ಮಕರ ಸಂಕ್ರಾಂತಿಗೆ ಪ್ರತಿ ಮನೆ ಯಜಮಾನನ ಖಾತೆಗೆ ಸಾವಿರ ರೂಪಾಯಿ ವರ್ಗಾವಣೆ ಮಾಡಲಿರುವ ರಾಜ್ಯ ಸರ್ಕಾರ !

ಮುಂದಿನ ತಿಂಗಳು ಮಕರ ಸಂಕ್ರಾಂತಿ. ವರ್ಷದ ಮೊದಲ ಹಬ್ಬ. ಪೈರು ತೆಗೆಯುವ ಸಂದರ್ಭದಲ್ಲಿ ಆಚರಿಸಲಾಗುವ ಸಂಕ್ರಾಂತಿ ಹಬ್ಬ ಸಮೃದ್ಧಿಯ ಸಂಕೇತ. ಸಂಕ್ರಾಂತಿಯನ್ನು ಧಾರ್ಮಿಕ ತತ್ವಗಳಿಂದ  ಆಚರಿಸಲಾಗುತ್ತದೆ. ಈ ಸುಗ್ಗಿ ಹಬ್ಬವನ್ನು ರಾಜ್ಯದ ವಿವಿಧೆಡೆ  ಸಂಭ್ರಮದಿಂದ ಆಚರಿಸಲಾಗುತ್ತದೆ. 

ಜನರು ಸಂಕ್ರಾಂತಿ ಹಬ್ಬಕ್ಕೆ ತಮ್ಮ ತಮ್ಮ ಊರುಗಳಿಗೆ ತೆರಳುತ್ತಾರೆ. ಈ ನಡುವೆ ತಮಿಳುನಾಡು ಸರ್ಕಾರವು ಪೊಂಗಲ್ ಹಬ್ಬಕ್ಕೆ ಸಂಬಂಧಿಸಿದ ಕಾರ್ಯಕ್ರಮಗಳನ್ನು ಕಾರ್ಯಗತಗೊಳಿಸಲು ಸಕ್ರಿಯವಾಗಿ ಕಾರ್ಯನಿರ್ವಹಿಸುತ್ತಿದೆ. ಮಕರ ಸಂಕ್ರಾಂತಿ ಅಥವಾ ಪೊಂಗಲ್ ಸಲುವಾಗಿ ಪಡಿತರ ಚೀಟಿ ಹೊಂದಿರುವವರಿಗೆ ತಮಿಳುನಾಡು ಸರ್ಕಾರ, ಪೊಂಗಲ್ ಉಡುಗೊರೆಯಾಗಿ 1,000 ರೂಪಾಯಿ ನೀಡಲಿದೆ ಎಂದು ವರದಿಯಾಗಿದೆ. ಅಲ್ಲದೆ, ಪೊಂಗಲ್ ಉಡುಗೊರೆ ಪ್ಯಾಕೇಜ್‌ನಲ್ಲಿ ಅಕ್ಕಿ, ಸಕ್ಕರೆ ಮತ್ತು ಕಬ್ಬು ಸೇರಿದೆ.

ಇದನ್ನೂ ಓದಿ : ಸರ್ಕಾರಿ ಉದ್ಯೋಗಿಗಳಿಗೆ ಹೊಸ ವರ್ಷದ ಜಾಕ್‌ಪಾಟ್:18 ತಿಂಗಳ ಡಿಎ ಅರಿಯರ್ ಖಾತೆಗೆ

ಕಳೆದ ಕೆಲವು ವರ್ಷಗಳಿಂದ ಪೊಂಗಲ್ ಬಹುಮಾನದ ಹಣವನ್ನು ನೇರವಾಗಿ ಪಡಿತರ ಅಂಗಡಿಗಳ ಮೂಲಕ ವಿತರಿಸಲಾಗುತ್ತಿದೆ. ಆದರೆ ಅದು ಸರಿಯಾಗಿ ಜನರಿಗೆ ತಲುಪಿಲ್ಲ ಎಂಬ ದೂರುಗಳು ಬಂದಿದೆ. ಈ ಹಿನ್ನೆಲೆಯಲ್ಲಿ ತಮಿಳುನಾಡು ಸರ್ಕಾರ ಈ ಬಾರಿ ಬ್ಯಾಂಕ್ ಖಾತೆಗೆ ನೇರ ಹಣ ಪಾವತಿ ಮಾಡುವ ಬಗ್ಗೆ ಚಿಂತನೆ ನಡೆಸಿದೆ ಎನ್ನಲಾಗಿದೆ. ಕುಟುಂಬದ ಪ್ರತಿಯೊಬ್ಬ ಯಜಮಾನನ ಬ್ಯಾಂಕ್ ಖಾತೆಗೆ ನೇರವಾಗಿ ಹಣ ಪಾವತಿ ಮಾಡಲು ಸರ್ಕಾರ ಚಿಂತನೆ ನಡೆಸಿದೆ. ಆದರೆ ಈ ಹಣ ಖಾತೆಗೆ ಸೇರಬೇಕಾದರೆ ಆ ಬ್ಯಾಂಕ್ ಖಾತೆಗಳು ಸಕ್ರಿಯವಾಗಿರಬೇಕು, ಮತ್ತು ಕನಿಷ್ಠ ಬ್ಯಾಲೆನ್ಸ್ ಹೊಂದಿರುವುದು ಮುಖ್ಯ. 

ಬ್ಯಾಂಕ್‌ಗಳಲ್ಲಿ ನೇರ ಪಾವತಿ ಸಾಧ್ಯವಾಗದಿದ್ದಲ್ಲಿ ಪಡಿತರ ಅಂಗಡಿಗಳ ಮೂಲಕ ನೇರವಾಗಿ ಹಣ ವಿತರಿಸಲಾಗುವುದು. ಸಾಮಾನ್ಯವಾಗಿ ಇದಕ್ಕಾಗಿ ವಿಶೇಷ ಟೋಕನ್ ಗಳನ್ನೂ ನೀಡಲಾಗುತ್ತದೆ. ಈ ಬಾರಿ ನೇರವಾಗಿ ಹಣ ಪಾವತಿಸಿದರೆ ಮುಂದಿನ ವಾರ 20 ರಂದು ಟೋಕನ್ ನೀಡುವ ನಿರೀಕ್ಷೆ ಇದೆ. 2022ರ ಪೊಂಗಲ್ ಉಡುಗೊರೆಯಲ್ಲಿ ಒಟ್ಟು 21 ವಸ್ತುಗಳನ್ನು ಸೇರಿಸಲಾಗಿದೆ. ಕಳೆದ ವರ್ಷವೂ ಹುಣಸೆಹಣ್ಣು, ಸಕ್ಕರೆ, ಕಬ್ಬು ಮತ್ತಿತರ ಉತ್ಪನ್ನಗಳಿಗೆ 1000 ರೂ. ನೀಡಲಾಗಿತ್ತು. ಈ ವರ್ಷವೂ ಅದೇ ಪದ್ಧತಿ ಮುಂದುವರಿಯಲಿದೆ ಎನ್ನಲಾಗಿದೆ.

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ. 

ಯಾರಿಗೆ 1000 ರೂ. ನೀಡಲಾಗುವುದು? :
ಪಡಿತರ ಚೀಟಿ ಹೊಂದಿರುವ ಪ್ರತಿ ಕುಟುಂಬಕ್ಕೂ ಟೋಕನ್ ನೀಡಲಿದ್ದು, ಅದರ ಮೂಲಕ ಬಹುಮಾನದ ಹಣವನ್ನು ವಿತರಿಸಲಾಗುವುದು. ಜನದಟ್ಟಣೆ ತಪ್ಪಿಸಲು ಟೋಕನ್ ನೀಡಲಾಗುತ್ತದೆ. ನಿಗದಿತ ದಿನದಂದು ನೀವು ಉಡುಗೊರೆ ವಸ್ತುಗಳನ್ನು ಪಡೆಯಬಹುದು.