ನವದೆಹಲಿ: ಎಲ್‌ಪಿಜಿ ಸಿಲಿಂಡರ್‌ಗಳ ಮೇಲಿನ ಸಬ್ಸಿಡಿಗೆ ಸಂಬಂಧಿಸಿದಂತೆ ಗ್ರಾಹಕರ ಮನಸ್ಸಿನಲ್ಲಿ ಹಲವು ಪ್ರಶ್ನೆಗಳಿವೆ. ಅನೇಕ ಜನರು ತಮ್ಮ ಖಾತೆಯಲ್ಲಿ ಯಾವುದೇ ಸಬ್ಸಿಡಿ ಬಂದಿಲ್ಲ ಎಂದು ದೂರುತ್ತಾರೆ. ಅದೇ ಸಮಯದಲ್ಲಿ, ಸರ್ಕಾರವು ಗ್ಯಾಸ್ ಸಿಲಿಂಡರ್‌ಗಳ ಮೇಲಿನ ಸಬ್ಸಿಡಿಯನ್ನು ರದ್ದುಗೊಳಿಸಿದೆ ಎಂದು ಅನೇಕ ಜನರು ಭಾವಿಸುತ್ತಾರೆ. ಅಂತಹ ಗ್ರಾಹಕರೊಬ್ಬರು ಸಾಮಾಜಿಕ ಮಾಧ್ಯಮದ ಮೂಲಕ ಎಲ್‌ಪಿಜಿ ಸಿಲಿಂಡರ್‌ಗಳ ಮೇಲಿನ ಸಬ್ಸಿಡಿಯನ್ನು ರದ್ದುಗೊಳಿಸಲಾಗಿದೆಯೇ? ಎಂದು ಸರ್ಕಾರವನ್ನು ಪ್ರಶ್ನಿಸಿದ್ದಾರೆ. ಗ್ರಾಹಾಕರ ಈ ಪ್ರಶ್ನೆಗೆ ಸರ್ಕಾರ ಉತ್ತರಿಸಿದೆ.


COMMERCIAL BREAK
SCROLL TO CONTINUE READING

ಗ್ರಾಹಕರ ಪ್ರಶ್ನೆ:
ದೆಹಲಿಯ ಗ್ರಾಹಕರೊಬ್ಬರು ಟ್ವೀಟ್ ಮಾಡುವ ಮೂಲಕ 'ಮೋದಿ ಸರ್ಕಾರವು ಎಲ್‌ಪಿಜಿಯ ಮೇಲಿನ ಸಬ್ಸಿಡಿಯನ್ನು (LPG Cylinder Subsidy) ರದ್ದುಗೊಳಿಸಿದೆಯೇ ಎಂದು ಮತ್ತೊಮ್ಮೆ ತಿಳಿಯಲು ನಾವು ಬಯಸುತ್ತೇವೆ. ಏಕೆಂದರೆ ಕಳೆದ 18 ತಿಂಗಳಲ್ಲಿ, ನಮ್ಮ ಖಾತೆಯಲ್ಲಿ ಒಂದು ಪೈಸೆ ಸಬ್ಸಿಡಿ ಬಂದಿಲ್ಲ, ಆದರೆ ಗ್ಯಾಸ್ ಏಜೆನ್ಸಿ ಚೀಟಿಯಲ್ಲಿ 859 ರೂ. ಸಿಲಿಂಡರ್ ಸಬ್ಸಿಡಿಯೊಂದಿಗೆ ಎಂದು ಬರೆಯುತ್ತಾರೆ ಎಂದು ಪ್ರಶ್ನಿಸಿದ್ದಾರೆ. ಸಿಎಲ್ ಶರ್ಮಾ ಹೆಸರಿನ ಈ ಗ್ರಾಹಕರು ಈ ಟ್ವೀಟ್ನಲ್ಲಿ ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಇಲಾಖೆಯನ್ನು @MoPNG_Seva ಟ್ಯಾಗ್ ಕೂಡ ಮಾಡಿದ್ದಾರೆ.


LPG Price: ಅಕ್ಟೋಬರ್ 1 ರಿಂದ ಎಲ್‌ಪಿಜಿ ಬೆಲೆಯಲ್ಲಿ ಭಾರಿ ಏರಿಕೆ ಸಾಧ್ಯತೆ


ಸರ್ಕಾರ ಈ ಉತ್ತರವನ್ನು ನೀಡಿದೆ:
ಟ್ವೀಟ್ @MoPNG_eSeva ಎಂಬ ಟ್ವಿಟರ್ ಖಾತೆಯ ಮೂಲಕ ಗ್ರಾಹಕರ ಪ್ರಶ್ನೆಗೆ ಉತ್ತರಿಸಲಾಗಿದೆ. ಇದರಲ್ಲಿ 'ಗಮನಿಸಿ ಪ್ರಿಯ ಗ್ರಾಹಕ- ಸಬ್ಸಿಡಿ ರದ್ದುಪಡಿಸಲಾಗಿಲ್ಲ. ಆದರೆ ಪ್ರಸ್ತುತ ದೇಶೀಯ ಎಲ್‌ಪಿಜಿ ಗ್ಯಾಸ್ (LPG Gas) ಮೇಲಿನ ಸಬ್ಸಿಡಿಯು ಚಾಲ್ತಿಯಲ್ಲಿದೆ ಮತ್ತು ಮಾರುಕಟ್ಟೆಯಿಂದ ಮಾರುಕಟ್ಟೆಗೆ ಇದು ಬದಲಾಗುತ್ತದೆ. PAHAL (DBTL) ಸ್ಕೀಮ್ 2014 ರ ಪ್ರಕಾರ, ಮಾರುಕಟ್ಟೆಗೆ ಸಬ್ಸಿಡಿ ಮೊತ್ತವನ್ನು 'ಸಬ್ಸಿಡಿ ಸಿಲಿಂಡರ್ ಬೆಲೆ' ಮತ್ತು 'ಸಬ್ಸಿಡಿ ರಹಿತ ಸಿಲಿಂಡರ್ ನ ಮಾರುಕಟ್ಟೆ ನಿರ್ಧಾರಿತ ಬೆಲೆ' ನಡುವಿನ ವ್ಯತ್ಯಾಸದಿಂದ ನಿರ್ಧರಿಸಲಾಗುತ್ತದೆ ಎಂದು ತಿಳಿಸಲಾಗಿದೆ.


LPG Subsidy: ನಿಮಗೆ ಎಲ್‌ಪಿಜಿ ಮೇಲೆ ಸಬ್ಸಿಡಿ ಸಿಗುತ್ತಿದೆಯೇ ? ಹೀಗೆ ಚೆಕ್ ಮಾಡಿ


ಸಬ್ಸಿಡಿಯನ್ನು ಈ ರೀತಿ ಪರಿಶೀಲಿಸಿ:
ನೀವು ಸಬ್ಸಿಡಿಯನ್ನು ಪರಿಶೀಲಿಸಲು ಬಯಸಿದರೆ ಕೆಲವು ಪ್ರಮುಖ ಕ್ರಮಗಳನ್ನು ತೆಗೆದುಕೊಳ್ಳಬೇಕಾಗುತ್ತದೆ. ಇದರಿಂದ ನಿಮಗೆ ಸಬ್ಸಿಡಿ ಪಡೆಯಲು ಅರ್ಹತೆ ಇದೆಯೋ ಇಲ್ಲವೋ ಎಂಬುದು ತಿಳಿಯುತ್ತದೆ.
1. ನೀವು ಇಂಡೇನ್‌ನ ಸಿಲಿಂಡರ್ ಗ್ರಾಹಕರಾಗಿದ್ದರೆ, ಮೊದಲು ಇಂಡಿಯನ್ ಆಯಿಲ್ ವೆಬ್‌ಸೈಟ್ indianoil.in ಗೆ ಹೋಗಿ. ಇಲ್ಲಿ ನೀವು LPG ಸಿಲಿಂಡರ್‌ನ ಫೋಟೋವನ್ನು ನೋಡುತ್ತೀರಿ, ಅದರ ಮೇಲೆ ಕ್ಲಿಕ್ ಮಾಡಿ.
2. ಇದರ ನಂತರ ದೂರು ಪೆಟ್ಟಿಗೆ ತೆರೆಯುತ್ತದೆ ಇದರಲ್ಲಿ 'ಸಬ್ಸಿಡಿ ಸ್ಥಿತಿ' ಎಂದು ಬರೆಯಿರಿ ಮತ್ತು ಮುಂದುವರಿಯಿರಿ ಬಟನ್ ಕ್ಲಿಕ್ ಮಾಡಿ.
3. 'ಸಬ್ಸಿಡಿ ಸಂಬಂಧಿತ (PAHAL)' ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ. ಇದರ ಅಡಿಯಲ್ಲಿ 'ಸಬ್ಸಿಡಿ ಪಡೆದಿಲ್ಲ' ಮೇಲೆ ಕ್ಲಿಕ್ ಮಾಡಿ.
4. ಹೊಸ ಡೈಲಾಗ್ ಬಾಕ್ಸ್ ಕಾಣಿಸುತ್ತದೆ ಇದರಲ್ಲಿ 2 ಆಯ್ಕೆಗಳು ಕಾಣಿಸಿಕೊಳ್ಳುತ್ತವೆ. ಇಲ್ಲಿ ನೋಂದಾಯಿತ ಮೊಬೈಲ್ ಸಂಖ್ಯೆ ಮತ್ತು LPG ಐಡಿ ತೋರಿಸಲಾಗುತ್ತದೆ.
5. ನಿಮ್ಮ ಎಲ್‌ಪಿಜಿ ಗ್ಯಾಸ್ ಸಂಪರ್ಕವು ಮೊಬೈಲ್‌ನೊಂದಿಗೆ ಸಂಪರ್ಕಗೊಂಡಿದ್ದರೆ ಅದನ್ನು ಆಯ್ಕೆ ಮಾಡಿ ಅಥವಾ ನೀವು 17 ಅಂಕಿಯ ಎಲ್‌ಪಿಜಿ ಐಡಿ ನಮೂದಿಸಿ.
6. LPG ID ಯನ್ನು ನಮೂದಿಸಿದ ನಂತರ, ಪರಿಶೀಲಿಸಿ ಮತ್ತು ಸಲ್ಲಿಸು ಬಟನ್ ಒತ್ತಿರಿ
7. ಇದರ ನಂತರ, ಸಬ್ಸಿಡಿ ಮಾಹಿತಿಯು ಬುಕಿಂಗ್ ದಿನಾಂಕ ಮತ್ತು ಇತರ ವಿವರಗಳು ತಕ್ಷಣ ಲಭ್ಯವಾಗುತ್ತದೆ.


ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ