ಅಕ್ಟೋಬರ್ 1 ರಿಂದ ಬದಲಾಗಲಿವೆ ಸಿಮ್ ಕಾರ್ಡ್ ನಿಯಮಗಳು.... ಹೊಸ ರೂಲ್ಸ್‌ ಇಲ್ಲಿ ತಿಳಿಯಿರಿ

sim card new rules 2024: ಅಕ್ಟೋಬರ್ 1 ಸಮೀಪಿಸುತ್ತಿದೆ. ಇನ್ನು ಎರಡು ದಿನ ಮಾತ್ರ ಬಾಕಿ ಇದೆ. ರಿಲಯನ್ಸ್ ಜಿಯೋ, ಏರ್‌ಟೆಲ್, ವೊಡಾಫೋನ್ ಐಡಿಯಾ ಅಥವಾ ಬಿಎಸ್‌ಎನ್‌ಎಲ್ ನೆಟ್‌ವರ್ಕ್ ಆಗಿರಲಿ, ಸಿಮ್ ಕಾರ್ಡ್ ನಿಯಮಗಳು ಬದಲಾಗುತ್ತಿವೆ. ವಿವರಗಳು ಈ ಕೆಳಗಿನಂತಿವೆ.

ಟೆಲಿಕಾಂ ರೆಗ್ಯುಲೇಟರಿ ಅಥಾರಿಟಿ ಆಫ್ ಇಂಡಿಯಾ TRAI ಹೊಸ ನಿಯಮವನ್ನು ತಂದಿದೆ. ಈ ಹೊಸ ನಿಯಮದ ಪ್ರಕಾರ, ಟೆಲಿಕಾಂ ಕಂಪನಿಗಳು ತಮ್ಮ ನೆಟ್‌ವರ್ಕ್ ಯಾವ ಪ್ರದೇಶಗಳಲ್ಲಿ ಲಭ್ಯವಿದೆ ಎಂಬ ವಿವರಗಳನ್ನು ನೀಡಬೇಕು. ಅದೇ ಸಮಯದಲ್ಲಿ, ಸ್ಪ್ಯಾಮ್ ಕರೆಗಳನ್ನು ತಡೆಯಲು ಹೊಸ ಕ್ರಮಗಳನ್ನು ತೆಗೆದುಕೊಳ್ಳಬೇಕು.

ಇದನ್ನೂ ಓದಿ:ಬಿಳಿ ಕೂದಲು ಗಾಢ ಕಪ್ಪಾಗಿ ರೇಷ್ಮೆಯ ಹಾಗೆ ಮಿಂಚಲು ಈ ಹೂವನ್ನು ಅರೆದು ತಲೆಗೆ ಹಚ್ಚಿ ಸಾಕು!

ಬಳಕೆದಾರರ ಅನುಕೂಲತೆ ಮತ್ತು ಸೌಕರ್ಯವನ್ನು ಗಮನದಲ್ಲಿಟ್ಟುಕೊಂಡು TRAI ಕಾಲಕಾಲಕ್ಕೆ SIM ಕಾರ್ಡ್ ನಿಯಮಗಳನ್ನು ಬದಲಾಯಿಸುತ್ತದೆ. ಇದರ ಭಾಗವಾಗಿ, TRAI ಮತ್ತೊಂದು ನಿಬಂಧನೆಯನ್ನು ಪರಿಚಯಿಸಿದೆ. ಈ ನಿಯಮ ಜಾರಿಗೆ ಬಂದರೆ ಯಾವ ಪ್ರದೇಶದಲ್ಲಿ ಯಾವ ನೆಟ್‌ವರ್ಕ್ ಲಭ್ಯವಿದೆ ಎಂಬುದನ್ನು ಬಳಕೆದಾರರು ಸುಲಭವಾಗಿ ತಿಳಿದುಕೊಳ್ಳುತ್ತಾರೆ. 

TRAI ಈಗಾಗಲೇ ವೊಡಾಫೋನ್ ಐಡಿಯಾ, ಏರ್‌ಟೆಲ್, ರಿಲಯನ್ಸ್ ಜಿಯೋ ಮತ್ತು ಬಿಎಸ್‌ಎನ್‌ಎಲ್‌ಗೆ ಸಾಕಷ್ಟು ವಿವರಗಳನ್ನು ನೀಡುವಂತೆ ಕೇಳಿದೆ. ಏಕೆಂದರೆ ಒಂದೇ ಕಂಪನಿಯು ವಿವಿಧ ನೆಟ್‌ವರ್ಕ್‌ಗಳನ್ನು ನೀಡುತ್ತದೆ. 5G ನೆಟ್‌ವರ್ಕ್ ಒಂದು ಪ್ರದೇಶದಲ್ಲಿ ಲಭ್ಯವಿರಬಹುದು ಮತ್ತು ಇನ್ನೊಂದು ಪ್ರದೇಶದಲ್ಲಿ ಇರಲಿಕ್ಕಿಲ್ಲ. ಬೇರೆ ಸಂಸ್ಥೆಯು ಇನ್ನೊಂದು ಪ್ರದೇಶದಲ್ಲಿ ನೆಟ್‌ವರ್ಕ್ ಹೊಂದಿರಬಹುದು. ಕಂಪನಿಯು ಒಂದೇ ಆಗಿದ್ದರೂ ಸಹ ಪ್ರದೇಶವನ್ನು ಅವಲಂಬಿಸಿ 5G ಅಥವಾ 4G ಲಭ್ಯವಿರುತ್ತದೆ.  

ಇದನ್ನೂ ಓದಿ:ನನ್ನ ಮೇಲೆ ರಾಜಕೀಯ ಪ್ರೇರಿತ ಕೇಸ್ ಹಾಕಿರುವುದು ಇದೇ ಮೊದಲು: ಮುಖ್ಯಮಂತ್ರಿ ಸಿದ್ದರಾಮಯ್ಯ

ಇನ್ನು ಮುಂದೆ ಟೆಲಿಕಾಂ ಕಂಪನಿಗಳು ತಮ್ಮ ವೆಬ್‌ಸೈಟ್‌ಗಳಲ್ಲಿ ನೆಟ್‌ವರ್ಕ್ ಸಂಬಂಧಿತ ಮಾಹಿತಿಯನ್ನು ಸಂಪೂರ್ಣವಾಗಿ ನಮೂದಿಸಬೇಕು. ಅದರೊಂದಿಗೆ ಬಳಕೆದಾರರು ಸುಲಭವಾಗಿ ತಿಳಿದುಕೊಳ್ಳಬಹುದು. ನಿಮ್ಮ ಪ್ರದೇಶದಲ್ಲಿ Airtel 5G ಲಭ್ಯವಿದೆಯೇ ಎಂದು ನೀವು ತಿಳಿದುಕೊಳ್ಳಲು ಬಯಸಿದರೆ, ನೇರವಾಗಿ ಕಂಪನಿಯ ವೆಬ್‌ಸೈಟ್ ಅನ್ನು ತೆರೆಯಬಹುದು ಮತ್ತು ನಿಮ್ಮ ಸ್ಥಳವನ್ನು ನಮೂದಿಸಬಹುದು. ನೆಟ್ವರ್ಕ್ ಬಗ್ಗೆ ಮಾಹಿತಿಯನ್ನು ಇಲ್ಲಿ ಕಾಣಬಹುದು. 

ಇಂದಿನ ದಿನಗಳಲ್ಲಿ ಎಲ್ಲಾ ನೆಟ್‌ವರ್ಕ್ ಬಳಕೆದಾರರು ಎದುರಿಸುತ್ತಿರುವ ಪ್ರಮುಖ ಸಮಸ್ಯೆ ಸ್ಪ್ಯಾಮ್ ಕರೆಗಳು. ಇದನ್ನು ತಡೆಯಲು ಟೆಲಿಕಾಂ ಕಂಪನಿ ಕಠಿಣ ಕ್ರಮಗಳನ್ನು ತೆಗೆದುಕೊಳ್ಳಬೇಕು ಎಂದು TRAI ಸೂಚಿಸಿದೆ.