Indian Railways Rule: ಬರ್ತ್ ಬಗ್ಗೆ ಹೊಸ ನಿಯಮಗಳನ್ನು ರೂಪಿಸಿದ ಭಾರತೀಯ ರೈಲ್ವೆ ! ಪ್ರಯಾಣಿಸುವ ಮುನ್ನ ತಿಳಿದಿರಲಿ ಹೊಸ ರೂಲ್ಸ್

ನವದೆಹಲಿ : Indian Railways reservation rules : ರೈಲಿನಲ್ಲಿ ಪ್ರಯಾಣಿಸುತ್ತಿದ್ದರೆ, ರೈಲ್ವೆ ನಿಯಮಗಳನ್ನು ಕೂಡಾ ತಿಳಿದುಕೊಂಡಿರಬೇಕು. ಟಿಕೆಟ್ ಬುಕಿಂಗ್ ಸಮಯದಲ್ಲಿ, ಬರ್ತ್ ಆಯ್ಕೆ ಮಾಡುವ ಅವಕಾಶವನ್ನು ರೈಲ್ವೆ ನೀಡಿದೆ (Railways reservation rules).  ಆದರೆ ಪ್ರತಿ ಬಾರಿಯೂ ನಮ್ಮ ಅನುಕೂಲಕ್ಕೆ ತಕ್ಕಂತೆ ಸೀಟು ಸಿಗುವುದಿಲ್ಲ. ಭಾರತೀಯ ರೈಲ್ವೆಯು ಸೀಮಿತ ಸೀಟುಗಳನ್ನು ಹೊಂದಿದೆ. ಪ್ರಯಾಣಿಕರ ಅನುಕೂಲಕ್ಕಾಗಿ, ರೈಲ್ವೇಯು ಬರ್ತ್‌ಗಳಿಗೆ ಸಂಬಂಧಿಸಿದಂತೆ ಕಠಿಣ ನಿಯಮಗಳನ್ನು ರೂಪಿಸಿದೆ. 

ರೈಲಿನ ಮಧ್ಯದ ಬರ್ತ್ :
ಪ್ರಯಾಣದ ವೇಳೆ ಮಿಡಲ್ ಬರ್ತ್ ಸಿಕ್ಕಿದರೆ ಹಲವು ಬಾರಿ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ (Railway middle berth rule). ಕೆಳಗಿನ ಬರ್ತ್ ಹೊಂದಿರುವ ಪ್ರಯಾಣಿಕರು, ಸಾಮಾನ್ಯವಾಗಿ ತಡರಾತ್ರಿಯವರೆಗೆ ಕುಳಿತುಕೊಳ್ಳುತ್ತಾರೆ. ಹೀಗಿರುವಾಗ ಮಧ್ಯಡ ಬರ್ತ್ ಹೊಂದಿರುವ ಪ್ರಯಾಣಿಕರು ರೈಲ್ವೆಯ ನಿಯಮಗಳನ್ನು ತಿಳಿದಿರಬೇಕು (Indian railway rules). ಮಧ್ಯದ ಬರ್ತ್‌ಗೆ ಸಂಬಂಧಿಸಿದ ರೈಲ್ವೆ ನಿಯಮಗಳು  ವಿಭಿನ್ನವಾಗಿವೆ. ಈ ನಿಯಮಗಳು ತಿಳಿದಿದ್ದರೆ ನಿಮ್ಮ ಪ್ರಯಾಣವು ಆರಾಮದಾಯಕವಾಗಿರುತ್ತದೆ. 

ಇದನ್ನೂ ಓದಿ : ವಾಹನದಲ್ಲಿ ಈ ನಂಬರ್ ಪ್ಲೇಟ್ ಇದ್ದರೆ, ಪೊಲೀಸರು ನಿಮ್ಮ ಕಾರನ್ನು ತಡೆಯುವಂತಿಲ್ಲ

ಮಿಡಲ್ ಬರ್ತ್ ನಿಯಮ :
ಮಧ್ಯದ ಬರ್ತ್‌ನಲ್ಲಿ ಮಲಗುವ ಪ್ರಯಾಣಿಕರು, ರೈಲು ಪ್ರಾರಂಭವಾದ ತಕ್ಷಣ ಬರ್ತ್ ಓಪನ್ ಮಾಡುತ್ತಾರೆ. ಇದರಿಂದ ಕೆಳಗಿನ ಬರ್ತ್ ನಲ್ಲಿ ಇರುವ ಪ್ರಯಾಣಿಕರಿಗೆ ತೊಂದರೆಯಾಗುತ್ತಿದೆ. ಆದರೆ ರೈಲ್ವೆ ನಿಯಮಗಳ ಪ್ರಕಾರ, ಮಧ್ಯದ ಬರ್ತ್ ಹೊಂದಿರುವ ಪ್ರಯಾಣಿಕರು, ರಾತ್ರಿ 10 ರಿಂದ ಬೆಳಿಗ್ಗೆ 6 ರವರೆಗೆ ಮಾತ್ರ ತಮ್ಮ ಬರ್ತ್‌ನಲ್ಲಿ ಮಲಗಬಹುದು. 

ಅದೇ ಸಮಯದಲ್ಲಿ, ಬೆಳಿಗ್ಗೆ 6 ಗಂಟೆಯ ನಂತರ, ಇತರ  ಪ್ರಯಾಣಿಕರಿಗೆ ಕೆಳಗಿನ ಬರ್ತ್‌ನಲ್ಲಿ ಕುಳಿತುಕೊಳ್ಳಲು ಅವಕಾಶ ಸಿಗುವಂತೆ, ಬರ್ತ್ ಅನ್ನು ಕೆಳಗೆ ಮಾಡಬೇಕಾಗುತ್ತದೆ. ಕೆಲವೊಮ್ಮೆ ಲೋವರ್ ಬರ್ತ್‌ ಪ್ರಯಾಣಿಕರು ತಡರಾತ್ರಿವರೆಗೆ ಕುಳಿತುಕೊಂಡಿದ್ದರೆ ಮಧ್ಯದ ಬರ್ತ್‌ ಪ್ರಯಾಣಿಕರಿಗೆ ಸಮಸ್ಯೆ ಉಂಟಾಗುತ್ತದೆ. ಆದ್ದರಿಂದ ನಿಯಮದ ಪ್ರಕಾರ 10 ಗಂಟೆಗೆ ನಿಮ್ಮ ಆಸನವನ್ನು ಪಡೆಯಬಹುದು. 

ಇದನ್ನೂ ಓದಿ : Hero Electric: ಈ ಎಲೆಕ್ಟ್ರಿಕ್ ಸ್ಕೂಟರ್‌ಗಳನ್ನು ಲೈಸೆನ್ಸ್ ಇಲ್ಲದೆ ಓಡಿಸಬಹುದು

ಇಷ್ಟು ಮಾತ್ರವಲ್ಲ, ಇನ್ನು ಮುಂದೆ ಟಿಟಿಇ (TTE)ಕೂಡಾ ಬೆಳಿಗ್ಗೆ 6 ರಿಂದ ರಾತ್ರಿ 10 ರವರೆಗೆ ಮಾತ್ರ ಟಿಕೆಟ್‌ಗಳನ್ನು ಪರಿಶೀಲಿಸಬೇಕಾಗುತ್ತದೆ. ಇದರಿಂದ ರಾತ್ರಿ ಮಲಗಿದ ನಂತರ ಯಾವುದೇ ಪ್ರಯಾಣಿಕರಿಗೆ ತೊಂದರೆಯಾಗುವುದಿಲ್ಲ. ಆದರೆ, ರಾತ್ರಿ 10 ಗಂಟೆಯ ನಂತರ ಪ್ರಯಾಣ ಆರಂಭಿಸುವ ಪ್ರಯಾಣಿಕರಿಗೆ ಈ ನಿಯಮ ಅನ್ವಯಿಸುವುದಿಲ್ಲ.