ಚೀನಾ ಬಳಿ ಆರ್ಥಿಕ ನೆರವು ಕೋರಿದ ಪಾಕಿಸ್ತಾನ.. 2.3 ಬಿಲಿಯನ್ ಡಾಲರ್ ಸಾಲ ಸೌಲಭ್ಯ ಒಪ್ಪಂದಕ್ಕೆ ಸಹಿ

Pakistan economic crisis: ವಿದೇಶಿ ವಿನಿಮಯ ನಿಕ್ಷೇಪಗಳು ಮತ್ತು ಅದರ ಸ್ಥಳೀಯ ಕರೆನ್ಸಿಯ ಸವಕಳಿಯ ಹಿನ್ನೆಲೆಯಲ್ಲಿ ದೇಶದ ನಗದು ಕೊರತೆಯ ಆರ್ಥಿಕತೆಗೆ ಸಹಾಯ ಮಾಡಲು ಪಾಕಿಸ್ತಾನವು ಚೀನಾದ ಬ್ಯಾಂಕ್‌ಗಳ ಒಕ್ಕೂಟದೊಂದಿಗೆ 15 ಶತಕೋಟಿ ಯುವಾನ್ (2.3 ಬಿಲಿಯನ್ ಡಾಲರ್) ಸಾಲ ಸೌಲಭ್ಯ ಒಪ್ಪಂದಕ್ಕೆ ಬುಧವಾರ ಸಹಿ ಹಾಕಿದೆ.

ಇದನ್ನೂ ಓದಿ: World Biggest Fish: ವಿಶ್ವದ ಅತಿದೊಡ್ಡ ಮೀನು, ತೂಕ ತಿಳಿದರೆ ಬೆಚ್ಚಿ ಬೀಳುವಿರಿ!

ಪಾಕಿಸ್ತಾನದ ಹಣಕಾಸು ಸಚಿವ ಮಿಫ್ತಾ ಇಸ್ಮಾಯಿಲ್ ಈ ಬಗ್ಗೆ ಟ್ವೀಟ್‌ ಮಾಡಿದ್ದು, "ಚೀನೀ ಬ್ಯಾಂಕ್‌ಗಳ ಒಕ್ಕೂಟವು ಇಂದು (ಬುಧವಾರ) 2.3 ಬಿಲಿಯನ್ ಡಾಲರ್ ಸಾಲ ಸೌಲಭ್ಯ ಒಪ್ಪಂದಕ್ಕೆ ಸಹಿ ಹಾಕಿದೆ. ಪಾಕಿಸ್ತಾನದ ಕಡೆಯಿಂದ ನಿನ್ನೆ (ಮಂಗಳವಾರ) ಸಹಿ ಹಾಕಲಾಗಿದೆ. ಈ ವ್ಯವಹಾರವನ್ನು ಸುಗಮಗೊಳಿಸಿದ್ದಕ್ಕಾಗಿ ಚೀನಾ ಸರ್ಕಾರಕ್ಕೆ ಧನ್ಯವಾದಗಳು" ಎಂದು ತಿಳಿಸಿದ್ದಾರೆ. 

ವಿದೇಶಾಂಗ ಸಚಿವ ಬಿಲಾವಲ್ ಭುಟ್ಟೋ-ಜರ್ದಾರಿ ಕೂಡ ಚೀನಾದ ನಾಯಕತ್ವಕ್ಕೆ ಕೃತಜ್ಞತೆ ಸಲ್ಲಿಸಿದ್ದಾರೆ. 2021-22 ರ ಹೊರಹೋಗುವ ಆರ್ಥಿಕತೆ ಕ್ಷೀಣಿಸುತ್ತಿದೆ. ಪಾಕಿಸ್ತಾನ ತೀವ್ರ ಆರ್ಥಿಕ ಬಿಕ್ಕಟ್ಟಿನಿಂದ ಸಂಕಷ್ಟಕ್ಕೆ ಸಿಲುಕಿದೆ. ಅಲ್ಲಿನ ಮಾಧ್ಯಮಗಳ ಪ್ರಕಾರ, ಪಾಕಿಸ್ತಾನವು ಅಂತಾರಾಷ್ಟ್ರೀಯ ಹಣಕಾಸು ನಿಧಿಯೊಂದಿಗೂ (ಐಎಂಎಫ್‌) ಮಾತುಕತೆ ನಡೆಸುತ್ತಿದೆ. ಐಎಂಎಫ್‌ನೊಂದಿಗಿನ ಒಪ್ಪಂದವು ಇತರ ಅಂತರರಾಷ್ಟ್ರೀಯ ಮೂಲಗಳಿಂದ ಹಣಕಾಸು ಸಹಾಯಕ್ಕೆ ಬಾಗಿಲು ತೆರೆಯುವ ನಿರೀಕ್ಷೆಯಿದೆ.