4kWh ಬ್ಯಾಟರಿಯೊಂದಿಗೆ ಹೊಸ Ola S1X ಬಿಡುಗಡೆ; ಬೆಲೆ ಮತ್ತು ವೈಶಿಷ್ಟ್ಯಗಳನ್ನು ತಿಳಿಯಿರಿ

Ola S1X 4kWh ಬೆಲೆ ಮತ್ತು ವೈಶಿಷ್ಟ್ಯಗಳು: Ola Electric 4kWh ಬ್ಯಾಟರಿ ಪ್ಯಾಕ್‌ನೊಂದಿಗೆ S1X ಸ್ಕೂಟರ್ ಅನ್ನು ಬಿಡುಗಡೆ ಮಾಡಿದೆ. ಇದು 190 ಕಿಮೀ ರೈಡಿಂಗ್ ಶ್ರೇಣಿಯನ್ನು ನೀಡಬಹುದು ಎಂದು ಕಂಪನಿ ಹೇಳಿಕೊಂಡಿದೆ. ಹೊಸ S1X 4kWh ರೂಪಾಂತರದ ಬೆಲೆಯನ್ನು 1,09,999 ರೂ.ಗೆ ನಿಗದಿಪಡಿಸಲಾಗಿದೆ. ಏಪ್ರಿಲ್ ತಿಂಗಳಿನಿಂದ ಈ ಬೈಕ್‌ಅನ್ನು ವಿತರಿಸಲಾಗುತ್ತದೆ ಎಂದು ವರದಿಯಾಗಿದೆ. 

ಹೊಸ Ola S1Xನ ಗರಿಷ್ಠ ವೇಗ ಗಂಟೆಗೆ 90 ಕಿ.ಮೀ. ಇದು 0-40 kmph ನಿಂದ 3.3 ಸೆಕೆಂಡುಗಳಲ್ಲಿ ವೇಗವನ್ನು ಪಡೆದುಕೊಳ್ಳುತ್ತದೆ. S1X ರೆಡ್ ವೆಲಾಸಿಟಿ, ಮಿಡ್ನೈಟ್, ವೋಗ್, ಸ್ಟೆಲ್ಲಾರ್, ಫಂಕ್, ಪಿಂಗಾಣಿ ಬಿಳಿ ಮತ್ತು ಲಿಕ್ವಿಡ್ ಸಿಲ್ವರ್ ಒಟ್ಟು 7 ಬಣ್ಣ ಆಯ್ಕೆಗಳಲ್ಲಿ ಲಭ್ಯವಿದೆ. ಇದು 4.3 ಇಂಚಿನ ಸೆಗ್ಮೆಂಟೆಡ್ ಡಿಸ್ಪ್ಲೇ ಮತ್ತು ಫಿಸಿಕಲ್ ಕೀ ಅನ್ಲಾಕ್ ವೈಶಿಷ್ಟ್ಯವನ್ನು ಹೊಂದಿದೆ. 

ಇದನ್ನೂ ಓದಿ: ಬಜೆಟ್ 2024: ಲಕ್ಷದ್ವೀಪದ ಮೇಲೆ ಕೇಂದ್ರದ ವಿಶೇಷ ಗಮನ, ಪ್ರವಾಸೋದ್ಯಮ ಉತ್ತೇಜಿಸುವ ಮೂಲಕ ಉದ್ಯೋಗ ಹೆಚ್ಚಿಸಲು ಒತ್ತು

ಇದರಲ್ಲಿ ಸ್ಮಾರ್ಟ್ ಕನೆಕ್ಟಿವಿಟಿ ಲಭ್ಯವಿಲ್ಲ, ಆದರೆ S1Xನ 3kWh ರೂಪಾಂತರವು 5 ಇಂಚಿನ ಸೆಗ್ಮೆಂಟೆಡ್ ಡಿಸ್ಪ್ಲೇ, ಕೀಲೆಸ್ ಅನ್‌ಲಾಕ್ ಮತ್ತು ಸ್ಮಾರ್ಟ್ ಸಂಪರ್ಕವನ್ನು ಹೊಂದಿದೆ. ಇವುಗಳ ಹೊರತಾಗಿ S1X ಸ್ಕೂಟರ್ ಸರಣಿಯು 2kWh ರೂಪಾಂತರದೊಂದಿಗೆ ಬರುತ್ತದೆ. ಇದು ಈ ಸರಣಿಯಲ್ಲಿ ಅಗ್ಗದ ಮಾದರಿಯಾಗಿದ್ದು, ಕಡಿಮೆ ಶ್ರೇಣಿಯನ್ನು (143 km) ನೀಡುತ್ತದೆ.

ಓಲಾ ಎಲೆಕ್ಟ್ರಿಕ್ ತನ್ನ ಸಂಪೂರ್ಣ ಉತ್ಪನ್ನ ಶ್ರೇಣಿಗಾಗಿ 8 ವರ್ಷಗಳವರೆಗೆ ಅಥವಾ 80,000 ಕಿಮೀಗಳವರೆಗೆ ವಿಸ್ತೃತ ಬ್ಯಾಟರಿ ಖಾತರಿಯನ್ನು ಘೋಷಿಸಿದೆ. ಹೊಸ S1X ಬಿಡುಗಡೆ ಮತ್ತು 8 ವರ್ಷಗಳ ವಾರಂಟಿಯ ಘೋಷಣೆಯ ಹೊರತಾಗಿ, Ola ಹೆಚ್ಚುವರಿ ವಾರಂಟಿ ಪ್ಯಾಕೇಜ್ ಅನ್ನು ಸಹ ಪರಿಚಯಿಸಿದೆ. ಇದು 1,25,000 ಕಿ.ಮೀ.ವರೆಗೂ ಅನ್ವಯಿಸುತ್ತದೆ. ಆದಾಗ್ಯೂ ಇದು ಪೇಮೆಂಟ್ ಆಯ್ಕೆಯಾಗಿದೆ ಅಂದರೆ ಹಣ ಕೊಟ್ಟು ನೀವು ತೆಗೆದುಕೊಳ್ಳಬಹುದು.

ಇದನ್ನೂ ಓದಿ: ಎನ್‌ಎಚ್‌ಎಐ ಫಾಸ್ಟ್‌ಟ್ಯಾಗ್ ಕೆವೈಸಿ ಗಡುವು ಇನ್ನೊಂದು ತಿಂಗಳವರೆಗೆ ವಿಸ್ತರಿಸುವ ಸಾಧ್ಯತೆ

S1X 4kWh ಬ್ಯಾಟರಿ ಪ್ಯಾಕ್ ಸ್ಕೂಟರ್‌ನ ಬಿಡುಗಡೆಯೊಂದಿಗೆ, Ola ತನ್ನ ಚಾರ್ಜಿಂಗ್ ಮೂಲಸೌಕರ್ಯವನ್ನು ಈ ತ್ರೈಮಾಸಿಕದ ಅಂತ್ಯದ ವೇಳೆಗೆ ಪ್ರಸ್ತುತ 1,000 ಯುನಿಟ್‌ಗಳಿಂದ 10,000 ಯೂನಿಟ್‌ಗಳಿಗೆ ವಿಸ್ತರಿಸುವ ಯೋಜನೆಯನ್ನು ಪ್ರಕಟಿಸಿದೆ. ಇದು ವಸತಿ ಪ್ರದೇಶಗಳು ಮತ್ತು ಹೆದ್ದಾರಿಗಳನ್ನು ಒಳಗೊಂಡಿದೆ. ಏತನ್ಮಧ್ಯೆ ಕಂಪನಿಯು ತನ್ನ ಸೇವಾ ಜಾಲವನ್ನು ಏಪ್ರಿಲ್ ವೇಳೆಗೆ 600 ಕೇಂದ್ರಗಳಿಗೆ ವಿಸ್ತರಿಸುವ ಯೋಜನೆಯನ್ನು ಪ್ರಕಟಿಸಿದೆ.