ಬೈಜುಸ್ ವಿರುದ್ಧ ನಾಲ್ವರು ಹೂಡಿಕೆದಾರರಿಂದ ಕಾನೂನು ಕ್ರಮ!: ರವೀಂದ್ರನ್ ಪದಚ್ಯುತಿಗೆ ಆಗ್ರಹ

ನವದೆಹಲಿ: ಶುಕ್ರವಾರ (ಫೆ.23)ನಡೆದ ಎಜುಟೆಕ್‌ ಕಂಪನಿ ಬೈಜುಸ್‌ನ ಷೇರುದಾರರ ವಿಶೇಷ ಸಾಮಾನ್ಯ ಸಭೆ (EGM)ಯಲ್ಲಿ ನಾಲ್ವರು ಪ್ರಮುಖ ಹೂಡಿಕೆದಾರರು ರವೀಂದ್ರನ್‌ ಪದಚ್ಯುತಿಗೆ ಆಗ್ರಹಿಸಿದ್ದಾರೆ. ಈ ಹೂಡಿಕೆದಾರರು ರಾಷ್ಟ್ರೀಯ ಕಂಪನಿ ಕಾನೂನು ನ್ಯಾಯಮಂಡಳಿಯಲ್ಲಿ (NCLT) ದಬ್ಬಾಳಿಕೆ ಮತ್ತು ದುರಾಡಳಿತ ಮೊಕದ್ದಮೆಯನ್ನು ಸಲ್ಲಿಸುವ ಮೂಲಕ ಕಾನೂನು ಕ್ರಮ ಕೈಗೊಂಡಿದ್ದಾರೆ. 

ಬೈಜುಸ್‌ ಸಂಸ್ಥಾಪಕ ಬೈಜು ರವೀಂದ್ರನ್ ಅವರು ಸಂಸ್ಥೆಯನ್ನು ಮುನ್ನಡೆಸಲು ಅನರ್ಹವೆಂದು ಹೂಡಿಕೆದಾರರು ಆರೋಪಿಸಿದ್ದಾರೆ. ಇದಲ್ಲದೇ NCLTಗೆ ಸಲ್ಲಿಸಿರುವ ಮನವಿಯಲ್ಲಿ ರವೀಂದ್ರನ್ ಮತ್ತು ಅವರ ಕುಟುಂಬವನ್ನು ಷೇರುದಾರರ ವಿಶೇಷ ಸಾಮಾನ್ಯ ಸಭೆಯಲ್ಲಿ ಬೈಜು ಮಂಡಳಿಯಿಂದ ತೆಗೆದುಹಾಕಬೇಕೆಂದು ಒತ್ತಾಯಿಸಿದ್ದಾರೆ. ಕಂಪನಿಗೆ ಹೊಸ ಸಿಇಒ ಮತ್ತು ಮಂಡಳಿಯನ್ನು ಆಯ್ಕೆ ಮಾಡಲು ಹೂಡಿಕೆದಾರರು ಬಯಸಿದ್ದಾರೆ. ಪ್ರಸ್ತುತ ಆಡಳಿತವು ವ್ಯವಹಾರ ನಡೆಸಲು ಅಸಮರ್ಥವಾಗಿದೆ. ವಿಧಿವಿಜ್ಞಾನ ಲೆಕ್ಕಪರಿಶೋಧನೆ ಮತ್ತು ಹೂಡಿಕೆದಾರರಿಗೆ ಕಂಪನಿಯ ಸಂಪೂರ್ಣ ಮಾಹಿತಿಯನ್ನು ಒದಗಿಸಲು ಆಡಳಿತ ಮಂಡಳಿಗೆ ಆದೇಶಿಸಲು ಕೋರಿದೆ. 

ಇದನ್ನೂ ಓದಿ: Daily GK Quiz: ವಿಶ್ವ ಆರೋಗ್ಯ ದಿನವನ್ನು ಯಾವಾಗ ಆಚರಿಸಲಾಗುತ್ತದೆ?

ಶೇ.26ರಷ್ಟು ಪಾಲು ಹೊಂದಿರುವ ರವೀಂದ್ರನ್ ಮತ್ತು ಕುಟುಂಬ!‌ 

ಮೂಲಗಳ ಪ್ರಕಾರ ದುರಾಡಳಿತ ಮತ್ತು ವೈಫಲ್ಯಗಳಿಂದ ರವೀಂದ್ರನ್ ಮತ್ತು ಅವರ ಕುಟುಂಬವನ್ನು ಹೂಡಿಕೆದಾರರು ಮಂಡಳಿಯಿಂದ ತೆಗೆದುಹಾಕಬಹುದು. ಇಜಿಎಂ ಅನ್ನು ಕರೆದಿದ್ದ ಷೇರುದಾರರು ಬೈಜುಸ್‌ನಲ್ಲಿ ಶೇ.30ಕ್ಕಿಂತ ಹೆಚ್ಚಿನ ಪಾಲನ್ನು ಹೊಂದಿದ್ದಾರೆ. ರವೀಂದ್ರನ್ ಮತ್ತು ಅವರ ಕುಟುಂಬದವರು ಕಂಪನಿಯಲ್ಲಿ ಸುಮಾರು ಶೇ.26ರಷ್ಟು ಪಾಲನ್ನು ಹೊಂದಿದ್ದಾರೆ.  

ಮಂಡಳಿ  ಹೊರಕ್ಕೆ..?  

ಬೈಜೂಸ್ ಅನ್ನು ನಿರ್ವಹಿಸುತ್ತಿರುವ ಥಿಂಕ್ ಅಂಡ್ ಲರ್ನ್ ಕಂಪನಿಯ ಅಸ್ತಿತ್ವದಲ್ಲಿರುವ ಮಂಡಳಿಯನ್ನು ಹೊರಹಾಕುವ ಬಗ್ಗೆ ಇಜಿಎಂ ಸೂಚಿಸಿದೆ ಎಂದು ಮೂಲಗಳು ತಿಳಿಸಿವೆ. ಕಂಪನಿಯ ಮಂಡಳಿಯಲ್ಲಿ ರವೀಂದ್ರನ್, ಅವರ ಪತ್ನಿ, ಅವರ ಸಹೋದರ ರಿಜು ರವೀಂದ್ರನ್ ಮತ್ತು ಸಹ-ಸಂಸ್ಥಾಪಕಿ ದಿವ್ಯಾ ಗೋಕುಲನಾಥ್ ಇದ್ದಾರೆ. ಹೂಡಿಕೆದಾರರು ಬೈಜು ಕುಟುಂಬವನ್ನು ಹೊರಹಾಕಲು ಒತ್ತಾಯಿಸಲು ಕಾರಣಗಳನ್ನು ಸಹ ನೋಟಿಸ್‌ನಲ್ಲಿ ತಿಳಿಸಿದ್ದಾರೆ. ಈ ನೋಟಿಸ್‌ನಲ್ಲಿ ಹೂಡಿಕೆದಾರರು ಹಣಕಾಸಿನ ದುರುಪಯೋಗ, ಕಂಪನಿಯ ಕಾನೂನು ಹಕ್ಕುಗಳನ್ನು ಜಾರಿಗೊಳಿಸುವಲ್ಲಿ ನಿರ್ವಹಣೆಯ ವಿಫಲತೆ ಮತ್ತು ವಸ್ತು ಮಾಹಿತಿಯನ್ನು ಮರೆಮಾಚುವ ಮೂಲಕ ಕಂಪನಿಯ ಮೌಲ್ಯದಲ್ಲಿ ಕುಸಿತ ಕಂಡಿರುವ ಬಗ್ಗೆ ಆರೋಪಿಸಿದ್ದಾರೆ.

ಇದನ್ನೂ ಓದಿ: NPS New Rule:ಏಪ್ರಿಲ್ 1 ರಿಂದ ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆಯಲ್ಲಿ ಹೊಸ ನಿಯಮಗಳು ಜಾರಿ..!

ಬೈಜು ರವೀಂದ್ರನ್ ವಿರುದ್ಧ ಲುಕ್‌ಔಟ್ ನೋಟಿಸ್‌ಗೆ ಇಡಿ ಒತ್ತಾಯಿಸಿದೆ

ಇತ್ತೀಚೆಗೆ ಜಾರಿ ನಿರ್ದೇಶನಾಲಯವು (ED) ಬ್ಯೂರೋ ಆಫ್ ಇಮಿಗ್ರೇಷನ್ (BOI)ಗೆ ಆಡ್ಟೆಕ್ ಸಂಸ್ಥೆ ಬೈಜೂಸ್‌ನ ಸಂಸ್ಥಾಪಕ ಮತ್ತು ಸಿಇಒ ಬೈಜು ರವೀಂದ್ರನ್ ವಿರುದ್ಧ ಲುಕ್ ಔಟ್ ನೋಟಿಸ್ ನೀಡುವಂತೆ ಕೇಳಿದೆ. ಈ ಮೂಲಕ ಬೈಜು ರವೀಂದ್ರನ್ ದೇಶ ತೊರೆಯದಂತೆ ನೋಡಿಕೊಳ್ಳಲು ತನಿಖಾ ಸಂಸ್ಥೆ ಬಯಸಿದೆ.