನಿಕ್ ಎಂಜಿನಿಯರಿಂಗ್ ನಲ್ಲಿ M.Tech ಪೂರ್ಣಗೊಳಿಸಿದ ವಿ. ನಾರಾಯಣನ್  2001ರಲ್ಲಿ ಏರೋಸ್ಪೇಸ್ ಎಂಜಿನಿಯರಿಂಗ್ ನಲ್ಲಿ ಪಿ‌ಎಚ್‌ಡಿ  ಪಡೆದರು. 

* ಸಂಕೀರ್ಣ ಮತ್ತು ಉನ್ನತ ಕಾರ್ಯಕ್ಷಮತೆಯ ಕ್ರಯೋಜೆನಿಕ್ ಪ್ರೊಪಲ್ಷನ್ ಸಿಸ್ಟಮ್ ಗಳನ್ನು ಹೊಂದಿರುವ ವಿಶ್ವದ ಆರು ದೇಶಗಳಲ್ಲಿ ಒಂದಾಗಲು ಭಾರತವು ಪ್ರಮುಖ ಪಾತ್ರ ವಹಿಸಿದೆ. ಬಾಹ್ಯಾಕಾಶ ನೌಕೆ ಪ್ರೊಪಲ್ಷನ್ ಗೆ ದ ನಾರಾಯಣನ್ ಗಮನಾರ್ಹ ಕೊಡುಗೆಗಳನ್ನು ನೀಡಿದ್ದಾರೆ. 

* 2017-2037ರವರೆಗೆ ಇಸ್ರೋದ ಪ್ರೊಪಲ್ಷನ್ ರಸ್ತೆ ನಕ್ಷೆಯನ್ನು ಡಾ. ವಿ. ನಾರಾಯಣನ್  ಅಂತಿಮಗೊಳಿಸಿದ್ದಾರೆ. 

* ಕಳೆದ ಐದು ವರ್ಷಗಳಿಂದ ಎಲ್‌ಪಿ‌ಎಸ್‌ಸಿ ನಿರ್ದೇಶಕರಾಗಿರುವ ಡಾ. ವಿ. ನಾರಾಯಣನ್  41 ಉಡಾವನಾ ವಾಹನಗಳು ಮತ್ತು 31 ಬಾಹ್ಯಾಕಾಶ ನೌಕೆ ಕಾರ್ಯಾಚರಣೆಗಳಿಗಾಗಿ 164 ದ್ರವ ಪ್ರೊಪಲ್ಷನ್ ಸಿಸ್ಟಮ್ಗಳನ್ನು ವಿತರಿಸಿದ್ದಾರೆ. 

ಡಾ. ವಿ. ನಾರಾಯಣನ್  ಅವರಿಗೆ ಮುಡಿಗೇರಿರುವ ಪ್ರಶಸ್ತಿಯ ಗರಿಗಳು: 
ಡಾ. ವಿ. ನಾರಾಯಣನ್ ಅವರು M.Techನಲ್ಲಿ ಪ್ರಥಮ ಶ್ರೇಣಿಗಾಗಿ ಐ‌ಐ‌ಟಿ ಖರಗ್ಪುರದಿಂದ ಸಿಲ್ವರ್ ಮೆಡಲ್ ಪಡೆದಿದ್ದಾರೆ. ಆಸ್ಟ್ರೋನಾಟಿಕಲ್ ಸೊಸೈಟಿ ಆಫ್ ಇಂಡಿಯಾದಿಂದ (ASI) ಗೋಲ್ಡ್ ಮೆಡಲ್ ಹೊಂದಿಊರ್ವ ಇವರು ರಾಕೆಟ್ ಮತ್ತು ಸಂಬಂಧಿತ ತಂತ್ರಜ್ಞಾನಗಳಿಗಾಗಿ ASI ಪ್ರಶಸ್ತಿ, ಹೈ ಎನರ್ಜಿ ಮೆಟೀರಿಯಲ್ಸ್ ಸೊಸೈಟಿಯಿಂದ 'ಟೀಮ್ ಅವಾರ್ಡ್', ಇಸ್ತ್ರೋದಿಂದ ಅತ್ಯುತ್ತಮ ಸಾಧನೆ ಮತ್ತು ಕಾರ್ಯಕ್ಷಮತೆಯ ಶ್ರೇಷ್ಠ ಪ್ರಶಸ್ತಿಗಳನ್ನು ಮುಡಿಗೇರಿಸಿಕೊಂಡಿದ್ದಾರೆ. 

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.