Food Delivery By Plane: ಇನ್ಮುಂದೆ ನೀವು ದೇಶದ ಯಾವುದೇ ನಗರದಿಂದ ಅಲ್ಲಿನ ವಿಶೇಷ ಆಹಾರ ತರಿಸಿಕೊಳ್ಳಬಹುದು, ಇಲ್ಲಿದೆ ವಿವರ

Zomato Food Delivery App: ನೀವು ಕೂಡ ಖಾದ್ಯ ಮತ್ತು ಪಾನೀಯ ಪ್ರಿಯರಾಗಿದ್ದಾರೆ ಈ ಸುದ್ದಿ ವಿಶೇಷವಾಗಿ ನಿಮಗಾಗಿ.  ಈಗ ನೀವು ಮನೆಯಲ್ಲಿ ಕುಳಿತು ದೇಶದ ಇತರ ನಗರಗಳಿಂದ ಅಲ್ಲಿನ ವಿಶೇಷ ಅಥವಾ ಜನಪ್ರೀಯ ಆಹಾರವನ್ನು ನಿಮ್ಮ ಮನೆಗೆ ಬರಮಾಡಿಸಿಕೊಳ್ಳಬಹುದು. ಸರಕು ಮತ್ತು ಆಹಾರದ ಆನ್‌ಲೈನ್ ವಿತರಣಾ ಪಾಲುದಾರ ಝೊಮಾಟೊ, ಭಾರತದ ಯಾವುದೇ ನಗರದಿಂದ ದೇಶದ ಯಾವುದೇ ಭಾಗಕ್ಕೆ ವಿಶೇಷ ಆಹಾರವನ್ನು ಕೊಂಡೊಯ್ಯುವ ಪ್ರಾಯೋಗಿಕ ಯೋಜನೆಯನ್ನು ಪ್ರಾರಂಭಿಸಿದೆ. ಕಂಪನಿಯ ಸಂಸ್ಥಾಪಕ ಮತ್ತು ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ (ಸಿಇಒ) ದೀಪೇಂದ್ರ ಗೋಯಲ್ ಈ ಮಾಹಿತಿ ನೀಡಿದ್ದಾರೆ.

ಇದನ್ನೂ ಓದಿ-SBI Cashback Credit Card: ಎಸ್ಬಿಐನಿಂದ ಸಾವಿರಾರು ರೂ.ಗಳ ಕ್ಯಾಶ್ ಬ್ಯಾಕ್ ಕೊಡುವ ಕ್ರೆಡಿಟ್ ಕಾರ್ಡ್ ಬಿಡುಗಡೆ

ಯಾವುದೇ ನಗರದಿಂದ ಆಹಾರವನ್ನು ಆರ್ಡರ್ ಮಾಡುವುದು ಸುಲಭವಾಗಿದೆ
ಸ್ಥಾಪಕ ಮತ್ತು ಸಿಇಒ ದೀಪಿಂದರ್ ಗೋಯಲ್ ಪ್ರಕಾರ, ಆನ್‌ಲೈನ್ ಆಹಾರ ವಿತರಣಾ ವೇದಿಕೆ ಜೊಮಾಟೊ ಭಾರತದ ಯಾವುದೇ ನಗರದಿಂದ ದೇಶದ ವಿವಿಧ ಭಾಗಗಳಿಗೆ ಆಹಾರವನ್ನು ತಲುಪಿಸುವ ಪ್ರಾಯೋಗಿಕ ಯೋಜನೆಯನ್ನು ಪ್ರಾರಂಭಿಸಿದೆ. ತನ್ನ  'ಇಂಟರ್‌ಸಿಟಿ ಲೆಜೆಂಡ್ಸ್' ಮೂಲಕ, ಭಾರತದಲ್ಲಿ ಎಲ್ಲಿಂದಲಾದರೂ ಆರ್ಡರ್ ಮಾಡಲು ಜೊಮಾಟೊ ಕಾರ್ಯನಿರ್ವಹಿಸುತ್ತಿದೆ, ಕೋಲ್ಕತ್ತಾದಿಂದ ಬೇಯಿಸಿದ ರಸಗುಲ್ಲಾಗಳು, ಹೈದರಾಬಾದ್‌ನಿಂದ ಬಿರಿಯಾನಿ, ಬೆಂಗಳೂರಿನಿಂದ ಮೈಸೂರು ಪಾಕ್, ಲಖನೌ ನಿಂದ ಲೆಜೆಂಡರಿ ಖಾದ್ಯಗಳಾದ ಕಬಾಬ್, ಬಟರ್ ಚಿಕನ್ , ಈರುಳ್ಳಿ ಕಚೋರಿ, ದೆಹಲಿ ಅಥವಾ ಜೈಪುರದಿಂದ ಮನೆಯಲ್ಲಿ ಕುಳಿತು ಆರ್ಡರ್ ಮಾಡಬಹುದು. ಆದೇಶದ ಮರುದಿನವೇ ಈ ಭಕ್ಷ್ಯಗಳನ್ನು ವಿತರಿಸಲಾಗುವುದು ಎಂದು ಅವರು ಹೇಳಿದ್ದಾರೆ.

ಇದನ್ನೂ ಓದಿ-Largest Economy In The World: ಬ್ರಿಟನ್ ಹಿಂದಿಕ್ಕಿದ ಭಾರತ 5ನೇ ಸ್ಥಾನಕ್ಕೆ ಏರಿಕೆ!

ಆಹಾರವನ್ನು ಸುರಕ್ಷಿತ ಪೆಟ್ಟಿಗೆಗಳಲ್ಲಿ ಇಡಲಾಗುತ್ತದೆ
ಈ ವಿಶೇಷ ಖಾದ್ಯಗಳನ್ನು ಝೊಮಾಟೊ ಆ್ಯಪ್‌ನಲ್ಲಿ 'ಇಂಟರ್‌ಸಿಟಿ ಲೆಜೆಂಡ್ಸ್' ಮೂಲಕ ಆರ್ಡರ್ ಮಾಡಬಹುದು ಮತ್ತು ಅವುಗಳ ವಿತರಣೆಯನ್ನು ವಿಮಾನ ಸೇವೆಯ ಮೂಲಕ ಮಾಡಲಾಗುವುದು ಎಂದು ಗೋಯಲ್ ಹೇಳಿದ್ದಾರೆ. ಹಾರಾಟದ ಸಮಯದಲ್ಲಿ ಸುರಕ್ಷಿತವಾಗಿಡಲು ಭಕ್ಷ್ಯಗಳನ್ನು ತಾಜಾ ಮತ್ತು ಮರುಬಳಕೆ ಮಾಡಬಹುದಾದ ಸುರಕ್ಷಿತ ಕಂಟೈನರ್‌ಗಳಲ್ಲಿ ಇರಿಸಲಾಗುವುದು ಎಂದು ಅವರು ಹೇಳಿದ್ದಾರೆ. ಇದೀಗ ಗುರುಗ್ರಾಮ್ ಮತ್ತು ದಕ್ಷಿಣ ದೆಹಲಿಯ ಕೆಲವು ಭಾಗಗಳ ಆಯ್ದ ಗ್ರಾಹಕರಿಗೆ ಆರಂಭಿಕ ಯೋಜನೆಯಾಗಿ ಇದನ್ನು ಪ್ರಾರಂಭಿಸಲಾಗಿದೆ ಎಂದು ಅವರು ಮಾಹಿತಿ ನೀಡಿದ್ದಾರೆ. ಪ್ರಸ್ತುತ, Zomato ತನ್ನ ರೆಸ್ಟೋರೆಂಟ್ ಪಾಲುದಾರರಿಗೆ 7 ರಿಂದ 10 ಕಿಮೀ ವ್ಯಾಪ್ತಿಯಲ್ಲಿರುವ ಪ್ರದೇಶಗಳಲ್ಲಿ ಮಾತ್ರ ಆರ್ಡರ್‌ಗಳನ್ನು ತಲುಪಿಸುತ್ತದೆ ಎಂಬುದು ಇಲ್ಲಿ ಉಲ್ಲೇಖನೀಯ.

ಇದನ್ನೂ ನೋಡಿ-