ಪಿಎಂ ಕಿಸಾನ್ 15ನೇ ಕಂತಿನ ಹಣ ಖಾತೆಗೆ ವರ್ಗಾಯಿಸಲು ಫಿಕ್ಸ್ ಆಯ್ತು ಮುಹೂರ್ತ, ಈ ದಿನ ಬರಲಿದೆ ಹಣ!

PM Kisan Update: ಪ್ರಧಾನ ಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ ಯೋಜನೆ ಎಂಬುದು ಭಾರತ ಸರ್ಕಾರವು ಪ್ರಾರಂಭಿಸಿದ ಯೋಜನೆಯಾಗಿದ್ದು, ಇದು ದೇಶದ ಎಲ್ಲಾ ಸಣ್ಣ ಮತ್ತು ಅತಿ ಸಣ್ಣ ರೈತರಿಗೆ ಹಣಕಾಸಿನ ನೆರವು ನೀಡುತ್ತದೆ. ಈ ಯೋಜನೆಯಡಿ ಪ್ರತಿ ಫಲಾನುಭವಿ ರೈತರಿಗೆ ವರ್ಷಕ್ಕೆ ಮೂರು ಕಂತುಗಳಲ್ಲಿ 6,000 ರೂ. ನೀಡಲಾಗುತ್ತದೆ. ಪ್ರತಿ ಕಂತು 2,000 ರೂ.ಗಳಾಗಿದ್ದು, ಅದನ್ನು ಪ್ರತಿ ನಾಲ್ಕು ತಿಂಗಳಿಗೊಮ್ಮೆ ರೈತರ ಖಾತೆಗಳಿಗೆ ವರ್ಗಾಯಿಸಲಾಗುತ್ತದೆ.

ಪ್ರಧಾನ ಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ ಯೋಜನೆ 15 ನೇ ಕಂತನ್ನು ನವೆಂಬರ್ 27, 2023 ರಂದು ರೈತರ ಖಾತೆಗಳಿಗೆ ವರ್ಗಾವಣೆಯಾಗಲಿದೆ. ಈ ಕಂತು ಏಪ್ರಿಲ್-ಮೇ 2023 ತ್ರೈಮಾಸಿಕದ ಕಂತಾಗಿದೆ.

ಈ ಕಂತಿನಲ್ಲಿ ಪ್ರತಿ ರೈತರಿಗೆ 2000 ರೂ.ಗಳಂತೆ ಒಟ್ಟು 11 ಕೋಟಿಗೂ ಅಧಿಕ ರೈತರಿಗೆ 22,000 ಕೋಟಿ ರೂ. ವರ್ಗಾವಣೆಯಾಗಲಿದೆ. 

ಕಂತಿನ ಮೊತ್ತವನ್ನು ನೇರವಾಗಿ ರೈತರ ಬ್ಯಾಂಕ್ ಖಾತೆಗೆ ವರ್ಗಾಯಿಸಲಾಗುವುದು. ರೈತರು ತಮ್ಮ ಕಂತುಗಳ ಸ್ಥಿತಿಯನ್ನು ಪರಿಶೀಲಿಸಲು ಫಲಾನುಭವಿಗಳು ಅಧಿಕೃತ ವೆಬ್‌ಸೈಟ್ pmkisan.gov.in ಗೆ ಭೇಟಿ ನೀಡಬಹುದು.

ಇದನ್ನೂ ಓದಿ-ಬ್ಯಾಂಕ್ ಗ್ರಾಹಕರೆ ಎಚ್ಚರ! ಅಕ್ಟೋಬರ್ 31 ರಿಂದ ಈ ಸರ್ಕಾರಿ ಬ್ಯಾಂಕ್ ಡೆಬಿಟ್ ಕಾರ್ಡ್ ಗಳು ನಿಸ್ಪ್ರಯೋಜಕವಾಗಲಿವೆ!

ಕಂತಿನ ಹಣ ಖಾತೆಯಲ್ಲಿ ಪಡೆದುಕೊಳ್ಳಲು, ರೈತರು ಇ-ಕೆವೈಸಿ ಮಾಡುವುದು ಕಡ್ಡಾಯವಾಗಿದೆ. ಇನ್ನೂ ಇ-ಕೆವೈಸಿ ಮಾಡದ ರೈತರು ತಮ್ಮ ಹತ್ತಿರದ ಸಿಎಸ್‌ಸಿ ಕೇಂದ್ರಕ್ಕೆ ಭೇಟಿ ನೀಡುವ ಮೂಲಕ ಅಥವಾ ಮೊಬೈಲ್ ಅಪ್ಲಿಕೇಶನ್ ಮೂಲಕ ಕೆವೈಸಿ ಪೂರ್ಣಗೊಳಿಸಬಹುದು.

ಇದನ್ನೂ ಓದಿ-ಗ್ಯಾರಂಟಿ ಇಲ್ಲದೆ 3 ಲಕ್ಷ ರೂ.ಗಳವರೆಗೆ ಸಾಲ, ಕಡಿಮೆ ಬಡ್ಡಿ-ಸಬ್ಸಿಡಿ ಯೋಜನೆ ಕುರಿತು ಆರ್ಬಿಐ ಮಹತ್ವದ ಘೋಷಣೆ!

ಪಿಎಂ ಕಿಸಾನ್‌ನ 15 ನೇ ಕಂತಿನ ಕುರಿತು ನೀವು ತಿಳಿದುಕೊಳ್ಳಬೇಕಾದದ್ದು ಇಲ್ಲಿದೆ
ಕಂತು ದಿನಾಂಕ: ನವೆಂಬರ್ 27, 2023
ಕಂತು ಮೊತ್ತ: ಪ್ರತಿ ರೈತರಿಗೆ 2000 ರೂ
ಫಲಾನುಭವಿಗಳು: 11 ಕೋಟಿಗೂ ಹೆಚ್ಚು ರೈತರು
ಕಂತು ಸ್ಥಿತಿ ಪರಿಶೀಲನೆ: pmkisan.gov.in ಗೆ ಭೇಟಿ ನೀಡಿ
ಇ-ಕೆವೈಸಿ ಅವಶ್ಯಕತೆ: ಹೌದು ಅಗತ್ಯವಿದೆ.

ಇದನ್ನೂ ನೋಡಿ-