Stock Market Updates: ಷೇರುಪೇಟೆಯಲ್ಲಿ ʼಕರಡಿʼ ಕುಣಿತಕ್ಕೆ ಕರಗಿತು ₹6 ಲಕ್ಷ ಕೋಟಿ ಸಂಪತ್ತು..!

Stock Market Updates: ಭಾರತೀಯ ಷೇರುಪೇಟೆಯಲ್ಲಿ ಮತ್ತೆ ಕರಡಿ ಕುಣಿತದ ಪರಿಣಾಮ ಹೂಡಿಕೆದಾರರಿಗೆ ಭಾರೀ ನಷ್ಟವಾಗಿದೆ. ಬುಧವಾರದ ವಹಿವಾಟಿನಲ್ಲಿ ಒಂದು ರೀತಿ Bloodbath ಆದಂತಾಗಿದೆ. ಫೆಬ್ರವರಿ ತಿಂಗಳ ಕೊನೆಯ ವಾರದ ಸೋಮವಾರ ಕುಸಿತ ಕಂಡಿದ್ದ ಷೇರುಪೇಟೆ, ಮಂಗಳವಾರ ಚೇತರಿಕೆ ಕಂಡಿತ್ತು. ಆದರೆ ಇಂದು ಮತ್ತೆ ಭಾರೀ ಕುಸಿತ ಕಾಣುವ ಮೂಲಕ ಹೂಡಿಕೆದಾರರಿಗೆ ದೊಡ್ಡ ಹೊಡೆತ ನೀಡಿದೆ.

ಬುಧವಾರದ ಟ್ರೇಡಿಂಗ್‌ ಸೆಷನ್‌ನಲ್ಲಿ ಷೇರುಮಾರುಕಟ್ಟೆಯಿಂದ ಬರೋಬ್ಬರಿ 6 ಲಕ್ಷ ಕೋಟಿ ರೂ. ಸಂಪತ್ತು ಕರಗಿಹೋಗಿದೆ. ಪ್ರಮುಖ ಷೇರುಗಳಾದ POWERGRID(ಶೇ.4.22), BAJAJ-AUTO(3.82 ), APOLLO HOSPITAL(ಶೇ.3.77), RELIANCE INDUSTRIES(ಶೇ.1.89), ICICI(ಶೇ.1.28), HDFC(ಶೇ.0.99), KOTAK MAHINDRA BANK (ಶೇ.1.57) ಮುಂತಾದ ಕಂಪನಿಗಳ ಷೇರುಗಳು ಭಾರೀ ಕುಸಿತ ಕಂಡಿವೆ. 

ಮಿಡ್‌ ಕ್ಯಾಪ್‌ ಇಂಡೆಕ್ಸ್‌ನ ಬರೋಬ್ಬರಿ ಶೇ.80ರಷ್ಟು ಕಂಪನಿಗಳು ಭಾರೀ ನಷ್ಟದಲ್ಲಿ ವಹಿವಾಟು ಮಾಡಿವೆ. ಪವರ್‌, ಆಟೋ, ತೈಲ ಹಾಗೂ ರಿಯಾಲ್ಟಿ ಸೆಕ್ಟರ್‌ಗಳು ಶೇ.2ರಷ್ಟು ಕುಸಿದಿವೆ. ಈ ಸೆಕ್ಟರ್‌ಗಳಲ್ಲಿ ಹೆಚ್ಚಿನ ಸೆಲ್ಲಿಂಗ್‌ ಪ್ರೇಷರ್ ಕಂಡುಬಂದ ಕಾರಣ ಮಾರ್ಕೆಟ್‌ ಕುಸಿತಕ್ಕೆ ಕಾರಣವಾಗಿದೆ.‌

ಭಾರತ ಸೇರಿದಂತೆ ಏಲ್ಲಾ ಏಷ್ಯನ್‌ ಮಾರ್ಕೆಟ್‌ಗಳಲ್ಲೂ ಕುಸಿತ ಕಂಡುಬಂದಿದೆ. ಅಮೆರಿಕದ ಆರ್ಥಿಕ ಡೇಟಾಗಾಗಿ ಹೂಡಿಕೆದಾರರು ಕಾಯುತ್ತಿರುವುದು ಹಾಗೂ ಗುರುವಾರ ಬಿಡುಗಡೆಯಾಗಲಿರುವ 3ನೇ ಕ್ವಾರ್ಟರ್‌ನ GDP ಡೇಟಾದ ಮೇಲೂ ಹೂಡಿಕೆದಾರರು ಕಣ್ಣಿಟ್ಟಿದ್ದಾರೆ. 

ಇದನ್ನೂ ಓದಿ: Typical Farming: ಕಡಿಮೆ ಹೂಡಿಕೆ ಮತ್ತು ಹೆಚ್ಚು ಲಾಭ..! ಲಕ್ಷಗಟ್ಟಲೆ ದುಡಿಯುತ್ತಿರುವ ಆದರ್ಶ ರೈತ

ಬುಧವಾರದ ದಿನದ ವಹಿವಾಟಿನ ಅಂತ್ಯಕ್ಕೆ SENSEX ಬರೋಬ್ಬರಿ 790.34 ಪಾಯಿಂಟ್ಸ್‌ (1.08%) ಕುಸಿತ ಕಂಡು 72,304.88ಕ್ಕೆ ತಲುಪಿದರೆ, NIFTY 50 247.20 ಪಾಯಿಂಟ್ಸ್‌  ಕಳೆದುಕೊಂಡು  21,951.15(1.11%)ಕ್ಕೆ ಕುಸಿತ ಕಂಡಿದೆ.