Post Office: ಈ ಯೋಜನೆಯಲ್ಲಿ ಹೂಡಿಕೆ ಮಾಡಿದರೆ ನಿಮ್ಮ ಹಣ ದುಪ್ಪಟ್ಟಾಗುತ್ತದೆ..!

Kisan Vikas Patra Scheme: ಕೇಂದ್ರ ಸರ್ಕಾರದ ವಲಯದ ಸಂಸ್ಥೆಯಾದ ಪೋಸ್ಟ್ ಆಫೀಸ್ ಅನೇಕ ರೀತಿಯ ಉಳಿತಾಯ ಯೋಜನೆಗಳನ್ನು ನೀಡುತ್ತದೆ ಎಂದು ನಿಮಗೇ ತಿಳಿದಿದೆಯೇ?. ಪೋಸ್ಟ್ ಆಫೀಸ್ ಯಾವುದೇ ಅಪಾಯವಿಲ್ಲದೆ ಉತ್ತಮ ಆದಾಯದ ಯೋಜನೆಗಳನ್ನು ನೀಡುತ್ತಿದೆ. ಹೆಚ್ಚಿನ ಜನರು ಅಪಾಯದ  ಸಮಸ್ಯೆಯನ್ನು ತಪ್ಪಿಸಲು ಪೋಸ್ಟ್ ಆಫೀಸ್ ಯೋಜನೆಗಳಲ್ಲಿ ಹೂಡಿಕೆಯನ್ನು ಮಾಡಲು ಇಚ್ಚಿಸುತ್ತಾರೆ. ಹಾಗಾದರೆ ಯಾವುದು ಆ ಯೋಜನೆ..? ಇದರಲ್ಲಿ ಹೂಡಿಕೆ ಮಾಡಿದರೆ ಎಷ್ಟೆಲ್ಲಾ ಲಾಭ ಸಿಗುತ್ತದೆ ಎಂದು ಇಲ್ಲಿ ತಿಳಿಯೋಣ..

ಪೋಸ್ಟ್‌ ಆಫೀಸ್‌ನಲ್ಲಿ ಅನೇಕ ಯೋಜನಗಳ ಸೌಲಭ್ಯವಿದೆ. ಅದರಲ್ಲಿ ಕಿಸಾನ್ ವಿಕಾಸ್ ಪತ್ರ ಯೋಜನೆಯು ಒಂದಾಗಿದೆ. ಈ ಯೋಜನೆಯಲ್ಲಿ ನೀವು ಶೇಕಡಾ 7 ಕ್ಕಿಂತ ಹೆಚ್ಚು ಬಡ್ಡಿಯನ್ನು ಪಡೆಯಬಹುದು. ಯಾವುದೇ ಅಪಾಯವಿಲ್ಲದೆ ಉತ್ತಮ ಆದಾಯವನ್ನು ಒದಗಿಸುವ ಈ ಯೋಜನೆಯಲ್ಲಿ ಶೇಕಡಾ 7.5 ಬಡ್ಡಿಯನ್ನು ನೀಡಲಾಗುತ್ತದೆ. 

ಇದನ್ನೂ ಓದಿ: 7th Pay commission:ಸರ್ಕಾರಿ ನೌಕರರಿಗೆ ಬಂಪರ್! ಈ ತಿಂಗಳಲ್ಲಿಯೇ ಖಾತೆ ಸೇರಲಿದೆ ಬಹು ದೊಡ್ಡ ಮೊತ್ತ

ಈ ಯೋಜನೆಯಲ್ಲಿ ರೂ. 1000 ಹೂಡಿಕೆಯಿಂದ ಆರಂಭಿಸಬಹುದು. ಕಿಸಾನ್ ವಿಕಾಸ್ ಪತ್ರ ಯೋಜನೆಗೆ ಗರಿಷ್ಠ ಹೂಡಿಕೆ ಮಿತಿ ಇಲ್ಲ. ನೀವು ಇಷ್ಟಪಡುವಷ್ಟು ಹೂಡಿಕೆಯನ್ನು ಇಲ್ಲಿ ಮಾಡಬಹುದು. ಇದಲ್ಲದೆ, ನೀವು ಜಂಟಿ ಖಾತೆಯನ್ನು ಸಹ ತೆರೆಯಬಹುದು. ಇದಲ್ಲದೆ, ಕಿಸಾನ್ ವಿಕಾಸ್ ಪತ್ರದಲ್ಲಿ ನಾಮಿನಿ ಸೌಲಭ್ಯವೂ ಲಭ್ಯವಿದೆ. ಇದರಲ್ಲಿ 10 ವರ್ಷ ಮೇಲ್ಪಟ್ಟ ಮಕ್ಕಳು ಸಹ ತಮ್ಮ ಹೆಸರಿನಲ್ಲಿ ಕೆವಿಪಿ ಖಾತೆಯನ್ನು ತೆರೆಯಬಹುದು.

ಈ ಯೋಜನೆಯ ಮೂಲಕ ನಿಮ್ಮ ಹಣವನ್ನು ಹೇಗೆ ದ್ವಿಗುಣಗೊಳಿಸಬಹುದು ಎಂಬುದನ್ನು ತಿಳಿಯೋಣ.

ಇದಕ್ಕಾಗಿ ನೀವು 9 ವರ್ಷ  7 ತಿಂಗಳವರೆಗೆ ಹೂಡಿಕೆ ಮಾಡಬೇಕು. ಅಂದರೆ ನೀವು ಒಟ್ಟು 115 ತಿಂಗಳವರೆಗೆ ಹಣವನ್ನು ಹೂಡಿಕೆ ಮಾಡಬಹುದು. ಉದಾಹರಣೆಗೆ ನೀವು ರೂ. 5 ಲಕ್ಷ  ಹೂಡಿಕೆ ಮಾಡಿ 115 ತಿಂಗಳ ಖಾತೆ ತೆರೆದರೆ ಒಟ್ಟು ಹಣ 10 ಲಕ್ಷ ಪಡೆಯಬಹುದು. ಈ ಮೊದಲು ಈ ಯೋಜನೆಯಲ್ಲಿ ಹಣವನ್ನು ದ್ವಿಗುಣಗೊಳಿಸಲು 123 ತಿಂಗಳುಗಳನ್ನು ತೆಗೆದುಕೊಂಡಿತು, ಆದರೆ ಅದನ್ನು 115 ತಿಂಗಳಿಗೆ ಇಳಿಸಲಾಗಿದೆ.

ಇದನ್ನೂ ಓದಿ: LIC Policy: ಈ ಪಾಲಿಸಿಯಲ್ಲಿ ಕೇವಲ 166 ರೂಪಾಯಿ ಹೂಡಿಕೆ ಮಾಡಿ 50 ಲಕ್ಷ ಗಳಿಸಿ!

ಕಿಸಾನ್ ವಿಕಾಸ್ ಪತ್ರ ಯೋಜನೆಗೆ ಸೇರಲು ಒಬ್ಬರು ಮೊದಲು ಖಾತೆಯನ್ನು ತೆರೆಯಬೇಕು. ಇದಕ್ಕಾಗಿ ಅಂಚೆ ಕಚೇರಿಯಲ್ಲಿ ಠೇವಣಿ ರಸೀದಿಯೊಂದಿಗೆ ಅರ್ಜಿಯನ್ನು ಭರ್ತಿ ಮಾಡಿ ನಂತರ ಹೂಡಿಕೆ ಮೊತ್ತವನ್ನು ನಗದು, ಚೆಕ್ ಅಥವಾ ಡಿಮ್ಯಾಂಡ್ ಡ್ರಾಫ್ಟ್‌ನಲ್ಲಿ ಠೇವಣಿ ಮಾಡಬೇಕು. ಅರ್ಜಿಯೊಂದಿಗೆ ನಿಮ್ಮ ಗುರುತಿನ ಚೀಟಿಯನ್ನು ಲಗತ್ತಿಸಬೇಕು. ಪ್ರತಿ ಮೂರು ತಿಂಗಳಿಗೊಮ್ಮೆ ಕಿಸಾನ್ ವಿಕಾಸ್ ಪತ್ರ ಯೋಜನೆಯಲ್ಲಿ ಸರ್ಕಾರವು ತನ್ನ ಬಡ್ಡಿದರಗಳನ್ನು ಪರಿಶೀಲಿಸುತ್ತದೆ.